Latest News

የባሕር ዳር ዩኒቨርሲቲ የቦርድ አመራር እና ከፍተኛ አመራሮች ችግኝ ተከሉ

የባሕር ዳር ዩኒቨርሲቲ ስራ አመራር ቦርድ አባላት ከዩኒቨርሲቲው ከፍተኛ አመራር አባላት ጋር በመሆን በአዲሱ የቴክኖሎጂ ቤተ መጽሃፍት ግቢ በተዘጋጀው ቦታ አገር በቀል ችግኞችን  ተከሉ፡፡

በችግኝ ተከላው የውሃ መስኖና ኢነርጂ ሚንስትርና የዩኒቨርሲቲው የቦርድ ሰብሳቢ ዶ/ር ኢንጅኔር ስለሺ በቀለ፣  የዩኒቨርሲቲው ፕሬዚደንት ዶ/ር ፍሬው ተገኘ፣ ሌሎች የቦርድ አባላት እና የተቋሙ ከፍተኛ አመራሮች ተሳትፈውበታል፡፡ ዶ/ር ፍሬው ተገኘ ከፍተኛ አመራሮች ያደረጉት አርኣያነት ያለው ተግባር መሆኑን ጠቁመው ሌሎች አካላትም ይህን ተከትለው የበለጠ እንዲሰሩ ማሳያ እንደሚሆን እምነታችው መሆኑን ተናግረዋል፡፡ እስካሁን ባለው የችግኝ ተከላ ፕሮግራም ከ36000 በላይ የሚሆን ችግኝ በሰባት አሚት፣ በቤዛዊት ተራራና በሌሎች ቦታዎች በዩኒቨርሲቲው መተከሉን ፕሬዚደንቱ ጨምረው አመልክተዋል፡፡

Bahir Dar University honors class of 2019 in a decorated graduation ceremony

***************************************************************

Bahir Dar University graduated 9750 students from different programs and specializations on July 20, 2019.

Master of the Ceremony of the graduation Dr Zewdu Emiru, V/President for Information and Strategic Communication of BDU, after congratulating the graduates and their families called the audience for a minute of silence in paying tribute to the recent passing of top officials of the region/country.

Dr Zewdu later officially announced three individuals as awardees of the 2019 Honorary Doctorate Degree. He said all the three awardees contributed a great deal to the academia in Ethiopia and beyond. He said Bahir Dar University would like to congratulate 1. Dr Segenet Kelemu 2. Prof. Hans Mattsson and 3. Mr. Mark Gelfand for their exemplary engagements.

The University also honored Special medal to Somali Regional state acting president his Excellency Mr. Mustafa Omer for his important role to push forward the change in Ethiopia and for securing peace in Somali region. Mr. Mustafa on the occasion primarily congratulated the graduates. He claimed that higher institutions should not have place for conflict. They are meant to produce knowledge to solve prevalent societal problems. He asserted that the decline in the development of Ethiopians over the centuries is the direct result of a decline in proper education, so he said bringing back Ethiopia on track of development is possible only through an education set high. He urged all stakeholders to work hard towards this end.

Dr Firew Tegegne, President of BDU, on his part congratulated class of 2019 for the successful completion of their degrees. The president also welcomed the guest of honors of the day his Excellency Mr. Mustafa Omer and Mr. Lake Ayalew, V/President for Amhara Regional State. In the occasion, Dr Firew claimed that BDU is a hub of great academic deliberations with outstanding graduates. He mentioned the case of law graduates excelling in national Law exit examination. The president also raised BDU graduates good reputation in Ethiopian Maritime Academy as a piece of justification for the quality of the graduates.

Professor Fikre Tolossa, the guest speaker of the event, centered his talk on two things: Ethiopian nationalism and graduates awaiting future. With regard to the current fluid situation in the country, the professor told the graduates that what should unify Ethiopians is not language but he said the same shared ancestor. He said Ethiopians have the same ancestor who lived 4000 years ago in one of the islands of Lake Tana. This, according to him, marks the place (Bahir Dar University) historical. Speaking of graduation, the professor remarked that having a degree is only getting a license for researching. He advised graduates to use this license for knowledge production through research.

It has been learned that the graduates were from four modalities: Regular, Extension, Summer and Distance. 6520 of the graduates received their first degree; 1388 of them obtained their Masters Degree and 26 of them graduated with Ph.D. Also, 37 professionals finished specialty programs in Medical Sciences.

 

The graduation was attended by thousands of people, and it was electrified by an excellent performance by Mulualem Cultural Center team of artists, the Amhara Regional State Police Marching Band music, the Maritime Students parade and African Circus group amazing performance.

የባህር ዳር ዩኒቨርሲቲ ሳይንስና ቴክኖሎጂ ማበልፀጊያ ማዕከል / STEM Center / ለመጀመሪያ ጊዜ ተማሪዎችን አስመረቀ
===================================================================
በሙሉጌታ ዘለቀ

የባህር ዳር ዩኒቨርሲቲ ሳይንስና ቴክኖሎጂ ማበልፀጊያ ማዕከል / STEM Incubation Center/ ከ2008 ዓ.ም ጀምሮ ከተለያዩ ትምህርት ቤቶች ተወጣጥተው በበጋ ወራት ሲሰለጥኑ የነበሩ ሴት 24 ወንድ 34 በአጠቃላይ 58 የ12ኛ ክፍል ሰልጣኝ ተማሪዎችን ሐምሌ 14/2011 ዓ.ም በደመቀ ሁኔታ በማዕከሉ ግቢ አስመርቋል፡፡

ተመራቂ ተማሪዎች በአራት አመት ቆይታ የሰሯቸውን የተለያዩ ፕሮጀክቶችን እንግዶች ጎብኝተዋል፡፡ በጉብኝቱም በተማሪዎች የተሰሩ ተንቀሳቃሽ ሮቦቶች እና ለህፃናት መማሪያ የሚሆኑ የሞባይል ሶፍትዌሮች እንዲሁም ሌሎችም የፈጠራ ስራዎች በምረቃው ላይ ለተገኙ የመንግስት መስሪያቤት ሀላፊዎች እና ለባህር ዳር ዩኒቨርሲቲ ከፍተኛ አመራሮች እንዲሁም ለተማሪ ወላጆች በተግባር አሳይተዋል፡፡

የባህር ዳር ዩኒቨርሲቲ ፕሬዚዳንት ጽ/ቤት ኃላፊ የሆኑት ሲስተር ኤደን አምሳሉ የምረቃ ፕሮግራሙን በንግግር የከፈቱ ሲሆን የባህር ዳር ዩኒቨርሲቲ የባህር ዳር ሳይንስና ቴክኖሎጂ ማበልፀጊያ ማዕከልን ለማቋቋም ብዙ ውጣ ውረዶችን አልፎ በ2004 ዓ.ም ይህን ማዕከል እውን እንዲሆን አድርጓል ብለዋል፡፡ በዚህ ማዕከል የሚሰለጥኑ ተማሪዎች በከተማችን ካሉ ትምህርት ቤቶች ውስጥ ለሳይንስ ትምህርት ዝንባሌ ያለቸውና በውጤታቸውም የተሸሉ ተማሪዎች ናቸው ብለዋል፡፡ ሲስተር ኤደን አክለውም የባሕር ዳር ዩኒቨርሲቲ ከሚሰራቸው የማህበረሰብ አገልግሎት ውስጥ ይህ የባሕር ዳር ዩኒቨርሲቲ ሳይንስና ቴክኖሎጂ ማበልፀጊያ ማዕከል / STEM Center / አንዱ መሆኑንና ሀገራችን ከግብርና መር ኢኮኖሚ ወደ ኢንዱስትሪ መር ኢኮኖሚ ለምታደርገው ፈጣን ሽግግር ማዕከሉ በቴክኖሎጂ ፈጠራ በሳል የሆነ የሰው ሀይል በማቅረብ በኩል አስተዋፃ ያበረክታል ብለዋል፡፡

የአማራ ብሄራዊ ክልላዊ መንግስት የሳይንስ ቴክኖሎጂ ኢንፎርሜሽን ኮሚሽን ኮሚሽነር የሆኑት ዶ/ር ሰብስበው አጥቃው እና የባህር ዳር ከተማ አስተዳደር ትምህርት መምሪያ ኃላፊ አቶ ሙሉዓለም አቤ እንዲሁም የባሕር ዳር ዩኒቨርሲቲ የአካዳሚክ ጉዳዮች ም/ፕሬዚዳንት የሆኑት ዶ/ር እሰይ ከበደ እንዲሁም የትምህርት ቤቶች ርዕሳ መምህራን ለማዕከሉ አጋር አካላት፣የፈጠራ ስራ በመስራት ለተወዳደሩ ተማሪዎች ፣ ከፍተኛ ውጤት ላስመዘገቡ ተማሪዎች እና ለበጎ ፈቃድ ተሳታፊ ተማሪዎች እንዲሁም ለማዕከሉ ጠንካራ ሰራተኞች የማበረታቻ ሽልማትና ሰርተትኬት ሰጥተዋል፡፡
የባህር ዳር ከተማ አስተዳደር ትምህርት መምሪያ ሀላፊ አቶ ሙሉዓለም አቤ የ12ኛ ክፍል ሰልጣኝ ተማሪዎችን መርቀው ለተመራቂ ተማሪዎችም መልዕክት አስተላልፈዋል፡፡

በምረቃ ፕሮግራሙ ላይ የተማሪ ወላጆች ካሁን በፊት የነበሩና በቀጣይም በማዕከሉ ተማሪዎች ላይ የሚታዩ ችግሮችን የጠየቁ ሲሆን ለጥያቄዎችም የባሕር ዳር ዩኒቨርሲቲ የአካዳሚክ ጉዳዮች ም/ፕሬዚዳንት የሆኑት ዶ/ር እሰይ ከበደ ማብራሪ ሰጥተዋል፡፡
በመጨረሻም የቀድሞው የማዕከሉ ዳይሬክተር የነበሩት አሁን የባሕር ዳር ዩኒቨርሲቲ ምርምርና ማህበረሰብ አገልግሎት ም/ፕሬዚዳንት የሆኑት ዶ/ር ተስፋዬ ሽፈራው በተማሪ ወላጆች ለቀረቡ ስጋቶች ናቸው ያሏቸውን ጥያቄዎች አብራርተው ወላጆች የልጆቻቸውን ስብዕና መከታተል እንዳለባቸው እና የተበላሸ ስብዕና ያላቸውን ተማሪዎች ይህ ማዕከል እንደማያስተናግድ በአፅዕኖት ተናግረዋል፡፡ተመራቂ ተማሪዎችም ወደ ዩኒቨርሲቲ በሚገቡበት ወቅት የመጀመሪያ ምርጫቸው እንደሚጠበቅላቸው በሀገር አቀፍ ደረጃ ስምምነት ላይ መደረሱን ለተመራቂዎች አብስረዋል ፡፡

በእለቱ በግቢው ውስጥ የሚገኙና ህብረተሰቡ ለመዳኒትነት የሚጠቀምባቸውን የተለያዩ እፅዋቶችን ጉብኝት የተሄደ ሲሆን ስለተቋሙ አጠቃላይ ገለፃ በተማሪዎችና በማዕከሉ ዳይሬክተር ተሰጥቷል፡፡

ባሕር ዳር ዩኒቨርሲቲ የ2011 ዓ.ም. የተማሪዎች የምረቃ በዓልን በድምቀት አከበረ
***************************************************
ባሕር ዳር ዩኒቨርሲቲ በተለያየ ፕሮግራም ትምህርታቸውን ሲከታተሉ የቆዩ 9750 የሚሆኑ ተማሪዎችን ዛሬ ሀምሌ 13/2011 ዓ.ም. በድምቀት አስመረቀ፡፡
 
በባሕር ዳር ዩኒቨርሲቲ የኢንፎርሜሽንና ስትራቴጅክ ኮሚኒኬሽን ም/ ፕሬዚደንት የሆኑት ዶ/ር ዘውዱ እምሩ በቅርቡ በአሳዛኝ ሁኔታ ላጣናቸው አመራሮች የአንድ ደቂቃ የህሊና ፀሎት አንዲደረግ በማድረግ ፕሮግራሙን ጀምረዋል፡፡ከዚያም ለተመራቂዎች የእንኳን ደስ አላችሁ መልእክ ካስተላለፉ በኋላ በዚህ የምረቃ ዓመት ዩኒቨርሲቲው ለሶስት ግለሰቦች የክብር ዶክትሬት ዲግሪ የሰጠ መሆኑን ተናግረው እነዚህ ምሁራን በሃገርና ከሃገር ውጭም በተሰማሩበት የሙያ ዘርፍ ከፍተኛ አበርክቶት የሰጡ ናቸው ብለዋል፡፡ በዕለቱ በተለያየ ምክንያት በአወዱ ባይገኙም ባሕር ዳር ዩኒቨርሲቲ ፡ 1. ለዶ/ር ሰገነት ቀለሙ 2. ለማርክ ጌልዶፍ 3. ለፐሮፌሰር ሃንስ ማትሰን እንኳን ደስ አላችሁ ይላል ብለዋል፡፡

 

 

ዩኒቨርሲቲው ከሶስቱ ምሁራን ባሻገር ለሀገር አንድነትና ለሰላም እንዲሁም በሃገራችን ያለውን ለውጥ በማስቀጠል ረገድ ላበረከቱት ልዩ አስተዋፅኦ ለሱማሌ ክልል ም/ርዕሰ መስተዳድር ለአቶ ሙስጦፌ መሃመድ የክብር ሜዳልያ ሸልሟል፡፡

በእለቱ የመክፈቻ ንግግር ያደረጉት ዩኒቨርሲቲው ፕሬዚደንት ዶ/ር ፍሬው ተገኘ የክብር እንግዳውን የሱማሌ ክልል ም/ርዕሰ መስተዳድር አቶ ሙስጦፌ መሃመድን፣ የአማራ ክልል ም/ር/መስተዳድር አቶ ላቀ እና ከተለያየ ቦታ ለእለቱ መርሃ ግብር የመጡትን እንግዶች የጣና ፈርጥ ወደሆነችው የባህር ዳር ለተማ እና ወደ ባሕር ዳር ዩኒቨርሲቲ በደህና መጣችሁ ሲሉ ለተመራቂ ተማሪዎች ከብዙ ድካም በኋላ ለዚህ ቀን ስለደረሳችሁ እንኳን ደስ አላችሁ ብለዋል፡፡
 
ፕሬዚደንቱ እንደገለፁት ዩኒቨርሲቲው ባካሄደው የመፈለጊያ ጥናት/Tracer Study/ ከተመራቂ ተማሪዎች ውስጥ ከ80% በላይ የሚሆኑት በአንድ አመት ጊዜ ውስጥ ስራ እንደሚየዙ ገልፀው ምሩቃኑም ባበት መስክ ተመራጭ እንደሆኑ ተናግረዋል፡፡ የባሕር ዳር ዩኒቨርሲቲን ተመራቂዎች ብቃት እንደማሳያም ባሳለፍነው የትምህርት ዘመን የህግ ተመራቂ ተማሪዎች በሃገር አቀፍ ደረጃ በተሰጠው የመውጫ ፈተና ከፍተኛውን ውጤት ማመዝገባቸውን አስታውሰው የባሕር ዳር ዩኒቨርሲቲ ማሪታይም አካዳሚን ለመቀላቀል ከሚያመለክቱት ውስጥ አመርቂ ውጤት የሚያመጡትም የባሕር ዳር ዩኒቨርሲቲ ተመራቂዎች ናቸው ብለዋል፡፡ በመጨረሻም ይህ ምርቃት ለሁሉም ተመራቂዎች የመጀመሪያ እንጂ የመጨረሻ አለመሆኑን አስታውሰው በቀጣዩ የህይወት ምዕራፋቸው ስኬትን ተመኝተዋል፡፡

 

 
የእለቱ የክብር እንግዳ የሱማሌ ክልል ም/ርዕሰ መስተዳድር አቶ ሙስጦፌ መሃመድ ለተመራቂዎች በሱማሌ ብሄራ ክልላዊ መንግስት እና በራሳቸው ስም እንኳን ደስ አላችሁ ብለዋል፡፡ ስለ ሀገራችን ወቅታዊ ሁኔታም ሲናገሩ ኢትዮጵያ ከስልጣኔ ማማ ተነስታ አሁን ያለችበት የእሽቁልቁሊት ጉዞ ምክንያቱ በትምህርት/በእውቀት መዳከማችን መሆኑ የማያከራክር እንደሆነ ገልፀው ትምህርት ላይ መረባረብ እንደሚገባ አሳስበዋል፡፡ ከፍተኛ የትምህርት ተቋማትም የዕውቀት እንጂ የግጭት ቦታ መሆን እንደሌለባቸው ጠቁመዋል፡፡ በመጨረሻም መልካሙን በመውሰድ፣በማጉልበት ችግሮችን በማስተካከል በመቅረፍ ለሃገራቸው ሰላም እና ብልፅግና እንዲሰሩ ምሩቃኑን አደራ በማለት በቀጣዩ ህይወታቸው ውጤታማ እንዲሆኑ ከልብ በመመኘት ንግግራቸውን ቋጭቷል፡፡
 
ፕሮፌሰር ፍቅሬ ቶሎሳ በበኩላቸው ተመራቂዎችን እንኳን ደስ አላችሁ በማለት ለሱማሌ ክልል ም/ርዕሰ መስተዳድር እና ልዑካን በባዕሉ እንዲታደሙ ጥሪ ያቀረቡትን የባሕር ዳር ዩኒቨርሲቲ ከፍተኛ አመራሮች አድንቀዋል፡፡ ፕሮፌሰሩ በንግግራቸውም ዲግሪ የዕውቀት መጨረሻ ሳይሆን እውቀት ለማግኘት እና ለመመራመር የሚያስችል ስንቅ መሆኑን ጠቁመው ተመራቂዎች ያላቸውን ስንቅ በመጠቀም ለሃገራቸው ብፅግና እንዲሰሩ አደራ ብለዋል፡፡ በመጨረሻም ባሕር ዳር (የጣና ደሴቶች) የኢትዮጵያውያን የዘር መሰረት የሆነው ኢትዮጵ መገኛ በመሆኗ ታሪካዊ ቦታ እንደሆነ አውስተው ኢትዮጵያውያንን የሚያዛምዳቸው ቋንቋ ሳይሆን ደማቸው በመሆኑ አንድነታቸውን እንዲጠብቁ ተመራቂዎችን አደራ ብለዋል፡፡

 

 
በእለቱ ከፍተኛ ቁጥር ያለው ተማሪ የተመረቀ ሲሆን በአራቱ ፕሮግራሞች 6520 የሚሆኑ በመጀመሪያ ዲግሪ፣ 1388 በሁለተኛ ዲግሪ እና 26 ደግሞ በሶስተኛ ዲግሪ ፣37 የሚሆኑት ደግሞ በስቴሻሊቲ ፕሮግራም የተመረቁ ናቸው፡፡ በእለቱ ድምቀት የሰጡት የአማራ ክልል የባህል አምባሳደር የሆነው የሙሉአልም የባህል ማዕከል ባለሙያዎችእና የአማራ ክልል የማርሽ ባንድ እንዲሁም የባሕር ዳር ዩኒቨርሲቲ ማሪታይም አካዳሚ ተማሪዎች ሲሆኑ የአፍሪካ የሰርከስ ቡድን አባላትም ልዩ የሆነ ትርኢት አሳይተዋል፡፡

UTSW-BORNE symposium commences
===============================

A symposium organized by University of Texas Southwestern Medical Center Professionals in collaboration with Bahir Dar University is taking place for two days at Wisdom Tower, Bahir Dar, Ethiopia. 

It has been learned that the symposium is one segment of an initiative called BORNE- Bahir Dar Outreach for Neurology Education. Speaking on the occasion, President of Bahir Dar University, Dr. Firew Tegegne thanked all who participated to the realization of symposium. The president took the opportunity to give a brief account of Bahir Dar University, and the achievements made by the university in multifaceted areas, particularly on education, research and community services.

The President emphasized about the University’s vision to become a research University. In this regard, he addressed the growing trend of research culture in the University. He also mentioned the newly inaugurated hospital of the University as a success story and as a good opportunity for professionals in the field.While speaking about the specialty programs the University currently runs, the president mentioned limitations in terms of establishing sub-specialty programs in the University. He said this is one of the areas the University would like to work in collaboration with Institutions like Texas University.The president finally bestowed special thanks to Dr. Mehari G/Yohannes and his team for making the conference happen and wished successful deliberations in the two days.

Dr Mehari on his part appreciated Bahir Dar University for the great partnership. He also thanked his fellow colleagues and students for trusting him to come all the way to Bahir Dar University from the other side of the Atlantic. 
Dr Mehari made the first presentation of the conference focusing on organizing stroke management resources. In his talk, Dr Mehari raised several points and research outputs including his own that coined two new Amharic acronyms used in relation to stroke and its clinical symptoms. Then, the second paper was presented under the title “Goals of rehabilitation after stroke.”

A great number of health professionals from different institutions, teachers from BDU and students have participated in the conference.The symposium is scheduled to continue until July 17, 2019.

                             በስርዓተ-ምግብ ተኮር ግብርና የአሰልጣኞች ስልጠና ተሰጠ

በባሕር ዳር ዩኒቨርሲቲ ቤነፊት-ሪያላይዝ (BENEFIT-REALISE) ፕሮግራም ለታቀፉ ዳባት ፣ ወገራ ፣ ስማዳ ፣ ታች ጋይንት ፣ ላይ ጋይንት ፣ እብናት ፣ሊቦ ከምከም ፣ እነብሴ ሳር ምድር ፣ ጎንቻ ሲሶ እነሴና ሸበል በረንታ ወረዳዎች ለሚገኙ የግብርና ጽ/ቤት ባለሙያዎች በስርዓተ-ምግብ ተኮር ግብርና ላይ ያተኮረ የአሰልጣኞች ስልጠና በወረታ ከተማ ከሐምሌ 01 እስከ 04/2011 ዓ.ም. ተሰጠ ፡፡

የአማራ ክልል ግብርና ቢሮ የኤክስቴንሽን ኮሙኒኬሽን ዳይሬክቶሬት ዳይሬክተር አቶ ፈንታሁን አቢቶ በመርሃ ግብሩ ተገኝተው እንደተናገሩት በፕሮግራሙ የተመረጡ 10 ወረዳዎች የምግብ ዋስትና እጥረት ያለባቸው በመሆኑ ይህ ስልጠና ምርትና ምርታማነትን ለማሳደግ እና የመቀንጨር አደጋ የተጋረጠባቸውን ህፃናት ለመታደግ እንዲቻል አንድ እርምጃ እንደሚሆን ጠቁመዋል፡፡ ሃላፊው አክውም የምግብ ዋስትና እጥረትንና  የመቀንጨር አደጋን ለመከላከል ለጉዳዩ ባለቤት ሆኖ መስራትን ይጠይቃል ብለዋል ፡፡

በነፊት-ሪያላይዝ (BENEFIT REALISE) ፕሮግራም የባህር ዳር ዩኒቨርሲቲ ክላስተር ማኔጀር ዶ/ር አልማዝ ጊዜው የፕሮግራሙን አላማና ስለሚሠራባቸው ወረዳዎች እና በ2011/12 አቅዶ እየሠራባቸው ስላሉ ስራዎች በመግለፅ ከግብርና ምርምር እና ባህር ዳር ፣ ጎንደር ፣ ደብረ ታቦር ዩኒቨርሲቲዎች ጋር አብረው እየሰሩ መሆኑን አብራርተዋል ፡፡ ሀላፊዋ አክለውም ፕሮግራሙ የድርጅቶችን እና የተቋማትን አቅም በማጎልበት ምርጥ ተሞክሮ ማስፋት ፣ ምርጥ ዘር ማስተዋወቅ ( ከምርምር እና ግብርና ጋር በመተባበር ) ፣ የአሰራር ማነቆዎችን በማስወገድ በምርምር ያተኮረ አዳዲስ የአሰራር ስልቶችን መቀየስ ላይ በትኩረት እንደሚሰራ ገልፀዋል ፡፡

ስልጠናው የስርዓተ-ምግብ መሰረታዊ ፅንሰ ሐሳብ፣ የግብርናና የስርዓተ-ምግብ ትስስር፣ የእፅዋት እና የእንስሳት ተዋፅኦ ምግቦችና  የስርዓተ-ምግብ ተኮር ግብርና አተገባበር፣ የውሃ ንፅህና አጠባበቅና ስርዓተ-ምግብ፣ ስርዓተ-ፆታና ስርዓተ-ምግብ፣ ማህበራዊ የባህሪይ ለውጥ መስተጋብር፣ የአጋር አካላት ቅንጅት ለስርዓተ-ምግብ መሻሻል በሚሉ ጉዳዮች ላይ ያተኮረ ነው፡፡ በስልጠናው ከየወረዳዎቹ ግብርና ጽ/ቤት የሰብል ልማት፣ የኤክስቴሽን ኮሙኒኬሽን፣ የተፈጥሮ ሀብት አስተዳደር፣ የአትክልትና ፍራፍሬ፣ የስርዓተ-ምግብ ባለሙያዎች እና ቡድን መሪዎች የሆኑ 53 ተሳታፊዎች ተገኝተውበታል ፡፡

በስልጠናው በባህር ዳር ዩኒቨርስቲ መምህር እና የስርዓተ-ምግብ ባለሙያ የሆኑት አቶ ደግነት ተፈራና አቶ ግርማ ነጋ እንዲሁም በቤነፊት-ሪያላይዝ (BENEFIT-REALISE) ፕሮግራም የአቅም ግንባታ ባለሙያ አቶ አሳዮ ተሠማ በአሰልጣኝነት ተሳትፈውበታል ፡፡

በመጨረሻም ከክልሉ ግብርና ቢሮ የስርዓተ-ምግብ ባለሙያዎች በተገኙበት  የስርዓተ-ምግብ  ተኮር ግብርና በሚል ርዕስ  የተሰጠውን የአሰልጣኞች ስልጠና በሚገባ ተከታትለው ላጠናቀቁ  ተሳታፊዎች በፕሮጀክት ሀላፊዋ ዶ/ር አልማዝ ጊዜው አማካኝነት የምስክር ወረቀት ተበርክቷል ፡፡

 

 

 

                                     በቤዛዊት ተራራ ላይ የችግኝ ተከላ ተካሄደ

የባሕር ዳር ዩኒቨርሲቲ ፕሬዝደንቱን ጨምሮ በተለያየ ደረጃ ላይ ያሉ አመራሮች ፣ መምህራንና በሁሉም ግቢ ያሉ የ2011 ዓ.ም. ተመራቂ ተማሪዎች ባሕር ዳር በሚገኘው የቤዛዊት ተራራ ላይ የችግኝ ተከላ ዛሬ ሐምሌ 6፣ 2011 ዓ.ም. አካሄዱ ፡፡

የችግኝ ተከላው የተከናወነበት የቤዛዊት ተራራ በባሕር ዳር በስተ ሰሜን ምስራቅ የሚገኝ ሲሆን በከተማዋ የአገሪቷ መሪዎች ማረፊያ ስፍራ ሆኖ ያገለግል የነበረ  ሲሆን ከዛሬ አርባ አመት በፊት ደግሞ በደን የተሸፈነ ቦታ እንደነበር የአካባቢው ነዋሪዎች ይናገራሉ፡፡ በአሁኑ ስዓት አካባቢው የተራቆተ ከመሆኑ ባሻገር ሌሎች የዛፍ ዝርያዎችን አንቆ ይዞ ብቻውን በሚስፋፋ የወፍ ቆሉ በሚባል  አረም በመዋጡ የችግኝ ተከላው አረሙንም ለማስወገድ እንደሚጠቅም ተጠቁሟል፡፡ የዚህ አመት ተመራቂ ተማሪዎች የሆኑት በምረቃ ወቅት ከሚያዘወትሩት የማስታወሻ ፎቶ ከመነሳት ባሻገር በእለቱ በችግኝ ተከላው መሳተፋቸው ከከተማዋ እና ከዩኒቨርሲቲው ጋር የሚኖራቸውን ትዝታ ህይወት እንዲኖረው እንደሚያደርግ ይታመናል፡፡

የባሕር ዳር ዩኒቨርሲቲ ፕሬዝደንት ዶ/ር ፍሬው ተገኘ  እንዳሉት ችግኝ መትከል በተከታታይ ሊከናወን የሚገባ እንደሆነ ገልፀው ችግኞችን መትከል ብቻ ሳይሆን በዘለቄታ መንከባከቡ ተጠናክሮ እንደሚቀጥል ተናግረዋል፡፡ ፕሬዝደንቱ አክለውም እግኞችን መንከባከብ የእያንዳንዱ የማህበረሰብ ክፍል ድርሻ እንጅ ለተወሰኑ ግለሰቦች ብቻ የሚተው ባለመሆኑ ሁላችንም የሚመለከት ጉዳይ እንደሆነ በአፅንኦት አሳስበዋል፡፡ በመጨረሻም ተፈጥሮ ሀብትን መጠበቅ የሁሉም እድገታችን መሰረት ነው ብለዋል ፡፡

የችግኝ ተከላው ፕሮግራም አስተባባሪና የባሕር ዳር ዩኒቨርሲቲ ማህበረሰብ አገልግሎት ዳይሬክተር አቶ አብይ መንክር በበኩላቸው  አካባቢው ድንጋያማ በመሆኑ ለአካባቢው ተስማሚ የሆኑ የግራቢያ ችግኞችን ከሶሳይቲ ኢኮ-ቱሪዝም ከተባለ ግብረ ሰናይ ድርጅት ጋር በመተባበር ችግኞች እንደተተከሉ ገልፀዋል፡፡ በዚህም ተግባር የተራቆቱ ተራራማ ቦታዎችን ከዚህ በፊት ወደ ነበሩበት ለመመለስ በቀጣይም በሚመለከታቸው የግብርና ባለሙያዎች ክትትል ተጨማሪ ስራ እንደሚሰራ ተናግረዋል ፡፡አክለውም የአካባቢውን ነዋሪዎች ተጠቃሚ ለማድረግ በማሰብም በቦታው የሚገኘውን ሳር እያጨዱ እንዲወስዱ እና ከፓርኩ ዘለቄታዊ ጥቅም እንዲያገኙ ደግሞ ንብ አንበው እንዲጠቀሙ ይደረጋል ብለዋል ፡፡

በባህር ዳር ዩኒቨርሲቲ አጋዥነት የተደራጁት እና የተፈጥሮ ሀብት ጥበቃ አባል የሆኑት አቶ መዝገቡ ተገኘ እንደገለፁት ማህበረሰቡ በልቶ የጨረሰውን ተፈጥሮ ሀብት ወደ ነበረበት ለመመለስ እርሳቸውን ጨምሮ ሶስት ሺህ ከሚሆኑት አባላት ጋር በመሆን ችግኞችን በመንከባከብ የድርሻቸውን እንደሚወጡ ተናግረዋል፡፡

በችግኝ ተከላው በአጠቃላይ እስከ 1500 የሚጠጉ ሰዎች የተሳተፉ ሲሆን ከ15000/አስራ አምስት ሺሀ/ በላይ ችግኞችንም ከጠዋቱ 3 ስዓት እስከ 5፡30 ባለው ጊዜ ውስጥ መትከል ተችሏል፡፡

ባሕር ዳር ዩኒቨርሲቲ በብሄራዊ ደረጃ በተሰጠው የህግ የመውጫ ፈተና ከፍተኛውን ውጤት አስመዘገበ

በ2019 በአገር አቀፍ ደረጃ በተደረገው በአገሪቱ ከተለያዩ ዩኒቨርሲቲዎች የህግ ትምህርት በመጀመሪያ ዲግሪ ትምህርታቸውን ያጠናቀቁ ተማሪዎች በወሰዱት የመውጫ ፈተና የመጀመሪያ የሆነውን ትልቅ ውጤት ያስመዘገበውን ተማሪ ጨምሮ ስድስት የባሕር ዳር ዩኒቨርሲቲ የህግ ተመራቂ ተማሪዎች ከመጀመሪያዎቹ ሃያ ተማሪዎች ውስጥ መሆን ችለዋል፡፡

ለዚህ አኩሪ ውጤት ምንም እንኳን በዋናነት የተማሪዎቹ ጥረት ተጠቃሽ ቢሆንም የመምህራንና በአጠቃላይ የዩኒቨርሲቲው ማህበረሰብ አስተዋፅኦም የጎላ እንደሆነ ይታመናል፤ በመሆኑም ባሕር ዳር ዩኒቨርሲቲ ለተማሪዎቹ፣ ለዚህ ደረጃ እንዲበቁ ታላቅ ድርሻ ላበረከቱ መምህራንና በአጠቃላይ ለዩኒርሲቲው ማህበረሰብ እንኳን ደስ አላችሁ እያለ ይህ ውጤት ዩኒቨርሲቲው እያደረገ ላለው ጥራት ያለው ትምህርት የማዳረስ ግቡ አንድ ማሳያ እንደሆነ ይታመናል፡፡
በዚህ የብቃት ፈተና ውጤት ያስመዘገቡት ስድስት የህግ ተመራቂ ተማሪዎች
1. ቀናው ተስፋዬ
2. ጌታሁን መንዲስ
3. ሙሉቀን ዲዱ
4. ናትናኤል ተስፋዬ
5. ኤፍሬም ገዛኸኝ
6. ሰለሞን ገዛኸኝ

ሲሆኑ ከእነዚህ ተማሪዎች ቀናው ተስፋዬ ከአጠቃላይ ተፈታኞች ውስጥ የመጀመሪያውን ትልቅ ውጤት 81 አማካይ ነጥብ በማስመዝገብ አንደኛ የሆነ ሲሆን፤ ጌታሁን መንዲስ በ78 ሶስተኛ እና ሙሉቀን ዲዱ ደግሞ በ76 ነጥብ ስድስተኛ በመሆን ከፍተኛ ውጤት አግኝተዋል፡፡

ተመሳሳይ ውጤቶችም ዩኒቨርሲቲው ዋና ግብ አድርጉ ባስቀመጣቸው ሌሎች ተግባራት ለምሳሌ በምርምር እና በማህበረሰብ አገልግሎት እንደሚደገም በመተማመን ለዩኒቨርሲቲው ኩራት የሆኑትን እነዚህን ተማሪዎች ባሕር ዳር ዩኒቨርሲቲ በድጋሚ እንኳን ደስ አላችሁ እያለ ለዩኒቨርሲቲው ማህበረሰብም ለቀጣይ ተመሳሳይ ድሎች እንዲተጉ ጥሪ ቀርቧል፡፡

               ችግኝ ተከላ በብር አዳማ

ባህር ዳር ዩኒቨርሲቲ የተመረጡ ተራራማ ቦታዎችን በደን ለመሸፈን የችግኝ ተከላ አከናወነ፡፡

በምዕራብ ጎጃም ዞን ይልማና ዴንሳ፣ ቋሪት፣ እና ሰከላ ወረዳዎች የሚገኙ የተራቆቱ ተራራማ ቦታዎች መልሰው እንዲያገግሙ ለማድረግ በጥናት ተመርኩዞ ሀገር በቀል በሆኑ ችግኞች ለመሸፈን ዩኒቨርሲቲው ትኩረት ሰጥቶ እየሰራ እንደሚገኝ ተነገረ፡፡ በዩኒቨርሲቲው ስር በሚገኘው የብር አዳማ ተፋሰስ ልማት ፕሮጀክት ዙሪያ የአካባቢውን ማህበረሰብ በማስተባበር  የችግኝ ተክላ እና ግንዛቤ ፈጠራ ስራ ተካሂዷል፡፡

ከፕሮግራሙ በኋላ በባህር ዳር ዩኒቨርሲቲ ምርምር እና ማህበረሰብ አገልግሎት የብር አዳማ ተፋሰስ ልማት አስተባባሪ አቶ ደመቀ ላቀው እንደተናገሩት ዩኒቨርስቲው የአካባቢውን ስነ-ምህዳር ወደ ነበረበት ለመመለስ የችግኝ ጣቢያዎችን የማቋቋም፣ የችግኝ ተከላ እና በችግኝ የተሸፈኑ ተፋሰሶችን ከሰው እና ከእንስሳ ንክኪ ነፃ የማድረግ ስራ እየሰራ  መሆኑን ተናግረዋል፡፡  ይህን የመሰለውን የተፈጥሮ ሃብት ጥበቃና ክብካቤ ስራ ውጤታማ ለማድረግ ከአካባቢው ነዋሪዎች የተሸለ አካል ባለመኖሩ ግንዛቤ የማስጨበጥ ስራው ትኩረት እንደሚሰጠው  ተጠቁሟል፡፡

በባሕር ዳር ከተማ አስተዳደር የግልና የመንግስት ተቋማት የጤና ስፖርት ቡድኖች መካከል በበርካታ ዙሮች ሲካሄድ የነበረው ውድድር ተጠናቀቀ።

በውድድሩም የእግር ኳስ፣ የመረብ ኳስ፣ የቼዝና የጠረንጴዛ ቴንስ  ስፖርቶች  ፉክክር የተደረገ ሲሆን ሲሆን የባሕርዳር ዩኒቨርሲቲ የጤና ስፖርት ቡድናችን በእግር ኳስና በመረብ ኳስ የፍጻሜ ጨዋታዎች የዋንጫ ባለቤት ሆኗል፡፡ በሁለቱም የውድድር መስኮች ኮከብ ተጫዋችና አሰልጣኝ ሆነው የተመረጡትም ከዚሁ ከዩኒቨርሲቲያችን የጤና ስፖርት ቡድን ሲሆን በመረብ ኳስ ኮከብ ተጫዋች ኢንስፔክተር አለማየሁ ተፈራ፣ ኮከብ አሰለጣኝ ደግሞ መምህር ዘመኑ ተሾመ ሲሆኑ በእግር ኳስ ደግሞ ኮከብ ተጫዋች የሆነው ዳንኤል ጌትነት ሲሆን ኮከብ አሰልጣኝም ሞክሸው ዳንኤል ጌትነት ሆነዋል፡፡ ለኮከብ ተጫዋችና ኮከብ አሰልጣኞችም  የማበረታቻ ሽልማት ተበርክቶላቸዋል።

 የባሕር ዳር ቴክኖሎጅ ኢንስትቲዮት እግር ኳስ ቡድን የውድድሩ የጠባይ ዋንጫ ተሸላሚ ሆኗል። ውድድሩን በአሸናፊነት በመወጣት ዋንጫ የወሰዱት ሁለቱ ቡድኖች በቀጣይ በአማራ ክልል የጤና ቡድኖች ውድድር ላይ ከተማ አስተዳደሩን ወክለው የሚሳተፉ ይሆናል። በተያያዘ ዜናም የጠረጴዛ ቴንስ ቡድናችን ሁለተኛ በመሆን የብር ሜዳሊያ ተሸላሚ ሆኗል፡፡

በውድድሩ የባህር ዳር ዩኒቨርሲቲ ፕሬዚዳንት ዶክተር ፍሬው ተገኘን ጨምሮ ሁሉም ም/ፕሬዚደንቶች ተገኝተው ጨዋታዎቸን የተከታተሉ ሲሆን በእለቱ  ተሸላሚ ለሆኑትም ዶክተር ፍሬው ተገኘ የዋንጫ ሽልማት አበርክተዋል፡፡

Pages