Latest News

 

በከተማዋ መዋቅራዊ ፕላን ዝግጅት ላይ የማህበረሰብ የምክክር መድረክ ተካሄደ !!

በሙሉጌታ ዘለቀ                                                                                 

አንድን ከተማ ከተማ ከሚያደርገው አንዱና ዋናው  መሪ እቅድ / ማስተር ፕላን / ነው፡፡ የባህር ዳር ከተማም በከተማ አስተዳደሩና በባሕር ዳር ዩኒቨርሲቲ ሙሁራን የጋራ ትብብር የከተማዋን መዋቅራዊ ፕላን እቅድ ዝግጅት ላይ ከከተማዋ ማህበረሰ እና በከተማዋ ዙሪያ ከሚገኙ የሳተላይት ከተሞች ተወካዮች ጋር በባሕር ዳር የምክክር መድረክ ተካሄደ፡፡  

የአንድ ከተማ መሪ እቅድ ከ10 እስከ 30 ዓመታት የሚያገለግል ሆኖ የከተማዋን ቀጣይ እቀዶችና ንድፎች ለማስፈፀም የሚያገለግል ወሳኝ መሳሪያ ነው፡፡ መሪ እቅድ  /ማስተር ፕላን/ የከተሞችን እድገት በአግባቡ ለመቆጣጠርና የታለመላቸውን ጊዜ ሲያጠናቅቁ በሌላ መሪ እቅድ መተካት ወሳኝ እና አስፈላጊ ነው፡፡ በመሆኑም የአማራ ክልል ርዕሰ መዲና የሆነችው ባህር ዳር ከተማ እና በአራቱም መዓዘን የሚገኙት ሳተላይት ከተሞችን የጨመረ አዲስ መሪ እቅድ /ማስተር ፕላን/ ለመዘገጀት የባሕር ዳር ዩኒቨርሲቲ ሀላፊነቱን ወስዶ በመስራት የዕቅዱን ከ60% በላይ አጠናቆ ቀሪዎችን የስያሜና ሌሎች ችግሮች ዙሪያ የክፍለ ከተሞች አመራሮች፣ የሀገር ሽማግሌዎች፣ የከተማዋ ከፍተኛ አመራሮች እና ከሳተላይት ከተማዎች ተዎካዮች ጋር የምክክር መድረክ አካሄደ፡፡

በምክክር መድረኩ ላይ የፕሮጀክቱ ጽ/ቤት ዳሬክተር የሆኑት ዶ/ር መንግስቴ አባተ ፕሮጀክቱ እስካሁን የመጣበትን የስራ እንቅስቃሴ እና በሂደቱ ላይ ያጋጠሙ ችግሮችን ጠቅሰዋል፡፡ በተጨማሪም ከተማዋን አቋርጠው የሚያልፉ አሀጉራዊ የተሸከርካሪ እና የባቡር መንገዶች መኖራቸውን ጠቅሰው ይህንን ታሳቢ ያደረገ የአርባ አመት ማስተር ፕላን የከተማ አስተዳደሩ ከባሕር ዳር ዩኒቨርሲቲ  ሙሁራን ጋር በመሆን እየተዘጋጀ መሆኑንና በእቅድ ደረጃ ጥናቶች እየተጠናቀቁ በመሆኑ በቀሪ የከተማዋ ችግሮች ላይ በመምከር ውጤታማ ስራን ለማከናዎን የህብረተሰቡ ተሳትፎ ወሳኝ መሆኑን ዶ/ር መንግስቴ ተናግረዋል፡፡ ለፕሮጀክቱ ተግዳሮት የሆነና የከተማዋን እይታ የሚያበላሹ  ህገወጥ የቤቶች ግንባታዎችን ህጋዊ ቅርፅ እንዲይዙ፣ የከተማዋን ነዋሪዎች  የቤት ፍላጎት እንዲፈታ እንዲሁም ከተማዋን የቱሪስት መዳረሻ ለማድረግ በዚህ ማስተር ፕላን ላይ የከተማዋ ህብረተሰብ ውይይት ወሳኝ መሆኑን ገልፀዋል፡፡

አቶ በሀይሉ መለሰ በውይይት መድረኩ ላይ የፕላን የችግር መተንተኛ ዛፍ ከስሩ እስከ ግንዱ /ስረ-መንስኤ፣ ቀጥተኛ መንስኤ እና አንኳር ችግሮችን/  በዝርዝር አቅርበዋል፡፡ በዚህ የውይይት መድረክ ተሳታፊ የሆኑት የጣና ክፍለ ከተማ ነዋሪ አቶ ፍስሃ ፈንቴ እንዳሉት ባሕር ዳር ከተማ የሀገራችን ውብ ከተማ ከመባልም አልፋ ትልልቅ አለማቀፍ ጉባኤዎችን በብዛት ማስተናገዷ፣ በቱሪስት በብዛት የምትጎበኝ እና አላማቀፍ አውቅና ያላት በተፈጥሮዋ የታደለች ለምለም  ከተማ ነች ብለዋል፡፡ አዲሱ የከተማዋ ማስተር ፕላን ብዙ አዳዲስ ነገሮችን ይዞላት እንደሚመጣ ተናግረው ለማስተር ፕላኑ እውን መሆን ማንኛውም የከተማዋ ነዋሪ ለተግባራዊነቱ ትብብር ሲጠየቁ ተባባሪ መሆን እንዳለባቸው ተናግረዋል፡፡

ከተማዋን አረንጓዴ በማልበስና በተፈጥሮ ያገኘችውን የውሃ ሀብቶቿን በመጠቀም ነዋሪዎቿን የምጣኔ ሀብት ተጠቃሚ ለማድረግ እንዲሁም ከተማዋን የቱሪስት መዳረሻ እንድትሆን ፕሮጀክቱ ወሳኝ መሆኑ ተጠቅሷል፡፡

በመጨረሻም በፕሮጀክቱ ሂደት ዙሪያ ያጋጥማሉ ተብሎ በሚገመቱ እና አሁን ባሉ ችግሮች ዙሪያ ከከተማ አስተዳደሩ፣ ከከተማዋ ነዋሪዎችና የስድስቱም ክፍለከተማ ተወካዮች እንዲሁም የሳተላይት ከተሞች ተወካዮች ጋር ከሃያ በላይ የከተማዋ ችግሮች ዙሪያ ምክክር ተደርጎ የጋራ መግባባት ተወስዷል፡፡          

BDU signs MoU with University of Texas (UT) Southwestern Medical Center

*************************************************************

University of Texas (UT) Southwestern Medical Center and BDU agreed to work collaboratively in areas of mutual interest. In the MoU, it is indicated that the universities are set to create a working context in areas of research and clinical studies. They also agreed to promote educational exchange activities between their respective institutes. Upon signing this agreement, the universities will organize symposia, conferences, short courses, meetings on topics of mutual interest. There will also be clinical trial establishment, and clinical trainings which will be presented in telemedicine or other means.

In signing this MoU, BDU is the Second next to a South African Institution from the continent to enter into this agreement with UT Southwestern Medical Center. Dr. Danie Podolsky and Dr Zewdu Emiru representing University of Texas (UT) Southwestern Medical Center and Bahir Dar University respectively signed the MoU.

ምስለ ሕክምና ማሰልጠኛ ማዕከል ተከፈተ
******************************
የባሕር ዳር ዩኒቨርሲቲ በኢትዮጵያ ሁለተኛ የሆነውን የምስለ ሕክምና ማዕከል አስመርቆ ወደ ሥራ አስገብቷል፡፡
 
የባሕር ዳር ዩኒቨርሲቲ የሰመመን (አንስቴዢያ) ሕክምና ትምህርት ክፍል መምህርና የኢምፓክት አፍሪካ ተጠሪ የሆኑት አቶ ገብረሕይወት አስፋው በመከፈቻ ስነ ስርዓቱ ተገኝተው እንደተናገሩት ማዕከሉ የሰውን አካላዊ ባሕሪ ተላብሰው በተሠሩ አሻንጉሊቶች በቴክኖሎጂ የታገዘ የተግባር ትምህርት የሚሰጥበት እንደሆነ ጠቅሰዋል፡፡ አክለውም የሕክምና ባለሙያዎች በዚህ ማሽን ልምምድ ሲያደርጉ ብቃታቸውን በተግባር እንዲፈትሹና በታካሚው ሊከሰት የሚችለውን ችግር ቀድመው እንዲገነዘቡ በማድረግ በራስ መተማመናቸውን ከፍ ያደርጋል ብለዋል፡፡ በተጨማሪም የማዕከሉ መከፈት በዘርፉ ያለውን የባለሙያዎች እጥረት ለመቅረፍ ሰፊ እድል እንደሚሰጥ ተናግረዋል ፡፡
 
ማዕከሉ ‹‹ኢምፓክት አፍሪካ›› በተባለ ድርጅት አማካኝነት ከ4 ሚሊዮን ብር በላይ ወጭ እንደተደረገበት ገልፀው ፤ የማዕከሉ መቋቋም ለአጎራባች ክልሎች እና ዩኒቨርስቲዎች የአቅም ግንባታ በመስጠት የማስፋፋት ዕቅድ ይዟል ብለዋል፡፡
በአሜሪካው ቫንደርቢልት ዩኒቨርሲቲ የሕክምና ትምህርት ክፍል መምህርና ረዳት ፕሮፌሰር የሆኑት ባንታየሁ ስለሽ በበኩላቸው በሀገሪቱ ይህን መሰል አገልግሎት መሰጠት መጀመሩ ከባለሙያዎች ልምድ ማነስ ጋር ተያይዞ የሚፈጠሩ የሕክምና ስህተቶችን ለመቀነስ እንደሚያስችል አስረድተዋል።
 
ሌላዋ መሳሪያውን እንዴት መጠቀም እንደሚቻል በተግባር ለታዳሚው በማሳየት ላይ ያገኘናቸው አንስቴዢኦሎጂስት ህብስት ዘገየ እንደተናገሩት በንድፈ ሐሳብ ብቻ ይሰጥ የነበረውን የሰመመን ሰጭ (አንስቴዢያ) ሕክምና በሰው አምሳያ በተሰሩ መሳሪያዎች በተግባር መታገዙ የእናቶችንና ህፃናት ሞት ለመቀነስ ጉልህ አስተዋፆ ያደርጋል ብለዋል፡፡
 
በምረቃ ስነ-ስርዓቱም የባህር ዳር ዩኒቨርሲቲ የኢንፎርሜሽንና ስትራቴጂክ ኮሚዩኒኬሽን ምክትል ፕሬዝደንት ዶ/ር ዘውዱ እምሩን ጨምሮ የዩኒቨርሲቲው ተማሪዎች፣ ከሕክምናው ክፍል የተወጣጡ አስተማሪዎችና ጥሪ የተደረገላቸው እንግዶች ተገኝተውበታል ፡፡

BDU-NORHED Project organizes an International Conference

A conference organized by College of behavioral Sciences and NORHED was held for two days under the title “Making Science and Mathematics Teaching and Learning Impactful “ from October 23-24,2019.

In the opening stage of the conference, Project coordinator Dr Dawit Asrat briefly explained the overall achievements of the project. He said through the project which focuses on improving the teaching and learning of Science and Mathematics, capacity building trainings to the concerned teachers and educators have been provided. Also, the project has created education opportunities both at Masters and PhD levels for staff and students in Bahir Dar and Juba Universities. Speaking of the conference,  Dr Dawit remarked that the papers for the conference were selected through rigorous revision on the basis of their contribution towards making Science and mathematics education meaningful and impactful.

 

Introducing the morning plenary session, the coordinator invited Dr Tadesse Melese, Dean College of Behavioral Sciences to the stage. Through the project, the dean said, nearly half a hundred students’ got scholarships to study their graduate studies. The dean also highlighted the importance of the project in facilitating PhD scholarships and SPSS training opportunities that benefited the staff and students alike from both Universities. He finally expressed his appreciation to the team of experts who won the project. He also thanked NORHED and showed the college’s commitment to realizing the objective of the project.

 

President of BDU, Dr Firew Tegegne on his part reminded the audience as to the performance of students at different levels on Mathematics and Science at national level. He said it is most alarming. Colloquiums like the present ones are believed to be source of ideas that potentially impact policy making on science and mathematics education in order to curb the deteriorating performance of students in every level. The president stressed unless we see a growing positive change on the Science and Mathematics education, the job of teachers and researchers in higher education like BDU is far from over.

 

One of the presenters of the plenary session, a famous philosopher who is tipped to be the father of the philosophy of Mathematics education was Professor Paul Ernest from UK. Professor Ernest presented a paper on “Mistakes in Mathematics and Education”. In his presentation, the professor pointed out that teaching must not demonize errors rather errors shall be source of information for impactful teaching. Blaming learners for the errors committed will make them to be fearful of making mistakes which in turn makes students to be in a state of avoidance of risks. This contributes to failure in Math tasks impacting one’s Math ability and confidence which later grows to Math anxiety and a negative attitude to the subject. This, Professor Ernest continued, will create a negative vicious cycle which makes Math learning so difficult. The professor argued it is possible to turn the failure into success by lessening the feeling of failure. One of the mechanisms is to encourage learners to engage in self and/or peer (dialogical interaction) to dealing with errors.

 

Dr Temechegn Engida, another plenary speaker who has taught and supervised researchers for many years, on his part made a speech on “Science Education issues and Trends”. In his philosophical address, Dr Temechegn gave a historical account of philosophy of Science. He gave examples of countries that change their philosophical stance on science education which brings about success in Math and Science education. He believes that the problem of science education that is prevalent in Ethiopian education system is dealt only from philosophical stand point.

 

The other presenter who was once a student at Peda, Bdu, in the diploma program, Dr Solomon, is now a PhD holder and an associate professor at Norwegian University of Science and Technology. Dr Solomon whose presentation was on “Discussion points on Mathematics education in Ethiopia” emphasized the need for educational reform on Science and Mathematics education in the country.  The presenter encourages Ethiopian education system to emerge out of the different values the country has. This is termed Ethnomathematics. In his presentation, he mentioned how different concepts would have been taught using traditional games. He mentioned about ‘Gebeta’- an Ethiopian traditional game that can be used to teach the concept of saving. It has also been said that this game can also be used to promote critical thinking as well. Dr Solomon also mentioned about some pictures that he found in some churches. He said the pictures can teach the concept of representation and binary digitization. In his speech, he urges decision makers to base their philosophical orientation from within the country than from abroad to bring sensible changes in Science and Mathematics education.

 

In the conference a lot has been garnered from different scholars both in and out of the country from a total of 23 papers presented and from the two key note speeches by two renowned researchers.

 

Participants of the colloquium include BDU teachers and students, invited education personnel, experts, officials and researchers.

Professor Birhanu Mengistu delivers a public lecture on: Truth and reconciliation, or justice and reconciliation in Ethiopia?

Professor Birhanu, veteran scholar, who has been teaching and researching on public policy and public Administration for more than three decades now, has shared his professional and life experience in the context of the current situation in Ethiopia with BDU Community at Peda Campus auditorium. In his talk, the professor provides invaluable insight into the essence of negotiation in the context of the current ethnic based conflicts in Ethiopia. He indicated that conflict can be a growing ground for a betterment of a society, to create a developed and democratic nation; however, he continued, mismanaged conflict could, equally or even more, lead to a chaos where survival could be in jeopardy. In his talk, Professor Birhanu underscored the crucial role of truthfulness for sustainability of any sort of negotiation.

The professor commented on the current negotiators, elderly people from different ethnic backgrounds, who took the assignment of settling the various forms of conflicts in the country. He said the problem with their negotiation approach is their lining up with the ethnic group they come from. By way of lining up with one’s ethnic group while assuming as a negotiator, the professor said the negotiator is never free from partiality which makes the process difficult if not impossible. He said negotiators shall take an unshaken stance on bringing peace and reconciliation at any cost.

So as to transcend the problem the country is now facing, the professor said, there shall be peace and reconciliation that is cognizant of the values of the society. Also, both the victims and the offenders should be sincerely willing to submit to genuine reconciliation. In exemplifying the basic role the two conflicting parties could play, the professor added a story which runs as follows. He said if there is a very narrow aisle on which only one person can pass along, and if two individuals came from opposite direction and met somewhere in the middle of the aisle, there are two possibilities- to fight or to sit and figure out a way where both can head to their destinations. In the first case, only one can make it, but the second case is a win-win for both. The two persons agreed that the only way for both to pass through such a difficult situation is to agree to deal with it through discussion and negotiation. As a result, one bows to let the other walk over him. Finally, both make it to their destination. The professor brought this example to explain the importance of the readiness of opposing bodies/parties to a negotiation and compromise. Sometimes we should bow for a better future. The professor also underlined the need to create common ground for a successful negotiation.

The lecture was more heated with question from the participants and the reflections by the presenter.

“Dear Bahir Dar University Email Users.” The new email system of Bahir Dar University is functional. The URL to login is https://mail.bdu.edu.et. If you have any support please contact the ICT Directorate Office.

 

Tel.           +251583206092 

Mobile     +251968995282

በአርሶ አደሩ ማሳ ሰርቶ ማሳያ የመስክ ምልከታ ተደረገ
*********************************************
የባሕር ዳር ዩኒቨርሲቲ ቤነፊት ሪያላይዝ (BENEFIT-REALISE) ፕሮግራም በወገራ ወረዳ ሰንበትጌ ቀበሌ የአርሶ አደሮችን የመስክ ቀን የተለያዩ የመንግስት ተቋማት በተገኙበት የመስክ ምልከታ ተደረገ ፡፡
 
በዕለቱ የእንኳን ደህና መጣችሁ መልእክት ያስተላለፉት የወገራ ወረዳ ግብርና ጽ/ቤት ምክትል ሃላፊ አቶ ሰማኸኝ መከተ የምርምር ውጤት ብዙውን ጊዜ ወደ ተጠቃሚው ህብረተሰብ አውርዶ ተግባራዊ በመድረግ በኩል ሠፊ ችግር ያለበትና ሸልፍ ላይ ተቆልፎ የሚቀመጥ ሆኖ እንደቆየ ተናግረዋል፡፡ ይህን ችግር ለመቅረፍ ቤነፊት ሪያላይዝ (BENEFIT-REALISE) የምርምር ውጤት በወረዳችን ላይ ይዞ በመግባት ሰፊ ስራ እየሰራ ይገኛል፡፡ በዚህም እስካሁን የዝናብ አጠር አካባቢ የተሻሻሉ ዝርያዎችን በቅድመ ማስፋት ተግባር ለ64 አርሶ አደሮች በስርዓተ ምግብ አመጋገብና በስንዴ ምርት አመራረት የአቅም ግንባታ ስልጠናዎችን የሚሰጥ ሲሆን ዛሬም የምግብ ዋስትና ሊያረጋግጡ የሚችሉ ተግባራትን በማከናወን ላይ ይገኛል ብለዋል፡፡ በእለቱም የዚህ ትልቅ ተግባር ማሳያ የሆነውን በሰንበትጌ ቀበሌ በ10 አርሶ አደሮች በመሉ ፓኬጅ ታይ የስንዴ ዝርያ 1.8 ሄክታር ሠርቶ ማሳያ ጎብኝቷል፡፡
 
የባሕር ዳር ዩኒቨርሲቲ ቤነፊት ሪያላይዝ (BENEFIT-REALISE) ፕሮጀክት ማናጀር የሆኑት ዶ/ር አልማዝ ጊዜው በመክፈቻ ንግግራቸው የፕሮግራሙን አላማና ስለሚሠራባቸው ወረዳዎች እና ፕሮጀክቱ በ2011/12 ዓ.ም. አቅዶ እያከናወነ ስላሉ ስራዎች በሰፊው አብራርተዋል፡፡ እስካሁንም በአርሶ አደሩ ማሳ ሰርቶ ማሳያ በወረዳ ደረጃ በታች ጋይንት፣ ላይ ጋይንት፣ እነብሴ ሳር ምድር፣ በወገራ ወረዳዎች የመስክ ምልከታ መደረጉን ገልፀው የወረዳ መዋቅሩም የፕሮግራሙ ሰርቶ ማሳያ መማማሪያ በማድረግ በልምድ ልውውጥ ወደፊት ማስቀጥል እነደሚገባ አሳስበዋል፡፡
 
የጎንደር ግብርና ምርምር ዳይሬክተር አቶ አስፋው አዛለው አርሶ አደሩን ባወያዩበት ወቅት እንደገለፁት ቤነፊት ሪያላይዝ (BENEFIT-REALISE) ገና የአንድ ዓመት ቆይታ ቢሆንም ወደ ገጠር ቀበሌዎች ወርዶ ስርዓት በመዘርጋት የአርሶ አደሩን ግንዛቤ ፈጠራ በስልጠና አሳድጓል፡፡ በዚህም አርሶ አደሩን ብቁ አድርጎ ዛሬ በምናየው ደረጃ በተመረጡ ማሳዎች ላይ የዳቦ ስንዴ ሰርቶ ማሳያ ውጤት በተግባር የታየ መሆኑ ይበል የሚያሰኝ እና ለሌሎችም አርያ የሚሆን ተግባር ነው በማለት የወረዳው መዋቅርም በሰተርቶ ማሳያው የተመለከቱትን የዳቦ ስንዴ ዝርያ ውጤት ለሌሎች አርሶ አደሮች ማስፋት እንዳለባቸው አሳስበዋል ፡፡
 
በውይይቱ የተሳተፉ አርሶ አደሮች እና በራሱ ማሳ ላይ በተግባር ሰርተው ያሳዩት አቶ አማረ አያሌው በበኩላቸው አንድ የስንዴ ፍሬ የባለሙያ ምክር ተከትሎ፣ በቂ ግብዓት በመጨመር፣ የዕለት ከዕለት እንክብካቤ ታክሎበት በመስመር የተዘራው ስናየው 35፣40 እና 45 እግሮች በማብቀል፤ እያንዳንዱ ዛላም እስከ 72 በማፍራት በጥቅሉ ከአንድ ፍሬ እስከ ሁለት ሺ አምስት መቶ ሃያ የዳቦ ስንዴ ፍሬ እንደሚገኝ በመስክ ምልከታው ማየት ተችሏል ብለዋል፡፡ በቀጣይም በሰርቶ ማሳያ የታየውን የተሻሻለ ዝርያ ወደ አርሶ አደሩ ማሳ ለማዳረስ ቃል ገብተዋል ፡፡
 
በውይይቱ ተጋብዘው የተገኙት የዳባት ወረዳ አርሶ አደር ድንች ከአንድ እግር ወደ 40 ፍሬ በሰርቶ ማሳያ እንደተገኘ እና አሳታፊ የስንዴ መረጣ ከ6 የዘር አይነት የተገኘው ታይ የዘር አይነት የተሻለ እንደሆነ ሲገልፁ በተመሳሳይ ወገራ ወረዳ ብራ ቀበሌ ላይ በዳቦ ስንዴ ሰርቶ ማሳያና የቢራ ገብስ ቅድመ ማስፋፋት ምርቱ የተሻለ እንደሆነ ተሞክሯቸውን አካፍለዋል፡፡
 
በመጨረሻም በፕሮግራሙ ላይ ሰፊ የመስክ ጉብኝት ከተካሄደ በኋላ የጎንደር ዩኒቨርስቲ ዲን ዶ/ር ካህሊ ጀንበሬ፣ የወገራ ወረዳ አስተዳዳሪ አቶ አበበ እና የጎንደር ግብርና ምርምር ዳይሬክተር አቶ አስፋው አዛለው በመሩት መድረክ የጉብኝቱ ውሎ በሰፊው ተዳሶ ከአርሶ አደሮችና ባለሙያዎ ገንቢ አስተያየቶች ተሰንዝረዋል፡፡

የባሕር ዳር ዩኒቨርሲቲ የተቀናጀ የዘር ዘርፍ ልማት ፕሮጀክት /ISSD/ ክልላዊ አውደጥናት አካሄደ!!

=======================================================
 

በሙሉጌታ፡ዘለቀ
የተቀናጀ የዘር ዘርፍ ልማትፕሮጀክት /ISSD/ እስካሁን የመጣበትን የስራ ዘመን ለመገምገምና በቀጣይነቱ ላይም ለመምከር በክልሉ ውስጥ ከሚገኙ ባለድርሻ አካላት ጋራ ውይይቱን በባህር ዳር ከተማ አካሄደ፡፡

ዶ/ር ደረጀ አያሌው የባሕር ዳር ዩኒቨርሲቲ ግብርናና አካባቢ ሳይንስ ኮሌጅ መምህርና የተቀናጀ የዘር ዘርፍ ልማት ፕሮጀክት /ISSD/ ዋና ዳይሬክተር (ISSD Project Coordinator) በመርሃ ግብሩ መክፈቻ ላይ እንዳሉት የአውደ ጥናቱ ዋና አላማ እስካሁን የተሰሩ ስራዎችን ለመገምገምና ፕሮጀክቱ ከስድስት ወር በኋላ የስራ ጊዜውን የሚያበቃበት ወቅት በመሆኑ ይህ ፕሮጀክት ሲሰራቸው የነበሩትን ስራዎች በሚቀጥሉበት ሁኔታ ላይ ለመወያየት እንደሆነ ተናግረዋል፡፡

የባሕር ዳር ዩኒቨርሲቲ የምርምርና ማህበረሰብ አገልግሎት ም/ፕሬዝዳንት እና የፕሮጀክቱ የቅርብ አማካሪ የሆኑት ዶ/ር ተስፋዬ ሽፈራው እንዳሉት የሀገራችንን የግብርና ምርትን ውጤታማ ለማድረግ ከበሽታ የነፃና በአጭር ጊዜ ውስጥ ምርት ሊሰጥ የሚችል ምርጥ ዘር ወሳኝ መሆኑን ተናግረው የባሕር ዳር ዩኒቨርሲቲ በየጊዜው በዚህ ዘርፍ ከሚሰሩ ፕሮጀክቶች ጋር ከሚያደርገው ግንኙነቶች ውስጥ አንዱ የISSD ፕሮጀክት መሆኑን ጠቅሰዋል፡፡ ይህ ፕሮጅክት የአርሶ አደሩን የምርጥ ዘር ግንዛቤን ከፍ ያደረገና ጥሩ ጥሩ ተሞክሮዎችን ያመጣ ብሎም የተገበረ እንዲሁም በቀጣይነቱ ዙሪያ እየሰራ ያለ እንደሆነ  ገልፀዋል፡፡ ዶ/ር ተስፋዬ አክለውም የባሕር ዳር ዩኒቨርሲቲ ግዙፍ ተቋም እንደመሆኑ ISSD Project እስካሁን የሰራቸውን ስራዎች ከአጋር ድርጅቶች ጋር በመሆን በተለያዩ አካባቢዎች ለሚገኙ አርሶ አደሮች የግንዛቤ ፈጠራና ምርጥ ዘርን የማዳረስ ስራን በስፋት እንደሚሰራ ተናግረዋል፡፡ ይህ ጉባኤ ለወደፊቱ በምርጥ ዘር ላይ ቋሚ ስራ ለመስራት በምን መልኩ መሄድ እንደሚገባ መክሮ የተጀመሩ ስራዎችን ከግብ ማድረስ እንደሚገባ በአፅኖት ተናግረዋል፡፡ ፕሮጀክቱ የስራ ጊዜው ቢጠናቀቅ እንኳን የአማራ ክልል ከፍተኛ ትምህርት ተቋማት /ዩኒቨርሲቲዎቸ /እና አጋር ተቋማት ይህንን በጎ ስራ ማስቀጠል እና አርሶ አደሩን የተለያዮ ስልጠናዎችን በመስጠትም ሆነ ምርጥ ዘር በማቅረብ መደገፍ እንደሚገባ አሳስበዋል፡፡

የISSD ፕሮጀክት የእሴት ሰንሰለት ባለሙያ የሆኑት አቶ መስፍን አስታጥቄ  ለጉባኤው ተሳታፊ እንዳሉት ባሳለፍነው አስር ዓመት በዋናነት የተመረጠና በምርምር የተገኘ ጥራት ያለው  ዘርን ወቅቱን ጠብቆ በተፈለገው መጠን ለአርሶ አደሩ እንዲደርስና ምርትና ምርታማነትን በማሳደግ የአርሶ አደሩን የአኗኗር ዘዬ ለመቀየር እንዲሁም ኢኮኖሚን ለማሳደግ አልሞ መስራቱን ተናግረዋል። የፕሮጀክቱን የአስር አመት የስራ አፈፃፀም ሪፖርትም አቅርበዋል፡፡

በመጨረሻም በፕሮጀክቱ  የተገኙ ጠንካራና ደካማ ጐኖችን በማንሳት ውይይት የተደረገ ሲሆን ቀጣይ የመፍትሄ አቅጣጫዎችንም ተሳታፊዎቸ አስቀምጠዋል፡፡  ይህንን ፕሮጀክት የማስቀጠል ስራ የዩኒቨርሲቲዎች ብቻ ሳይሆን የሌሎች ባለ ድርሻ አካላትም እንደሆነ ተገልጿል፡፡  በውይይቱ ላይ  የአማራ ክልል ግብርና ቢሮ በተለያ ደረጃ ያሉ ኃላፊዎች እና ከተለያዩ ቢሮዎች የተጋበዙ እንግዶች እንዲሁም የባሕር ዳር ዩኒቨርሲቲ ም/ፕሬዚደንትን ጨምሮ ዳይሬክተሮች እና ሌሎች ምሁራን ተገኝተዋል፡:

በሳይንስና ሒሳብ ትምህርቶች መማር ማስተማር ላይ ያተኮረ አለማቀፍ አውደ ጥናት ተካሄደ !!
====================================================
በሙሉጌታ ዘለቀ
የባሕር ዳር ዩኒቨርሲቲ ትምህርትና ስነ-ባህሪ ኮሌጅ ከNORHED PROJECT ጋር በመተባበር በሳይንስና ሒሳብ ትምህርቶች መማር ማስተማር ላይ ያተኮረና የተለያዩ የምርምር ፁሁፎች የቀረቡበት ለሁለት ቀናት የቆየ አለማቀፍዊ አውደጥናት በባሕር ዳር ዩኒቨርሲቲ ዋና ግቢ የመሰብሰቢያ አዳራሽ አካሂዷል፡፡
 
የባሕር ዳር ዩኒቨርሲቲ መምህርና ተመራማሪ እንዲሁም የNORHED PROJECT ዋና ዳይሬክተር የሆኑት ዶ/ር ዳዊት አስራት በአውደጥናቱ መክፈቻ ላይ እንዳሉት በሀገር አቀፍ ደረጃ በሳይንስና ሒሳብ ትምህርቶች ተማሪዎች ያላቸው ፍላጎትና ዝንባሌ መቀነሱን ጠቅሰዋል፡፡ ዶ/ር ዳዊት ቀጥለውም በአውደ ጥናቱም በችግሩ ዙሪያ በታዋቂ ሙሁራን የተሰሩ ጥናታዊ ፁሁፎች ቀርበው ውይይት እንደሚደረግባቸው ጠቅሰው ይህም በሀገራችን የሳይንስና ሒሳብ ትምህርት ላይ የራሱ የሆነ አውንታዊ ተፅእኖ እንደሚያሳድር እምነታቸው እንደሆነ ተናግረዋል፡፡
 
አውደ ጥናቱን በንግግር የከፈቱት የባሕር ዳር ዩኒቨርሲቲ ፕሬዚዳንት ዶ/ር ፍሬው ተገኘ እንዳሉት የሀገራችንን መማር ማስተማርን ለማዘመንና በትምህርቱ ዘርፍ የላቀ ውጤት እንዲመዘገብ በሙያው ውስጥ ያለን ሙሁራን እንደዚህ ያለ አለማቀፍ አውደጥናቶችን በማዘጋጀት አለማቀፍ የሆኑ የተለያዩ የምርምር ፁሁፎች እንዲቀርቡና ክርክር እና ውይይት እንዲደረግባቸው ማድረግ ተገቢ መሆኑን ጠቁመዋል፡፡
 
በመድረኩ ላይ ከቀረቡ ጥናታዊ ፅሁፎች መካከል የእንግሊዝ ሀገሩ የሒሳብ ተመራማሪና ሙሁር የሆኑት ፐሮፌሰር ፓውል ኢርነስት “Mistakes in Mathematics and Learning” በሚል ርእስ እና ኢትዮጵያዊው ሙሁር ዶ/ር ተመቸኝ እንግዳ «Science education: issues and trends” በሚል ርዕስ ጥናታዊ ፁሁፎች ቀርበው በአውደጥናቱ ተሳታፊዎች ጥያቄዎችና አስተያየቶች በጥናት አቅራቢዎች ግብረ-መልስ ሰፊ ውይይት ተደርጓል፡፡ በሀገራችን የሳይንስና ሒሳብ መማር ማስተማር ስልጠና የሚሰጠው በፅንሰ ሀሳብ ደረጃ ብቻ በመሆኑ ተማሪዎች ትምህርቱን ከመውደድ ይልቅ ትምህርቱን መጥላትና መሸሻቸው በውጤታቸው ላይ አሉታዊ ተፅኖ እንዳለው ተገልጿል፡፡ ይህንን ቸግር ለመከላከል በሙያው የሰለጠኑ መምህራን ተጨማሪ የአቅም ግንባታ ስልጠና በመስጠት ተማሪዎች የሳይንስና የሒሳብ ትምህርቶችን በሚያዝናና እና በጨዋታ መልክ እንዲከታተሉ ቢደረግ በሂደት በመማር ማስተማሩ ላይ ለውጥ እንደሚያመጣ በአውደጥናቱ ላይ ተጠዉሟል፡፡ በአውደጥናቱ ላይ ከሃያ ሰባት በላይ ጥናታዊ ፁሁፍች ቀርበው ውይይት ተደርጎባቸዋል፡፡
 
በመጨረሻም የባሕር ዳር ዩኒቨርሲቲ የምርምርና ማህበረሰብ አገልግሎት ዋና ዳይሬክተር የሆኑት አቶ አብይ መንክር ለአውደጥናቱ ተሳታፊዎች የመዝጊያ ንግግርና ለጥናታዊ ፁሁፍ አቅራቢዎች የእውቅና የምስክር ወረቀት በሰጡበት ወቅት እንዳሉት የባሕር ዳር ዩኒቨርሲቲ የምርምር ዩኒቨርሲቲ ለመሆን ራዕይ ሰንቆ እየሰራ መሆኑን ገልፀው ይህ አለማቀፍ አውደጥናት ከተለያዩ የአለማትን ክፍሎች ያሉና በሙያው ከፍተኛ ልምድ ያካበቱ ሙሁራን የተሳተፉበት በመሆኑ ለራዕያችን መሳካት መድረኩ ጠቋሚ መሆኑን ተናግረዋል፡፡ እንደነዚህ ያሉ መድረኮች ችግሮቻችን የሚጠቁሙና መፍትሄም የሚያፈልቁ በመሆኑና ዩኒቨርሲቲያችንም ከፍተኛ ልምዶችን የሚያገኝበት በመሆኑ የሚበረታታ እንደሆነ ዳይሬክተሩ ተናግረዋል፡፡
 
በምክክር መድረኩ ላይ ጥሪ የተደረገላቸው እንግዶች፣ የውጭ ሀገር ሙሁራን፣ የትምህርት ቢሮ ሀላፊዎችና የባሕር ዳር ዩኒቨርሲቲ ተማሪዎችና መምህራን ተሳትፈዋል፡፡
የባሕር ዳር ዩኒቨርሲቲ ከ26 ሺ በላይ መፅሀፎች በዕርዳታ አገኘ
==================================
በሙሉጌታ ዘለቀ
የባሕር ዳር ዩኒቨርሲቲ መቀመጫውን አሜሪካን ሀገር ካደረገው ቡክስ ፎር አፍሪካ ከተሰኘው ግብረ-ሰናይ ድርጅት ጋር ባደረገው ግንኙነት የሳይንስ፣ የሂሳብ፣ የቋንቋ፣ የስነ-ፁሁፍ እና የማህበራዊ ሳይንስ ይዘት ያለቸው መፅሀፎችን በዕርዳታ ተረክቧል፡፡
 
የባሕር ዳር ዩኒቨርሲቲ ምርምርና ማህበረሰብ አገልግሎት ዳይሬክተር የሆኑት አቶ አብይ መንክር በመፅሀፍ ርክክቡ ወቅት እንዳሉት መፅሀፎቹ በባሕር ዳር ዩኒቨርሲቲ የአካዳሚክ ም/ፕሬዚዳንት በሆኑት ዶ/ር እሰይ ከበደ ከቡክስ ፎር አፍሪካ ጋር በመፃፃፍ የመጡ መሆናቸውን ገልፀው፤ መፅሀፎችን የባሕር ዳር ዩኒቨርሲቲ ያስመጣቸው እንጂ ከምርምሩ በተጨማሪ ህብረተሰቡን ከሚያገለግልበት ሂደቶች ውስጥ አንዱ የማህበረሰብ አገልግሎት በመሆኑ በባሕር ዳርና አካባቢዋ ለሚገኙ አንደኛ ደረጃ ት/ቤቶች እና ከፍተኛና ሁለተኛ ደረጃ ትምህርት ቤቶች እንደሚከፋፈሉ ተናግረዋል፡፡ አቶ አብይ አክለውም እነዚህን መፅሀፎች በማጓጓዝና የትራንዚት ክፍያዎችን በመክፈል ባሕር ዳር ዩኒቨርሲቲ ድረስ እንዲመጣ ያደረጉ ካፒቴን አንተሁነኝ መሆናቸውን ጠቅሰዋል፡፡ አቶ አብይ ካፒቴን አንተሁነኝን አመስግነው ሌሎች ሀገር ወዳድ ባለሀብቶችም የሳቸውን ፈለግ እንዲከተሉ መክረዋል፡፡
 
ቡክስ ፎር አፍሪካ የተሰኘው ድርጅት የተለያዩ መፅሀፎችን አሜሪካን ሀገር ካሉ ከተለያዩ ግለሰቦችና ተቋማት እያሰባሰበ ለተለያዩ አፍሪካ ሀገራት በእርዳታ የሚያበረክት ግብረ-ሰናይ ድርጅት ነው፡፡ መፅሀፎች ከ1ኛ - 4ኛ ክፍል፣ከ5ኛ- 8ኛ፣ ከ9ኛ-12ኛ እና ለጎልማሶች ትምህርት የሚያገለግሉ ከ26ሺህ በላይ የሳይንስ፣ የሂሳብ፣ የቋንቋ፣ የስነ-ፁሁፍ እና የማህበራዊ ሳይንስ ይዘት ያለቸው መሆናቸው ተጠቅሷል፡፡

Pages