Latest News

የአፋር ብሄራዊ ክልላዊ መንግስት ትምህርት ቢሮ  በክልሉ የአርብቶ አደሮች የትምህርት ተደራሽነትና ጥራት ዙሪያ የአቅም ግንባታ ስራ ላይ ባሕር ዳር ዩኒቨርሲቲ ላበረከተው ከፍተኛ አስተዋፅኦ የምስጋና የምስክር ወረቀት አበርክቷል፡፡

 

የመምህራንን የቀድሞ ሙያና ክብር ለመመለስ መስራት እንደሚገባ ተነገረ!!

የመምህርነት ሙያን ማህበረሰባዊ እይታዎችን ለማሻሻል ሃገራዊ ንቅናቄ ማስጀመሪያ የምክክር መድረክ በባሕር ዳር ተካሄደ፡፡

የምክክር መድረኩን በንግግር የከፈቱት የባሕር ዳር ዩኒቨርሲቲ ፕሬዝደንት ዶ/ር ፍሬው ተገኝ  በሀገራችን መምህርነት እንደ ሙያ ጥያቄ ውስጥ እንደገባ የሚያሳዩ ጠቋሚዎች እንዳሉ ተናግረው እየተዳከመ ለመጣው የሙያዎች ሁሉ መሰረት ለሆነው መምህርነት ማህበረሰቡ፣ የመንግስት  ከፍተኛ ትምህርት ተቋማትን ጨምሮ ሌሎች  አጋር አካላት ቀደም ሲል የነበረውን ክብርና ተቀባይነት ለመመለስ ክትትልና ድጋፍ ማድረግ እንደሚጠበቅባቸው ተናግረዋል፡፡ አሁን በሀገር ደረጃ  ያጋጠመው ችግር በአህጉርና በአለምአቀፍ ደረጃ የሚያጋጥም መሆኑን ገልፀው በንቅናቄ ብቻ ሳይሆን በችግሮች ላይ ተመርኩዞ የመፍትሄ ሀሳቦችን በመለየትና ተግባራዊነታቸውን በማረጋገጥ ችግሩን መቀነስ ብሎም ማጥፋት እንደሚቻል ጠቁመዋል፡፡  

ፕሬዝዳንቱ አክለውም ይሀን የተከበረ ሙያ በጥንካሬ እንዲወጣ ከመምህራን ምልመላ ጀምሮ ስልጠናዎችን በበቂ መልኩ መስጠትና መምህራንን ለሚያሰለጥኑ ተቋማት ክትትልና ድጋፍ ማድረግ እንደሚገባ ተናግረዋል፡፡ በአንፃሩ ሙያውን በመሸሽ ጥሩ ደመወዝ የሚያስገኙ የትምህርት መስኮችን የመቀላቀል ዝንባሌዎች እየበዙና እየጠነከሩ  መምጣታቸው የመምህርነት ሙያ አደጋ እንዲጋረጥበት አድርጓል ብለዋል፡፡ በመሆኑም ተማሪው፣ ህብረተሰቡ፣ ፖለቲከኛው እና መንግስት ስለመምህራን ምን ይላሉ ከማለት ባለፈ መምህራን ስለራሳቸው ምን ይላሉ የሚለውን በአንክሮ መመልከት ተገቢ መሆኑን ተናግረዋል፡፡ አንዳንድ መምህራን የሙያው ፍቅር ሳይሆን የገንዘብ ክብርን እንደሚያስቀድሙ ይታወቃል ስለዚህ መጀመሪያ ለሙያው ተገዥ መሆን እንዳለባቸው ገልፀው ደመወዝ በመጨመር ብቻ ሙያው ጠንክሮ እንዲወጣ ማድረግ ይቻላል ብለው እንደማያምኑ ተናግረዋል፡፡

በምክክር መድረኩ ከተለያዩ ቦታዎች የመጡና በምክክር መድረኩ ላይ ተገኝተው የመምህርነት ተሞክሮዎቻቸውን ያቀረቡ መምህራንና የተማሪ ወላጅ ማህበር ተወካዮች ንግግር አድርገዋል፡፡ በዳንግላ ወረዳ በሚገኝ የመጀመሪያ ደረጃ ትምህርት ቤት የሚያስተምሩትና በሀገራችን የበጎ ሰው እጩ ሽልማት ባለቤት የሆኑት መምህር ስዩም ቦጋለ የተሰብሳቢዎችን ቀልብ የያዘ ንግግር አድርገዋል፡፡ በንግግራቸውም መምህር ማለት ለራሱ የሚኖር ሳይሆን እራሱ እንደሻማ ቀልጦ ለተማሪዎቹ ብርሃን የሚሆንና ለተቸገሩ ተማሪዎች ከፈጣሪ በታች በበጎ ተግባር የሚደርስ መሆኑ ተናግረዋል፡፡ እርሳቸው ከደመዎዛቸው 75% በመቀነስ ለተቸገሩ ተማሪዎች እንደሚረዱና በተለያዩ ምክንያቶች ተማሪዎች ችግር ሲደርስባቸው ከጎናቸው በመሆን ሳይሰለቹ እንደሚረዷቸውና በዚህ መልኩ ያስተማሯቸው ተማሪዎች ጥሩ ውጤት በማምጣት ለሀገርና ለወገን ኩራት ሆነው ማየታቸውና በዚህ ስራቸው በሀገር አቀፍ ደረጃ በርካታ ሽልማቶችን ማግኘት እንደቻሉ ተናግረዋል፡፡

በአዲስ አበባ ከተማ የተማሪ ወላጅ ማህበርን ወክለው ንግግር ያደረጉት ኢ/ር ጌታቸው ሰጠኝ እንዳሉት የመምህርነት ሙያ አሁንም ቢሆን እንዳልወደቀ ገልፀው ነገር ግን በማህበረሰቡ ዘንድ መሰራት ያለበትን ግንዛቤ የመፍጠር ስራ ይበልጥ መሰራትና ተማሪዎችም ጥሩ ስነምግባርና ግብረገብነት እንዲኖራቸው እንዲሁም ሀገር ወዳድ ዜጋ ሆነው እንዲያድጉ የመምህራን ሚና ከፍተኛ በመሆኑ በዚህ ላይ ትልቅ ስራ እንደሚጠበቅ ተናግረዋል፡፡

በምክክር መድረኩ ላይ የመምህርነት ሙያ በህብረተሰቡ ዘንድ እንዴት ይታያል እና መምህራን በሙያቸው ተጠቃሚ ባለመሆናቸውና ኑሮአቸውን ለመደጎም ስራቸውን በመልቀቅ ሙያው አደጋ ላይ በመውደቁ የቀደመ ክብሩን ለመመለስ ምን መደረግ አለበት በሚሉ ርዕሰ ጉዳዩች ላይ ጥናታዊ ፁሁፎች ቀርበው ሰፊ ውይይትና ክርክር ተደርጓል፡፡

የምክክር መድረኩ አዘጋጅ እንዲሁም ጥናታዊ ፁኁፍ አቅራቢ የሆኑትና  የባሕር ዳር ዩኒቨርሲቲ የመምህራን  ትምህርት እና የአመራር ልማት የልህቀት ማዕከል ዲን የሆኑት ዶ/ር አስናቀ ታረቀኝ እንዳሉት የአውደ ጥናቱ ዋና አላማ የመምህርነትን ክብርና ሞገስ እንደገና መመለስና ማኅበረሰቡ ስለመምህራን ያለውን ግንዛቤ ማሳደግ ብሎም መምህራን ማግኘት ያለባቸውን የሙያ ክብር እንዲያገኙ መስራት እንደሆነ ተናግረዋል፡፡ በቀጣይም በሀገሪቱ  ውስጥ መምህራንን ከሚያስለጥኑ ተቋማት ጋር በመሆን በትምህርት ጥራት ላይ የጋራ ስራ እየተሰራ  መሆኑን ጠቁመው ይህ ደግሞ መምህርነት ተገቢውን ክብር እንዲያገኝ ከማድረግ አኳያ የጎላ አስተዋፅኦ እንደሚያመጣ ተናግረዋል፡፡

በመጨረሻም በትምህርት ሚኒስቴር የመምህር እና የትምህርት አመራር ልማት ዳይሬክተር የሆኑት ወ/ሮ አሰፋሽ ተካልኝ በሀገራችን ውስጥ ያሉ አምስቱ የልህቀት ማዕከላት ባልተመቻቸና ዘርፈ ብዙ ችግሮች ባሉበት ሁኔታ እየሰሩ ያለውን ስራ አድንቀው ቀጣይ ፖሊሲዎችንና መመሪያዎችን በማውጣት መሬት  ላይ የወረደ ስራ መስራት እንደሚገባ ጠቅሰዋል፡፡ ይህንን ስራ ለመስራት በመተሳሰርና አንድ በመሆን መምህርነት እንደ ሙያ በህብረተሰቡ ዘንድ የሚሰጠው ቦታ ከፍ ይል ዘንድ የተለያዩ መገናኛ ዘዴዎችን በመጠቀም የግንዛቤ ፈጠራ መስራት እንደሚገባ አሳስበዋል፡፡  

በመድረኩ የሁለተኛ ቀን ውሎ የመምህርን የሰው ኃይል አስተዳደር ማዕቀፍን አስመልክቶ ትምህርት ሚኒስቴር ያስጠናው ጥናት የጥናቱ ተሳታፊ በሆኑ ምሁራን ቀርቧል፡፡ በጥናቱ አንደተመለከተው መምህራን ለሃገር ዋልታ ለሌሎች ሙያዎች ደግሞ መሰረት በመሆናቸው ከመምህራን ምልመላ ጀምሮ፣ የመምህራን የሙያ ስልጠና ብሎም መምህራንን በስራ ገበታቸው ላይ እንዲቆዩ የማድረግ እና ከጦረታ በኋላ በሚኖራቸው ህይወት አስፈላጊውን ድጋፍ በመስጠት ከሙያው ሀገሪቷ ማግኘት የሚገባትን ትልቅ ግልጋሎት ማግኘት እንደሚቻል ተነግሯል፡፡ ለዚህም መምህሩን ያቀፈ ስራ እንደሚጠይቅ ተጠቁሟል፡፡

በአውደ ጥናቱ ከተለያዩ የከፍተኛ ትምህርት ተቋማት የመጡ ምሁራን፣ የትምህርት ሚኒስቴር ተወካዮች፣ የመምህራን ማኅበር አመራሮች፣ በተለያየ ደረጃ የሚያስተምሩ መምህራን፣ በመምህርነት ሙያቸው አርአያነት ያለው ስራን ያበረከቱ መምህራን፣ የወላጅ ማህበር ተወካዮች እና ሌሎች ተገኝተዋል፡፡

 

BDU holds three days workshop on Mitigating Antimicrobial Resistance (AMR) in the water cycle: Analytical methodologies and improving water quality
**********************************************************************
The workshop focused on describing and discussing primary sources of AMR in the water cycle, and the integrated actions needed to mitigating AMR. The workshop aimed to provide a preliminary perspective on the scope of AMR, and to raise awareness about all the factors related to AMR. It also intended to demonstrate different methods of study and to track and mitigate AMR to and from the environment.

A total of 31 participants from three countries and 12 institutions in Ethiopia and abroad took part in the workshop. Professors from three oversea institutions namely New Castle University, UK, Volcani Center for Agricultural Research Organization, Israel and The Hebrew University of Jerusalem, Israel participated as presenters and demonstrators.On day two of the workshop Lectures on perspectives about AMR research in UK and Israel were presented by Prof. David Graham, Dr Eddie Cytryn and Prof. Edouard Jurkevitch, and practical demonstrations were displayed for the benefit of the participants.

As part of the workshop, participants visited College of Agriculture and Environmental Sciences, Zenzelima Campus of Bahir Dar University. There, Dr David Werner from New Caste University demonstrated water sampling protocols, labeling and issues related to water quality. Water Samples were taken from Abay River and the tap water from BDU and filtered so as to take it to New Castle University and Volcani Center for Agricultural Research Organization for further examination on the amount of anions in the waters and more.

In the workshop a series of lectures, field visits, sampling and practical demonstrations were carried out.

የፊልምና ትያትር ካሪኩለም ወርክሾፕ ተካሄደ
=========================
በባህር ዳር ዩኒቨርሲቲ ሂዩማኒቲስ ፋኩሊቲ የፊልምና ትያትር የስርአተ ትምህርት ቀረጻው ተጠናቆ የአስፈላጊነት ግምገማ ተደርጎበታል። ከአዲስ አበባ ዩኒቨርሲቲና ከጎንደር ዩኒቨርሲቲ የተጋበዙ የዘርፉ ባለሙያዎች ባቀረቡት የመነሻ ሃሳብ መስረት በታዳሚዎች ውይይት ተደርጎበታል።ዘርፉ ለአካባቢው እጅግ አስፈላጊ መሆኑ በውይይቱ በአትኩሮት የተነሳ ነጥብ ነው። በውይይቱ የዩኒቨርሲቲው ሰራትኞችና ከፍተኛ አመራሮች የተገኙ ሲሆን ከክልሉ ባህልና ቱሪዝም ቢሮ የመጡ ባልሙያዎችም ተሳትፈዋል።
OXFAM-GB የተሰኘው ግብረሰናይ ድርጅት የስራ ጊዜውን በማጠናቀቁ በአማራ ክልል የነበረውን ቆይታ በማስመልከት የምክክር መድረክ በባህር ዳር አካሄደ፡፡
-----------------------------------------------------------------------------------
በሙሉጌታ ዘለቀ
በባህር ዳር ዩኒቨርሲቲ OXFAM-GB ተሰኘው ግብረሰናይ ድርጅት በአማራ ብሄራዊ ክልላዊ መንግስት ምዕራብ ጎጃም ዞን፣ ሰሜን ሜጫ ወረዳ፣ አዊ ብሄረሰብ ዞን፣ ዳንግላና ጓንጓ ወረዳዎች ውስጥ ̋Empowering women and improving livelihood through honey value chain ̋ በሚል ርዕስ በማር እሴት ሰንሰለት ዙሪያ ጥናቶችን አስጠንቶ ሴት አርሷደሮች፣ የግብርና ባለሙያዎች ፣ ጉዳዩ የሚመለከታቸው ተቋማት እና የመንግስት አካላት በተገኙበት በባህር ዳር ከተማ ምክክር አደረገ፡፡
በምክክር መድረኩ ላይ በአማራ ክልል የOXFAM-GB ፕሮጅክት ሀላፊ የሆኑት አቶ አለሙ አድማሴ ስለ ፕሮጅክቱ አላማ ከምን እንደተነሳና ምን ለማድረግ እንደታሰበ ለታዳሚው በዝርዝር ገለፃ አድርገዋል፡፡
 
መድረኩን በንግግር የከፈቱት የባሕር ዳር ዩኒቨርሲቲ ምርምርና ማህበረሰብ አገልግሎት ም/ፕሬዝዳንት ዶ/ር ተስፋዩ ሽፈራው እንዳሉት ዩኒቨርሲቲው ከውጭ ወደ ሀገራችን የሚገቡ የቴክኖሎጂ ውጤቶችን በቀላሉ በሀገራችን እንዲመረቱ በማድረግ ሂደት ድጋፍ እንደሚያደርግ ገልፀው በማር ምርት ሰንሰለት ለሚሰሩ ተቋማት ድጋፍ እንደሚደረግ ተናግረዋል፡፡ በተጨማሪም በሰልጣኞች ፍላጎት ላይ የተመሰረተ ስልጠና እና የአቅም ግንባታ ላይ ዩኒቨርሲቲው እንደሚሳተፍ ተናግረው የቴክኖሎጂ ሽግግር ማድረግ ልዩ ትኩረት እንደሚሰጠው ተናግረዋል፡፡
 
OXFAM-GB የተሰኘው ግብረሰናይ ድርጅት በዋናነት ሴት አርሷደሮች በማር ምርት ሰንሰለት ላይ ያላቸውን እምቅ አቅም አውጥተው እንዲጠቀሙበት ከማድረግም በላይ በማር ምርት ሰንሰለቱ እንዲሳተፋ በማድረግ፣ የንብ ማነብ ሂደት ምን እንደሚመስል ስልጠና በመስጠት፣ የማር ማጣራት ሂደትን በማሳየት፣ ሰምን በማጣራትና ወደ ገበያ በመቅረብ ላይ ሲሰራ መቆየቱ በመድረኩ ላይ የተነገረ ሲሆን የባህር ዳር ዩኒቨርሲቲ መምህራን የንብ ማነብ ክህሎትን በማሳደግና የተለያዩ የስልጠና ሞጅሎችን በማዘጋጀት ለሙያው ከፍተኛ አስተዋፆ እንደነበራቸው ተግልጿል፡፡
 
በአሁኑ ሰዓት OXFAM-GB የተሰኘው ተቋም በአማራ ክልል ላይ የነበረውን ቆይታ በማጠናቀቁ ምክንያት እስካሁን የተጓዘባቸውን የስራ ጊዜያት ተከትሎ ጥናቶችን አስጠንቶ በእለቱ ለውይይት ቀርቧል፡፡ ጥናቶቹም ከፕሮጀክቱ ትግበራ በኋላ በንብ ማነብ ሰንሰለቱ ላይ የመጣውን ውጤት ፣ የንብ ማነብ ግብዓቶችን ለማቅረብ የነበሩ መልካም አጋጣሚዎች እና ተግዳሮቶች በሚሉና በንብ ማነብ ዙሪያ የተለያዩ ሴት አርሷደሮች ባጋጠሟቸው ችግሮች ዙሪያ የሚያጠነጥኑ ነበሩ፡፡
 
በውይይቱ ላይ እንደዋና የውይይት ሀሳብ ሆኖ በተወያዮች የቀረበው የንብ ማነቢያ ቦታ ነው፡፡ ማነቢያ ቦታዎች የሰብል እርሻ አቅራቢያ በመሆናቸው በሰብሎች ላይ በሚረጭ ኬሚካል ምክንያትና በሌሎች ውስጣዊ እና ውጫዊ በሆኑ በርካታ ምክኒያቶች የማር ምርት የተፈለገውን ምርት ማግኘት እንዳልተቻለ ተጠቁሟል፡፡ ነገር ግን በፕሮጀክቱ ተጠቃሚ የሆኑ የሴት አርሷደሮች ቁጥር እስከ ሦስት ሽህ እንደሚደርስ በውይይቱ ላይ ጥናት አቅራቢና የፕሮጀክቱ አስተባባሪ የሆኑት አቶ አብይ መንክር ተናግረዋል፡፡
 
በመጨረሻም ተወያዮች የመጡበትን ወረዳ በሚመለከት በቀረቡ ጥናቶች ላይ ትክክል የሆነውንና ይቀራል ያሉትን ሀሳብ በቡድን በመሆን ገምግመዋል፡፡

ለሴት ተማሪዎች ስልጠና ተሠጠ

ከባህር ዳር ከተማ ሁለተኛ ደረጃ ትምህርት ቤቶች ለተሰባሰቡ 25 የ10ኛ ክፍል ተማሪዎች Girls Can Code next generation በሚል መሪ ሃሳብ ለ20 ቀን የቆየ የሂሳብ ስልጠና በክረምቱ መርሃ ግብር በፔዳ ግቢ ተሰቷል ፡፡

የባሕር ዳር ዩኒቨርሲቲ ምርምርና ማህበረሰብ አገልግሎት ም/ፕሬዚዳንት ከአሜሪካ ኤምባሲ እና I Cog Labs ጋር በመተባበር የተዘጋጀው ይህ ስልጠና ዩኒቨርሲቲው ከሚሰራቸው የማህበረሰብ አገልግሎት ተግባራት ውስጥ በሳይንስና ቴክኖሎጂ ዘርፍ የሴት ተማሪዎችን አቅም የማጎልበት እቅዱ አንዱ ማሳያ እንደሆነም ታውቋል፡፡በተያያዘም ሀገሪቷ ከግብርና መር ወደ ኢንዱስትሪ መር ኢኮኖሚ ለምታደርገው ሽግግር ማዕከሉ በቴክኖሎጂ ፈጠራ የተካነ የሰው ሀይል ለማፍራት አልሞ እየሰራ እንደሆነና ይህን መሰል ስልጠናዎችም እቅዱን በማሳካት ረገድ ድርሻ እንደሚኖራቸው ተጠቁሟል፡፡

                          ‹‹ስላንች›› የሚል የግጥም መድብል ለንባብ በቃ

 

በባሕር ዳር ዩኒቨርሲቲ የኢትዮጵያ ቋንቋዎችና ስነ-ፅሁፍ ትምህርት ክፍል ተማሪ በሆነው ጌጡ ሳይህ የተፃፈው ‹‹ስላንች›› በሚል ርዕስ የተሰየመው የግጥም መድብል ነሀሴ 19/ 2011 ዓ.ም. በዋናው ግቢ መሰብሰቢያ አዳራሽ ተመርቆ ለንባብ በቃ ፡፡

በመፅሀፉ ምረቃ ወቅት በጋዜጠኛ ብሩክ ለገሰ የመነሻ ፅሁፍ የቀረበ ሲሆን አጠቃላይ ዳሰሳ እና ሙያዊ አስተያየት በማቅረብ ደራሲው በህይወቱ የታዘባቸውን ፣ የተመለከታቸውን ፣ እንዲሆኑለት የሚመኛቸውን ትዝብቶችን ማካተቱ ተገልጿል ፡፡

በምረቃ ስነ-ስርዓቱ በባሕር ዳር ዩኒቨርሲቲ የኢትዮጵያ ቋንቋዎችና ስነ-ፅሁፍ ትምህርት ክፍል መምህርት የሆኑት ወ/ሮ ሂሩት አድማሱን ጨምሮ ሌሎች የዩኒቨርሲቲው ማህበረሰብ አባላት ታድመዋል፡፡

Pages