Latest News

ሂዩማኒቲስ ፋክልቲ 6ኛውን አለም አቀፍ ዓውደ ጥናት አካሄደ፡፡
 
የባሕር ዳር ዩኒቨርሲቲ ሂዩማኒቲስ ፋክልቲ በቋንቋ ፣ባህልና ተግባቦት ዘርፎች 6ኛውን አለም አቀፍ ዓውደ ጥናት አካሄደ፡፡
 
በአውደ ጥናቱ የእንኳን ደህና መጣችሁ መልእክት ያስተላለፉት የባሕር ዳር ዩኒቨርሲቲ የሂዩማኒቲስ ፋክልቲ ዲን የሆኑት ዶ/ር ዳዊት አሞኘ አውደ ጥናቱ በቋንቋ መማር ማስተማር ፣ በጋዜጠኝነትና ተግባቦት፣ በስነ-ፅሁፍ እንዲሁም በባህልና መሰል ጉዳዮች ላይ ትኩረት እንደሚያደርግ ተናግረዋል፡፡ ለተሳታፊዎችም አጠቃላይ ፋክልቲው የሚያስተምራቸውን የትምህርት አይነቶች እንዲሁም የሂዩማኒቲስ ፋኩልቲ እያከናወነ ያለውን ተግባራትና ያስመዘገባቸውን ስኬቶች አስረድተዋል፡፡
 
ዶ/ር ዳዊት አክለውም በዚህ አውደ ጥናት እንዳለፉት ሁሉ የካበተ እውቀትና ልምድ ያላቸውን ምሁር ፕሮፌሰር ኬይ ሃይላንድ (Professor ken Hyland) ከውጭ አገር በማስመጣት እውቀታቸውን እና ልምዳቸውን እንዲያካፍሉ ተደርጓል፡፡
 
በአውደ ጥናቱ ፕ/ር ኪን ሀይላንድ ካቀረቡት ‹የአፃፃፍ ሚና ላይ ካተኮረው ፅሁፋቸው ባሻገር ከባህር ዳር ዩኒቨርሲቲ እና ከሌሎች የአገር ውስጥ ዩኒቨርሲቲዎች በተውጣጡ የተለያዩ ምሁራን ከአስራ ዘጠኝ በላይ ጥናታዊ ፅሁፎች ቀርበው በታዳሚው ውይይት ተደርጎባችዋል፡፡ ከቀረቡት ጥናታዊ ፁሁፎችም ከሶስት አራተኛ በላይ የሆነው ከባህር ዳር ዩኒቨርሲቲ እንደሆነ ታውቋል፡፡
 
በመዝጊያ ስነ ስርዓቱ ዶ/ር ተስፋየ ሽፈራው የዩኒቨርሲቲው የምርምርና ማህበረሰብ አገልግሎት ምክትል ፕሬዚዳንት እንደነዚህ አይነት አውደ ጥናቶች ከፍተኛ የልምድና የእውቀት ተሞክሮዎች የሚገኙባቸው መድረኮች ስለሆኑ ዩኒቨርስቲው ትኩረት ሰጥቶ ይሰራባቸዋል ብለዋል፡፡ ዶ/ር ተስፋየ አክለውም ላገርም ሆነ ለዩኒቨርስቲው ገፅታ ግንባታ አጋዥ የሆኑትን የአየር መንገድ እና የግቢ ሹፊሮችን በእንግሊዘኛ ቋንቋ የተግባቦት ስልጠናዎች ቢሰጣቸው ጠቃሚ እንደሚሆን ጠቁመዋል፡፡

የባሕር ዳር ከተማን መሰረተ ልማት ዲጂታል ለማድረግ ዝግጅት እየተደረገ ነው።

በትዕግስት ዳዊት

የባሕር ዳር ቴክኖሎጂ ኢንስቲትዩት ከካምብሪጅ ዩኒቨርሲቲ ጋር በመተባበር የባሕር ዳር ከተማን ዲጂታል መሰረተ ልማት ለማዘጋጀት የሁለት ቀን አውደ ጥናት በባሕር ዳር አካሂደዋል።

በአውደ ጥናቱ ላይ የተገኙት Dr. Lara, Allen ከ ‘University of Cambridge and the Center for Global Quality’ የመጡ ሲሆን  Dr. Lara ካምብሪጅ ዩኒቨርሲቲ ከባሕር ዳር ዩኒቨርሲቲ ጋር አብሮ ለመስራት የተፈራረማቸውን ፕሮግራሞች አስተዋውቀው ከእነዚህ ፕሮግራሞች አንዱ የሆነው የባሕር ዳር ከተማን መሰረተ ልማት ዲጂታል ለማድረግ መሆኑን ተናግረዋል።

በመርሃ ግብሩ የተገኙት ዶ/ር ሰብስበው አጥቃው, Commissioner, The Science, Technology Information and Communications Commission, Amhara National Regional State) ሲሆኑ ‘Over view of ICT in the Amhara Region’ የሚል ርዕስ ጽሁፍ ያቀረቡ ሲሆን በዚህና በሌሎች ወረቀቶች ላይ ሀሳቦች ተነስተው ሰፋ ያለ ውይይት በተሳታፊዎች ተደርጓል።

በአውደ ጥናቱ ከእንግሊዝ፣ ከኔዘርላንድስ፣ ከኬንያ እንዲሁም ከአዲስ አበባና ከባሕር ዳር የመጡ ምሁራን እውቀታቻውንና ልምዳቸውን ያካፈሉ ሲሆን ከኢትዮጵያ ውጭ የመጡት ምሁራን የየሀገራቸውን ልምዶች አቅርበዋል። የባሕር ዳር ከተማ አስተዳደር ባሕር ዳር ከተማ አዲስና ዲጂታል መሰረተ ልማት እንደሚያስፈልጋት በማመኑና ለመስራት በመነሳሳቱ ዲጂታል መሰረተ ልማት ለማዘጋጀት መታሰቡ ተገልጿል።

ለወገን ደራሽ ወገን ነው፡፡

የባሕር ዳር ዩኒቨርሲቲ በባሕር ዳር ከተማ ቀበሌ 05 በ28/06/11ዓ.ም ከሌሊቱ ስምንት ሰዓት አካባቢ በተነሳው የእሳት ቃጠሎ ለተጎዱ ወገኖቻችን የብርድ ልብስ እና የመኝታ ፍራሾች ድጋፍ አደረገ፡፡

ይህ ድጋፍ የተደረገውም  በቃጠሎው  ሙሉ ለሙሉ ንብረታቸው ለወደመባቸው ወገኖች  ሲሆን የዩኒቨርሲቲው አስተዳደር ጉዳዮች ም/ፕሬዚዳንት አቶ ብርሃኑ ገድፍ በቃጠሎው ምክኒያት ንብረታቸውን ላጡ ወገኖች ሃዘናቸውን ገልጠው በሰው ህይወት ላይ ምንም ጉዳት አለመድረሱ የሚያጽናና ነው ብለዋል፡፡ በመሆኑም ንብረቱ በሀገራችንና በከተማችን ሰላምና የተሻለ አስተዳደር እስካለ ድረስ ተሰርቶ የሚመጣ ስለሆነ በደረሰው አደጋ ሳይደናገጡ የወደፊት ህይወታቸውን ከተለያዩ አካላት ከሚያገኙት ድጋፍ በተጨማሪ ጠንካራ መንፈስ በማዳበር ሰርተው ለመለወጥ ቆርጠው መነሳት እንዳለባቸው አስገንዝበዋል፡፡ ዩኒቨርሲቲውም በክልሉ እና በአገር አቀፍ ደረጃ በሚከሰቱ የተፈጥሮና ሰው ሰራሽ አደጋዎች አቅሙ የሚችለውን ሁሉ ከማድረግም ባለፈ ለዘለቄታው በእውቀትና በምርምር የታገዘ የአደጋ መከላለከልና ዘላቂ ልማት ስራ በየዘርፉ ባለሞያዎችን እያሰለጠነ መሆኑን ገልጠዋል፡፡

የከተማ አስተዳደሩ ከንቲባ አቶ ሙሉቀን አየሁ በበኩላቸው በርክክብ ስነ-ስርዓቱ ላይ እንደተናገሩት በደረሰው ያልታሰበ ድንገተኛ አደጋ ማዘናቸውን ገልጠው ከተለያዩ አካላት ልዩ ልዩ ድጋፍ ለተጎጅዎች እየተደረገ መሆኑን በመጠቆም ባሕር ዳር ዩኒቨርሲቲም ላደረገው ፈጣን የፍራሽና የብርድ ልብስ ድጋፍ ምስጋናቸውን አቅርበዋል፡፡

በወቅቱም ዩኒቨርሲቲው 500 የሚደርስ ብርድልብስና 500 ፍራሽ ለከንቲባውና ለሚመለከታቸው የክፍለ ከተማ ተወካዮች አስረክቧል፡፡

Science College holds its 7th annual science conference from 22-23 February, 2019.

-----------------------------------------------------------------------------------------------------

The college has undertaken its annual science conference under the theme: ”Scientific Research, Innovation and Quality Education to Solve Societal Problems” for two days.

In the conference, forty oral and ten posters were presented. The conference was enriched with two key note speeches by scholars with vast experience in science and research. The external keynote speaker was Professor Birhanu Abegaz, a distinguished visiting Professor and researcher working at the university of Johannesburg, and Dr Ayalew Wonde, who is recently known for his deep concern and scholarly contribution in the fight against water hyacinth, was the internal keynote speaker. Dr Ayalew in his keynote speech emphasized on the danger that lies on Lake Tana, the water hyacinth. Dr Ayalew stressed the need for a more coordinated and collaborated action in controlling , if not eradicating, the spread of water hyacinth.

In the conference, the guest of honor of the conference, Dr Yilkal Kefale, Head of the Amhara Regional State Education Bureau, the president of Bahir Dar University, Dr Firew Tegegne,  Ato Yihealem Abebe, invited guest for motivational speech to the parallel event conducted with high school students,  staff members, invited guests and students has participated.

In the conference, Bahir Dar University awarded an adjunct professorship to Professor Birhanu Abegaz.

A panel discussion with BBC kick off in Bahir Dar University
**************************************************
Please follow the following link for a detail on the panel discussion: https://www.bbc.com/amharic/news-47451771?ocid=socialflow_facebook&fbcli...

                             መቶ ሃያ ሶስተኛው የአድዋ ድል በዓል በተለያዩ ዝግጅቶች ተከበረ

የ2011 ዓ.ም. የአድዋ ድል በሁለት አበይት ክዋኔዎች ታስቦ ውሏል፡፡ አንደኛው  መነሻውን ጊዮርጊስ አደባባይ በማድረግ  እለቱን ለመዘከር የተደረገ የእግር ጉዞ ሲሆን ሁለተኛው ደግሞ በዋናው ግቢ መሰብሰቢያ አዳራሽ  ይህን ታሪካዊ ቀን በማውሳት የተደረገው ትምህርታዊ ውይይት ነው፡፡

በበዓሉ በአማራ ብሄራዊ ክልላዊ መንግስት የጥንታዊት ኢትዮጵያ ጀግኖች አርበኞች ሊቀመንበር የሆኑት አቶ ዳኝነት አያሌው ታዳሚውን  የሚያነቃቃ ንግግር  አድርገዋል፡፡ አቶ ዳኝነት በንግግራቸው አልደፈር ባይ የአድዋ ጀግኖች አባቶቻችን ፍፁም በሆነ መንፈሳዊ ፅናት በዱር በገደል፣ በእግር በፈረሰ ተዋግተው ያቆዮዋትን ነፃ አገር፤ ወጣቱ ትውልድ ሊጠብቅ ይገባል ሲሉ አሳስበዋል ፡፡

በዩኒቨርሲቲው ባህል ማዕከል እና የታሪክ ቅርስ አስተዳደር የጋራ ትብብር በተደረገው ውይይት  ኢትዮጵያዊያን ጀግኖች በዘመኑ ተንሰራፍቶ የነበረውን አፍሪካን እና ሌሎች የአለም ክፍሎችን የመቀራመጥ የአውሮፓዊያን የእብሪት አጀንዳ በሀይል መስበር እንደሚቻል ያሳዩበት አንፀባራቂ ድል መሆኑ በኩራት ተወስቷል፡፡

በእለቱ የዩኒቨርስቲው ኢንፎርሜሽንና ስትራቴጂክ ኮሚኒኬሽን ም/ፕሬዝዳንት የሆኑት ዶ/ር ዘውዱ እምሩ እንደተናገሩት አድዋ ለመላው ኢትዮጵያውያን በነፃነት ለመቆማችን ምስክር ከመሆንም አልፎ ለጥቁር ህዝቦች ታላቅ ድልና  ዘመን ሳይሽረው በሁሉም ልብ ተፅፎ ከትወልድ ትውልድ ሲተላለፍ የኖረ የኩራት ምንጭ ነው ብለዋል፡፡ በተመሳሳይ የአድዋ አንፀባራቂ ድል ለኢትዮጵያውያን ብቻ ሳይሆን ለሌሎች በቅኝ ግዛት ለነበሩት ሁሉ የነፃነት ተምሳሌት እንደሆነ ፕ/ር ሹመት ሲሻኝ ተናግረዋል፡፡

በዕለቱ ከአድዋ የምንወስዳቸው ትምህርቶች እና የሴቶች ሚና በአድዋ የጦር ሜዳ ውሎ በሚሉ ርዕሶች ፅሁፎች ቀርበው በታዳሚዎች ውይይት ተደርጎባቸዋል፡፡

በመጨረሻም የዛሬው ትውልድ ታሪክ ዘካሪ ብቻ ሳይሆን ያሉትን መልካም አጋጣሚዎች ተጠቅሞ ያለፈውን፣ ዛሬን ብሎም ነገን  ባገናዘበ መልኩ ለአገሩ የተሻለ እድገት ለማምጣት እንዲተጋ የቃልኪዳን ምልክት የሆነውን የኢትዮጵያን ሰንደቅ አርማ ከአባት አርበኞች ተረክቧል፡፡

 

ዩኒቨርሲቲው ለነባር የከፍተኛ አመራር አባላት እውቅና ሰጠ

---------------------------------------------------------

ባሕር ዳር ዩኒቨርሲቲ በቅርቡ ኃላፊነታቸውን በማጠናቀቃቸው ሙሉ በሙሉ ግልጽ በሆነ ውድድር በአዲስ የተተኩ ነባር የከፍተኛ አመራር አባላትን እውቅና ሰጠ፡፡

 

በዩኒቨርሲቲው የኢንፎርሜሽንና ስትራቴጂክ ኮሚኒኬሽን ምክትል ፕሬዚዳንት ጽ/ቤት በተዘጋጀውና በአዲስ የተተኩ አመራሮችን ለማመስገን በተዘጋጀው በዚህ የእውቅና አሰጣጥ ስነ-ስርዓት ነባሮቹ ምክትል ፕሬዚዳንቶች፣ ሳይንቲፊክ ዳይሬክተሮችና የፕሬዚዳንት ጽ/ቤት ሀላፊው በስራ ዘመናቸው ዩኒቨርሲቲውን የምርምር ዩኒቨርሲቲ ለማድረግ በሚደረጉት ጥረቶች ውስጥ ላበረከቷቸው አስተዋጽኦዎች የምስጋና የምስክር ወረቀት ከዩኒቨርሲቲው ፕሬዚዳንት ዶ/ር ፍሬው ተገኘ ተቀብለዋል፡፡

 

ለነዚህ ነባር የዩኒቨርሲቲው ከፍተኛ አመራር አባላት ምስጋና በተዘጋጀው የእራት ግብዣ ላይ ነባሮቹ አመራሮች ለአዲሶቹ የስራ ርክክብ እና በሃላፊነት ዘመናቸው የጀመሯቸውን ስራዎች እንዲያስቀጥሉ አደራ በማለት የዩኒቨርሲቲውን የጥበብ ሰንደቅ ዓላማና ከእንጨት የተሰራ የጥበብ አርማ ዋንጫ (Wisdom Wooden Trophy) አበርክተውላቸዋል፡፡

 

ዝግጅቱን አስመልክተው ንግግር ያደረጉት የዩኒቨርሲቲው ፕሬዚዳንት ዶ/ር ፍሬው ተገኘ ዩኒቨርሲቲው በሌሎች ተቋማት ከተወደሰውና ነጻና ግልጽ ውድድርን መርህ ባደረገ መልኩ አመራሮቹን ለመተካት እየተሰራ ከለው ውጤታማ ስራ ጎን ለጎን እየተካሄደ ያለው የሰራን ሰው የማመስገን ባህል በአርዓያነት የሚወሰድ መሆኑን ጠቅሰው ቀጥሎ ባሉት መካከለኛ አመራሮች ደረጃም ይህ ጉዳይ ተጠናክሮ መተግበር እንዳለበት አሳስበዋል፡፡   

በአሶሳ ዩኒቨርሲቲ ፕሬዚዳንት የሚመራ አንድ የልኡካን ቡድን ባሕር ዳር ዩኒቨርሲቲን ጎበኘ
------------------------------------------------------------------------------------
 
አርባ አምስት አባላት ያሉትና በአሶሳ ዩኒቨርሲቲ ፕሬዚዳንት የሚመራ አንድ የልኡካን ቡድን በባሕር ዳር ዩኒቨርሲቲ የአንድ ቀን ሰፊ ጉብኝት አደረገ፡፡
 
የጉብኝቱ ዋና አካል በሆነውና ልኡካን ቡድኑ ከባሕር ዳር ዩኒቨርሲቲ ፕሬዚዳንት ዶ/ር ፍሬው ተገኘና ሌሎች የከፍተኛ አመራር አካላት ጋር ባደረገው ውይይት የአሶሳ ዩኒቨርሲቲ አዲስ ከሚባሉት ዩኒቨርሲቲዎች አንዱ እንደመሆኑ መጠን እንደ ባሕር ዳር ካሉ ነባርና የመጀመሪያው ትውልድ ዩኒቨርሲቲዎች በሶስቱ ዋና ዋና ሂደቶች በመማር ማስተማር፣ በምርምርና ማህበረሰብ አገልግሎት እንዲሁም በአመራር፣ በዓለማቀፍ አጋርነትና ሌሎች አበረታች አፈጻጸም በታየባቸው ጉዳዮች ዙሪያ መውሰድ ስለሚችላቸው ልምዶች ሰፊ ውይይትና የልምድ ልውውጥ ተደርጓል፡፡
 
በሌላ በኩል ሁለቱ ተቋማት ወደፊት በተለያዩ ዘርፎች በጋራ መስራት ስለሚችሉባቸው ጉዳዮች በጥልቀት ተወያይተዋል፡፡
 
ልኡካን ቡድኑ ከሰአት በኋላ በነበረው ቆይታ በተለያዩ የዩኒቨርሲቲው ዋና ዋና ዘርፎች በአካል በመገኘት በቅርቡ ባሕር ዳር ዩኒቨርሲቲ በመልካም ምሳሌ የተወሰደበትን የከፍተኛና መካከለኛ አመራር ምርጫ ሂደት ጨምሮ በዋና ዋና ክፍሎች በተጨባጭ እየተሰሩ ያሉ ስራዎችን በስፋት ጎብኝቷል፡፡

በሙሉጎጃም አንዱዓለም

በባህር ዳር ዩኒቨርሲቲ ቴክኖሎጂ ኢንስቲትዩት ስር የሚገኘው Development of Micro grid Research Center in Bdu to Support USAID’S Power Program የተሰኘው ፕሮጀክት በጃካራንዳ ሆቴል ዓውደ-ጥናት፣ በወራሚት ቀበሌ ደግሞ የመስክ ጉብኝት አካሄደ፡፡

መርሃ- ግብሩ በይፋ መጀመሩን ያበሰሩት የኢንስቲትዩቱ ሳይንቲፊክ ዳይሬክተር ዶ/ር ሰይፉ አድማሱ ለታዳሚዎች የእንኳን ደህና መጣችሁ መልዕክታቸውን አስተላልፈው ዓውደ ጥናቱ  ፕሮጀክቱ ለሚያከናውናቸው የተለያዩ ተግባራት ጉልህ ፋይዳ እንደሚኖረው ያላቸውን እምነት ገልፀው ፍሬያማ ውይይት እንዲሆን ተመኝዋል፡፡

የኢንስቲትዩቱ መምህርና የፕሮጀክቱ ዋና ተመራማሪ ዶ/ር በላቸው ባንትይርጋ በንግግራቸው እንደጠቀሱት ፕሮጀክቱ ታዳሽ ሀይሉችን በመጠቀም የተለያዩ ፋና ወጊ ተግባራትን እያከናወነ እንደሆነ ገልፀው ለአብነትም በወራሚት ቀበሌ የሚገኘውን ት/ቤት በሶላር አማካኝነት የመብራት ተጠቃሚ ማድረጉን ተናግረዋል፡፡

በፕሮግራሙ  የዩኒቨርሲቲውን ፕሬዘዳንት ዶ/ር ፍሮው ተገኘን ጨምሮ የተለያዩ ምሁራን የታደሙ ሲሆን በወራሚት ቀበሌ ሉማሜ አንደኛ ደረጃ ት/ቤት ላይ የተሰራውን “የማክሮግሪድ” ሰርቶ ማሳያ ጣቢያ በመስክ ጉብኝቱ ለማየት ተችሏል፡፡

ዶ/ር ተስፋየ ሽፈራው ቦጋለ የዩኒቨርሲቲው የምርምርና ማህበረሰብ አገልግሎት ምክትል ፕሬዚዳንት ሆነው ተሾሙ

 

የባሕር ዳር ዩኒቨርሲቲ ስራ አመራር ቦርድ ዛሬ የካቲት 19/2011 ዓ.ም. ባካሄደው ስብሰባ በቅርቡ ሲካሄድ በቆየው የዩኒቨርሲቲው የምርምርና ማህበረሰብ አገልግሎት ምክትል ፕሬዚዳንትነት ምርጫ ተወዳዳሪ ከነበሩት መካከል የላቀ ውጤት ያስመዘገቡትን ዶ/ር ተስፋየ ሽፈራው ቦጋለን የምርምርና ማህበረሰብ አገልግሎት ምክትል ፕሬዚዳንት አድርጎ ሾመ፡፡

 

ዶ/ር ተስፋየ ከሌሎች አራት ዕጩዎች ጋር በተለያዩ መመዘኛዎች ተወዳድረው በአጠቃላይ ውጤት አሸናፊ በመሆናቸው ቦርዱ የዩኒቨርሲቲው የምርምርና ማህበረሰብ አገልግሎት ምክትል ፕሬዚዳንት እንዲሆኑ የወሰነ ሲሆን ምክትል ፕሬዚዳንቱ ነገ የካቲት 20/ 2011 ዓ.ም በይፋ ስራ ይጀምራሉ፡፡

 

ባህር ዳር ዩኒቨርሲቲ ከፍተኛ የአመራር ቦታዎችን በውድድር በተመረጡ ኃላፊዎች እንዲያዙ ለማድረግ በጀመረው እንቅስቃሴ በቦርድ በተሰየመ መልማይ ኮሚቴ የዩኒቨርሲቲውን ፕሬዚዳንት ግልጽ በሆነና የተቋሙን ማህበረሰብ ባሳተፈ የምርጫ ሂደት የመረጠ ሲሆን ኮሚቴው የተለያዩ የም/ፕሬዚዳንት ቦታዎችንም በተመሳሳይ መንገድ በተለያዩ መመዘኛዎች እያወዳደረ ሲመድብ መቆየቱ ይታወሳል፡፡ በተመሳሳይ ሁኔታ በዩኒቨርሲቲው የተሰየመ ሌላ መልማይ ኮሚቴ ሌሎች የአካዳሚክ ክፍሎች ኃላፊዎችን (ዲኖችና ዳይሬክተሮች) ሙሉ በሙሉ ግልጽ በሆነ ውድድር እየመደበ ይገኛል፡፡

Pages