Latest News

የባሕር ዳር ዩኒቨርሲቲ ትኩረት በውሃ እና ኢነርጂ መስክ
*************************************
የዩኒቨርሲቲያችን ፕሬዝዳንት ዶ/ር ፍሬው ተገኘ ባሕር ዳር ዩኒቨርሲቲ ለውሃ እና ኢነርጂ የሰጠውን ትኩረትና ተግባራዊ እንቅስቃሴዎች በዚህ ከፋና ብሮድካስቲንግ ኮርፖሬት ጋር ባደረጉት ቆይታ አብራርተዋል፤ ይከታተሉት ዘንድ ግብዣችን ነው፡፡
ፕሮግራሙን ለማግኘት ማስፈንጠሪያውን ይጫኑ፡ https://www.youtube.com/watch?v=Rl-eNEBfgJY&authuser=0

ጾታን መሰረት ያደረገ ጥቃት ላይ ትኩረቱን ያደረገ ስልጠና እየተሰጠ ነው።

በትዕግስት ዳዊት

የባሕር ዳር ዩኒቨርሲቲ የሴቶች፡ ህጻናት እና ወጣቶች ዳይሬክቶሬት ከማህበራዊ ጤና እና ልማት ድርጅት ጋር በመተባበር ጾታን መሰረት ያደረገ ጥቃት (Gender Based Violence) ላይ ዋነኛ ትኩረቱን ያደረገ ስልጠና እየሰጠ ይገኛል።

የዩኒቨርሲቲው የሴቶች፡ ህጻናት እና ወጣቶች ዳይሬክቶሬት ዳይሬክተር ወ/ሮ ብርሃኔ መንግስቴ    ዳይሬክቶሬቱ  ከዩኒቨርሲቲው ተማሪዎች ጋር ግንኙነት ካላቸው ክፍሎች ማለትም  ካምፓስ  ፖሊሶች፣ የተማሪ ፕሮክተሮች፣ የሴቶች ህጻናት እና ወጣቶች ዳይሬክቶሬት ሰራተኞች እንዲሁም ከተማሪዎች ለተውጣጡ  ሰልጣኞች ስልጠናው እየተሰጠ እንደሆነ ተናግረዋል።

ስልጠናውን እየሰጡ የሚገኙት የማህበራዊ ጤና እና ልማት ድርጅት ፕሮጀክት ኦፊሰር የሆኑት አቶ ምህረት ጥላሁን ሲሆኑ ስልጠናውን 40 የሚሆኑ ሰልጣኞች እየወሰዱ ነው፤ ስልጠናው ነገ ድረስ ይቀጥላል።

 

በባሕር ዳር ዩኒቨርሲቲ  "የከፍተኛ ትምህርት ጥራትና አግባብነት" በሚል ርዕሰ ጉዳይ በተፎካካሪ ፓርቲዎች መካካል ክርክር ተጀመረ

 

በባሕር ዳር ዩኒቨርሲቲ ጥበብ አዳራሽ በከፍተኛ ትምህርትና አግባብነት ላይ የተፎካካሪ ፓርቲዎች ክርክር እያደረጉ ነዉ። መድረኩን የባሕር ዳር ዩኒቨርሲቲ ፕሬዝዳንት ዶክተር ፍሬዉ ተገኘ በእንኳን ደህና መጣችሁ ንግግር የከፈቱት ሲሆን ፣ የአብክመ ም/ርዕሰ መስተዳደር ዶክተር ፈንታ ማንደፍሮ ተገኝተዋል። ዶክተር ፈንታ ይህን መሰል መድረክ በከፍተኛ ትምህርት መዘጋጀቱ ፋና ወጊ መሆኑን ገልፀዉ ሙህራንና የትምህርት ተቋማት ዝምታቸዉን በመስበር ለአገር ግንባታ ሚናቸዉን መጫወት እንደሚገባቸው በማሳሰብ ጥሪ አቅርበዋል ።
 
የሳይንሰና የከፍተኛ ትምህርት ሚኒስቴር ሚ/ር ደኤታ ፕሮፌሰር አፈወርቅ ካሱ የፕሮግራሙን አላማ የከፍተኛ ተቋማት በአገራዊ ጉዳዮች ላይ ዉይይት በማድረግ ድርሻዉን እንዲወጣ ለማድረግ እንደሆነ በመጠቆም በMoSHE በኩል ከፍተኛ ተነሳሽነት ያለ መሆኑን አብራርተዋል። ክርክሩን በአዎያይነት የሚመሩት ፕሮፌስር ዳንኤል ቅጠዉ እና ፕሮፌሰር ያለው እንዳወቅ ሲሆኑ ጥሪ ከተደረገላቸዉ ፖርቲዎች መካከል ሰድስት(6 ) ፓርቲዎች በክርክሩ የተገኙ ተገኝተዋል፡፡ በመድረኩ ከሁሉም ዩኒቨርሲቲዎች የመጡ ተወካዮች: የፕሮፌሰሮች ጉባኤ ተወካዮች: ምሁራንና ተማሪዎች ታድመውበታል።
ተጨማሪ ዜና ይዘን እንመለሳለን

ሲካሄድ የነበረው የታዳጊ ህፃናት እግር ኳስ ውድድር ተጠናቀቀ

በወሎ ዩኒቨርሲቲ አዘጋጅነት ለሶስት ቀን ሲካሄድ የነበረው የታዳጊ ህፃናት እግር ኳስ ውድድር ተጠናቀቀ፡፡

በማጠናቀቂያ መርሃ ግብሩ የኢትዮጵያ ታዳጊ ወጣቶች እግር ኳስ ልማት ከፍተኛ ባለሙያ አቶ እንዳለየሱስ ከዩኒቨርስቲዎች ጋር ከ13 እና15 ዓመት በታች በሴትም በወንድም  የእግር ኳስ ስልጠና የውል ስምምነት እንደተደረገ አውስተዋል፡፡ ከዚህ ጋር በተገናኘ ታዳጊ ህፃናቱን ከማህበረሰቡ ውስጥ በማስተባበር ማቴሪያልም ሆነ የሚያስፈልጋቸውን ወጪ መድበው ይህን ውድድር በማድረጋቸው ባሕር ዳር እና ወሎ ዩኒቨርስቲ ሊመሰገኑ ይገባል ብለዋል፡፡ እግር ኳስ ፊድሬሽኑ በገባው ውል መሰረት ሙሉ ለሙሉ የሚጠበቅበትን ያልተወጣበትም ምክንያት የኮረና ወቅት በመሆኑ መሰብሰብን መገድቡ እና ውድድሩም በራሱ የግል ሳይሆን የቡድን በመሆኑ ነው፡፡ በቀጣይ ከባሕር ዳር እና ወሎ ዩኒቨርስቲ ልምድ በመቀመር የተሰሩ ጠንካራ ጎኖችን እና ያልተሰሩትን ደግሞ በተሻለ ሁኔታ ለመስራት ግብዓት ግብአት እንደተገኘ ጠቁመዋል፡፡

የባሕር ዳር ዩኒቨርሲቲ ስፖርት አካዳሚ ዲን ዶ/ር ዳኛቸው ንግሩ በበኩላቸው የኢትዮጵያ ስፖርት ፌደሬሽንም ሆነ የክልል ስፖርት ፌደሬሽን የውድድር ፕሮግራም ማዘጋጀት የነበረባቸው ቢሆንም ይህን መፈፀም አልቻሉም፡፡ ይህን ምክንያት ሳይሆን የባሕር ዳር እና ወሎ ዩኒቨርሲቲ ስፖርት አካዳሚ በኢትዮጵያ ለመጀመሪያ ማለት በሚቻል ሁኔታ የኮቪድ እና የሰላም ችግር ተግዳሮት ባለበት ልጆችን በእግር ኳስ አሰልጥኖ ውድድር እንዲያደርጉ እና ልምድ ልውውጥ ለማድረግ ይዞ መጓዝ ትልቅ ሀላፊነት የሚጠይቅ እንደሆነ ገልፀዋል፡፡

ታዳጊ ወጣቶቹ በ1875 የተመሰረተውን የንጉስ ሚካኤልን ቤተ መንግስት እና አይጠየፍ የግብር አዳራሽን ጎብኝተዋል፡፡

በመጨረሻም የሁለቱም ዩኒቨርሲቲ እግር ኳስ ባለሙያዎች በተገኙበት በቆይታቸው ያስተዋሉትን ጠንካራ እና ደካማ ጎን የገመገሙ ሲሆን በዶ/ር ተከተል አብርሃም የባሕር ዳር ዩኒቨርሲቲ ስፖርት አካዳሚ ምርምርና ማህበረሰብ ዲን አማካኝነት ጥናታዊ ፅሁፍ ቀርቦ ውይይት ተደርጓል፡፡

 

ግብርና እና አካባቢ ሳይንስ ኮሌጅ ስምንተኛውን ሀገራዊ አወደ ጥናት አጠናቀቀ

ትዕግስት ዳዊት

የባሕር ዳር ዩኒቨርሲቲ ግብርና እና አካባቢ ሳይንስ ኮሌጅ “የግብርናና አካባቢ አስተዳደር ለዘላቂ ልማት” መሪ ቃል ሲያካሂድ የነበረውን ስምንተኛውን ሀገራዊ አወደ ጥናት አጠናቀቀ፡፡ በዓውደ ጥናቱ ሶስት የቁልፍ መልእክቶች እና 23 ጥናታዊ ጽሁፎች   ቀርበውበታል፡፡

የባሕር ዳር ዩኒቨርሲቲ የምርምርና ማህበረ-ሰብ አገልግሎት ም/ፕሬዝዳንት ዶ/ር ተስፋዬ ሽፈራው ዓውደ ጥናቱን ለመክፈት ከአማራ ብሔራዊ ክልላዊ መንግስት ግብርና ቢሮ ተወክለው የመጡትን አቶ ማርቆስ ወንዴን ለመጋበዝ ባደረጉት የመግቢያ ንግግር በመስኖ፣በዘር ብዜት፣በአትክልትና ፍራፍሬ፣ በአረንጓዴ አሻራ፣ በግብርና ሜካናይዜሽን እና በእንስሳት እርባታ ዙሪያ ምክረ-ሀሳብ ከዓውደ ጥናቱ ተሳታፊ   እንደሚጠብቁ ጠቅሰዋል፡፡  አቶ ማርቆስ ወንዴም በመክፈቻ ንግግራቸው በስርጸት፣ የተለዩ ሥራዎችን በመፈጸም፣ በማህበረሰብ መሠረታዊ ጥናት፣ በተፈጥሮ ሀብት አያያዝና በስልጠናዎች የግብርና ቢሮ ከዩኒቨርሲቲው ጋር ከቀድሞው የበለጠ አብሮ ለመሥራት ፍላጎት እንዳለው አስገንዝበዋል፡፡

በአወደ ጥናት  የመክፈቻ እለት የእለቱን የቁልፍ ተናጋሪዎች ከመጋበዛቸው በፊትም ባሕር ዳር ዩኒቨርሲቲ ከEthiopian Horticultural Products Export Association (EHPEA) ጋር በአትክልትና ፍራፍሬ ዘርፍ በስልጠና፣ በፕሮጀክት መቅረጽና መተግበር፣ በዘርና በማምረት በመሳሰሉት ሁሉ አብሮ ለመሥራት የመግባቢያ ሰነድ ተፈራርመዋል፡፡ በባሕር ዳር ዩኒቨርሲቲ በኩል ዶ/ር ተስፋዬ ሽፈራው የፈረሙ ሲሆን በEHPEA በኩል ደግሞ የመህበሩ ተቀዳሚ ዳይሬክተር አቶ ቴዎድሮስ ዘውዴ ፈርመዋል፡፡

 

በአወደ ጥናት ላይ ከቀረቡ የቁልፍ መልእክቶች ውስጥ የመጀመሪያው የዘር ብዜትና አቅርቦትን በተመለከተ ያቀረቡት ዶ/ር አበበ አጥላው ከኢትዮጵያ ግብርና ምርምር ተቋም ሲሆኑ እርሳቸው በአማራ ክልል ዘርን አባዝቶ ለማሰራጨት ዋናው ቁልፍ ተግዳሮት የዘር ማባዣ መሬት አለመኖር መሆኑን ጠቅሰዋል፡፡ ይህንንም ለመፍታት ባለድርሻ አካላት በጋራ በመወያየት ለምርምር ተቋማትና ዩኒቨርሲቲዎች በቂ የሆነ የዘር ማባዣ መሬት ሊሰጣቸው እንደሚገባ በአጽንኦት አስገንዝበዋል፡፡ ይህንን በተመለከተም ከክልሉ የግብርና ቢሮ ተወካይ አቶ ማርቆስ ወንዴ የክልሉ ካቢኔ ከ25000 ሄክታር በላይ ቃል የገባ ሲሆን ከዚህ ውስጥም ከ2000 ሄክታር በላይ ከሦስተኛ ወገን ነጻ በማድረግ ቢሮው መረከቡንና ቀሪውን ለመረከብ ጥረት እየተደረገ መሆኑን ገልጸዋል፡፡

የሁለተኛውን የቁልፍ መልእክት ያቀረቡት ዶ/ር አንድነት ባይለየኝ ከHorti-LIFE SNV ሲሆኑ ያቀረቡት ዋና ጭብጥም በአትክልትና ፍራፍሬ ዘርፍ ዙሪያ እርሳቸው የሚሰሩበት ተቋም በሀገር አቀፍ ዙሪያ እየሰራ ያለውን ሥራ፤ የተገኘ አበረታች ውጤት፣ ተግዳሮት አና እንዴት አብሮ መሥራት እንደሚቻል እንዲሁም በጋራ ለመሥራት ተቋማቸው ያለውን ፈቃደኝነት አስገንዝበዋል፡፡

በሁለቱ ቀናት አምስት የተለያዩ ጭብጦች (Thematic areas) ማለትም 1. Natural Resource Management, 2. Animal Production and Health, 3. Fisheries and Wildlife, 4. Crop production and Management, and 5. Development management ላይ በቀረቡት ጥናታዊ ጽሁፎች ሰፊ ውይይት ተካሂዷል፡፡

በአወደ ጥናቱ ላይ ጽሑፍ ላቀረቡ ምሁራን እንዲሁም ለአወደ ጥናቱ መቃናት በገንዘብና በቁሳቁስ እንዲሁም ሁኔታዎችን በማመቻቸት ጉልህ ሚና ለነበራቸው የሰርተፊኬት ስጦታ የተበረከተ ሲሆን በኮሌጁ የአፈር ሳይንስ መርኃግብር የሶስተኛ ድግሪ ተማሪ የሆነው ተማሪ ተመስገን ሙሉአለም ለመመረቂያ ጽሑፉ ከሰራቸው ምርምሮች የአንዱ አላማ ውጤት በአለምአቀፍ ከፍተኛ ተጽእኖ ምክንያት (Impact factor, 6.551) በሆነ ጆርናል ላይ በመታተሙ እና ጽሁፉም በፕሮፌሰሮች ተገምግሞ ከሌሎች የሦስተኛ ዲግሪ ተማሪዎች  ጋር ተወዳድሮ በማሸነፉ የተመረጠ ሲሆን በመርኃ ግብሩ ማገባደጃ ላይ የጥናት ወረቀቱን ለጉባዔው ተሳታፊወች አቅርቧል የእውቅና እና የሰርተፊኬት ተሸላሚም ነበር ፡፡ ተመስገን ለሽልማት መብቃቱ ሌሎችን ተመራማሪዎች ለትጋት የሚያነሳሳ፣ የውድድር መንፈስ የሚፈጥር፣ ለእውቀት ሽግግር አስተወጽኦ የሚያበረክት እንዲሁም ዩኒቨርሲቲው  የምርምር ተቋም ለመሆን የያዘውን እቅድ ከግብ ለማድረስ አንዳች የሆነ ፋይዳ እንደሚኖረውም አስተያየት በሰጡ የጉባዔው ተሳታፊዎች ተነግሯል፡፡ 

በአጠቃላይ የጋራ ውይይት ላይም ስለአወደ ጥናቱ  አጠቃላይ ሂደትና ወደፊት መሻሻል ስላለባቸው ሁኔታዎች ከተሳታፊዎች አስተያየት ተሰጥቷል፡፡ ከቀረቡት አስተያየቶችም ውስጥ በየአመቱ በዓውደጥናቶች የሚቀርቡት ጥናቶች በህትመት እንዲወጡ እና ተመራማሪዎችም ጥናት የሚካሂዱባቸው የሙከራ ቦታዎች እንዲሁም ላቦራቶሪዎች መሟላት እንደሚኖርባቸው እንዲሁም በሁለት ወይንም  በሦስት ዓመት አንዴ አለማቀፋዊ ኮንፈረንሶች ቢካሄዱ ምርጥ ዩኒቨርሲቲ የሚባሉትን ጠርተን የእነሱን ልምድ እና እውቀት እንድንሸምት በዛውም ደግሞ ሳይንቲስቶችንም በማምጣት አለማቀፉ ማህበረ-ሰብ ባሕርዳር ዩኒቨርሲቲን እንዲያውቀው እናደርገለን የሚሉት ይገኙበታል፡፡

በመርኃግብሩ መዝጊያ ላይ የዩኒቨርሲቲው አካዳሚክ ጉዳዮች ምክትል ፕሬዘዳንት ዶ/ር እሰይ ከበደ በሁለቱ ቀን የቀረቡትን ጥናታዊ ጽሁፎች ላቀረቡ ምሁራን፣በገንዘብና በአይነት ኮንፈረንሱን ለደገፉ ተቋማትና ግለሰቦች ምስጋና አቅርበዋል፡፡ተማሪ ተመስገንን እንኳን ደስ አለህ ካሉ በኋላ በቀረበው ጥናት መደሰታቸውን እና ለተጠየቀው ጥያቄም የሰጠው ምላሽ ተመራማሪው የሰራውን ጥናት ምን ያክል ያውቀዋል የሚለውን የሚያስረዳ በመሆኑ በጣም መደሰታቸውን ገልጸዋል፡፡ ዶ/ር እሰይ አክለውም ጠንካራ ተመራማሪወችን ወደ ዩኒቨርሲቲው ከማምጣት አንጻር አቅም ያለውን ተመራማሪ ዩኒቨርሲቲው ስታፍ ማድረግ በእቅዳችን ውስጥ እና በትኩረታችን ውስጥ ያለ በመሆኑ የተመራማሪው ውሳኔ ከሆነና የላከው መስሪያ ቤት ፈቃደኛ ከሆነ ዩኒቨርሲቲው በሩ ክፍት መሆኑን ጠቁመዋል፡፡

ዶ/ር ተስፋዬ መላክ የግብርና እና አካካቢ ሳይንስ ኮሌጅ የድኅረ-ምረቃ፣የምርምር እና ማህበረሰብ አገልግሎት ም/ዲን ፣ ሲሆኑ ከተሳታፊው ለተነሱት ጥያቄዎች አስተያየቶች እና ጥቆማዎች ምላሽ እና ማብራሪያ ሰጥተዋል፡፡ አስተያየቶች ገንቢ በመሆናቸው እንዳለ እንቀበላለን ለወደፊቱ መሻሻል ያለባቸውን እናሻሽላለን ብለዋል፡፡ ከምርምር ሥራዎች እና የምርምር መስሪያ ቦታዎችን የቱንም ያክል አመቺ ባይሆኑም እሳቸውም ሆነ በእሳቸው በሚመሩት ቢሮ ያሉ ባለሙያዎች ወርደው ክትትል ቁጥጥር እና ድጋፍ እንደሚያደርጉ ተናግረዋል፡፡

 

                                                             በባንቹ ታረቀኝ

በግልገል አባይ ተፋሰስ ለአየር ንብረት ለውጥ የማይበገር መንደር ምስረታ ሂደት ተጎበኘ

 

በባሕር ዳር ዩኒቨርሲቲ የብሉናይል ውሃ ተቋም ዳይሬክተር በሆኑት ዳኛቸው አክሎግ (ዶ/ር) የተመራው የጉብኝቱ ተሳታፊ(ተጋባዥ) በምዕራብ ጎጃም ዞን ግልገል አባይ ተፋሰስ ደቡብ ሜጫ ወረዳ ብርሃን ጮራ ቀበሌ ልዩ ስሙ ቆንደላ እና ዛልማ ተብሎ በሚጠራው መንደር ንዑስ ተፋሰስ በብሉ ናይል ውሃ ተቋም PEER (CSV) ፕሮጀክት በአየር ንብረት ለውጥ  የማይበገር ሞዴል የመንደር ምስረታን ለማጠናከር የተከናወኑ ተግባራትን ጎበኙ፡፡

በጉብኝቱ ላይ ተገኝተው የእንኳን ደህና መጣችሁ ንግግር ያደረጉት የቀበሌው አስተዳዳሪ አቶ ምስጋናው ከበደ ሲሆኑ ከእርሳቸው በመቀጠል ዳኛቸው አክሎግ (ዶ/ር) የፕሮጀክቱ ዋና አላማ ለአርሶ አደሮች የአየር ለውጥን ተቋቁመው የተቀናጀና ዘላቂ ልማት እንዴት ማረጋገጥ እንዳለባቸው ማሳየት እንደሆነ ለተጋባዦች ገልጸዋል።

የተከናወኑ ተግባራትን የፕሮጀክቱ አስተባባሪው ዶክተር ምንተስኖት አዘነ እንደገለጹት በዋናነት

ተፈጥሮ ሀብት፣አትክልትናፍራፍሬ እና ተቋም ናቸው። አስተባባሪው በአካባቢው በአንደኛው ተፋሰስ ማለትም ቆንደላ ንዑስ ተፋሰስ አናት ላይ በአማካኝ 2ሜትር ጥልቀት እና ርዝመቱም 600 ሜትር የሚሆን በጎርፍ የተፈጠረ ደለል እንደነበረ በማውሳት በጎርፍ አማካኝነት በደለል ተሞልቶ የነበረውን ወንዝ ለማዳን ከአካባቢው ማህበረሰብ ጋር በመስራት ከ80% በላይ ተሳክቶልናል ብለዋል፡፡ይህ ወንዝ በሁለት አመት ውስጥ የውሃው መጠን ጨምሮ የአካባቢው ነዋሪዎች አትክልትና ፍራፍሬ ለማምረት እየተጠቀሙበት መሆኑን ይናገራሉ፡፡

ሌላው ለተፈጥሮ ሀብት ጥበቃ አስቸጋሪ የሆነው ልቅ ግጦሽ ስለሆነ አርሶ አደሮች ከብቶቻቸውን ከግቢያቸው አስረው እንዲመግቡ ተከታታይ ውይይትና ክትትል ጋር ሮዳስና ዝሆኔ የተሰኙ የሳር ዝርያዎችን በፕሮጀክቱ እንደሰጣቸው ተናግረዋል፡፡ 

አንድ ልማት ነፍስ ዘርቶ ወደ ትውልድ ለመተላለፍ ተቋም፣ቁርጠኝነት፣ አደረጃጀት፣ ኢኮኖሚ፣ ተፈጥሮ ሀብት፣ገበያና ቴክኖሎጅ መቀናጀት ስላለባቸው እኒህን ተግባራት በሙሉ በዚህ መንደር አካትተናል ብለዋል አስተባባሪው።

የፕሮጀክቱ አስተባባሪ ዶ/ር ምንተስኖት አዘነ እና የቀበሌው የግብርና ባለሙያ አቶ ምንይችል አቢዳ ስራዎችን ያስጎበኙ ሲሆን በመነሻነት ከተለያየ አካባቢ በሚሰባሰብ ውሃ ጎርፍ የተፈጠሩ ሁለት ተፋሰሶች አናት ነው፡፡

የመጀመሪያውን ተፋሰስ ክትር ለመስራት የአካባቢውን ነዋሪ በማወያየት እና የማሳመን ስራ በመስራት እንደተጀመረ ይናገራሉ፡፡ ይህ በጎርፍ የተፈጠረ ገደል አሁን የሰው መተላለፊያ መንገድ ሆኗል።

ሁለተኛው ዛልማ ንዑስ ተፋሰስ በመባል የሚጠራ ሲሆን አናቱ ላይ ወደ 300 ሜትር ርዝመት እና 2.5 ሜትር ጥልቀት ያለው በጎርፍ የተፈጠረ ገደል እንዳለው የሚስተዋል ነበር።

በዚህ ገደል የሚወርደው ጎርፍ ከባድ ከመሆኑ የተነሳ የአካባቢውን ለም አፈር አጥቦ ከመውሰዱ በተጨማሪ የሰዎችንና የእንስሳትን ህይወት እንዳሳጣ የአካባቢው ነዋሪዎች ተናግረዋል፡፡

ይህን ተፋሰስ ወደነበረበት ለመመለስ የፕሮጀክቱ አስተባባሪ ዶ/ር ምንተስኖት እና የወረዳው የግብርና ባለሙያ ከአቶ ምንይችል ጋር በመሆን የአካባቢውን ማህበረሰብ በማሰባሰብና አወያይቶ በማሳመን የወንዙንና የገደሉን ዳር እና ዳር ጥብቅ ቦታ ለማድረግ አጥር በማጠር እንደጀመሩ አስተባባሪው ተናግረዋል፡፡

ተፋሰሱን በክትር ለመስራት ከባድ ስለነበር ፕሮጀክቱ በጥሬ እቃ አቅርቦት እና በሀሳብ ድጋፍ ሲያደርግ የአካባቢው ነዋሪዎችም ደከመኝ ሰለቸኝ ሳይሉ አሸዋ 2ኪሎ ሜትር ርቀት ካለው ጀማ በመባል ከሚጠራው ወንዝ በሸክም በማምጣትና ግንባታውን ውሃ በማጠጣት መሳተፋቸውን አቶ ምንይችል ተናግረዋል፡፡ 

ተፋሰሱ በፊት ከነበረው ከፍተኛ ለውጥ ያመጣ መሆኑንና ውሃውም ከመሮጥ ይልቅ ወደ ስር መስረግ እንደ ጀመረ የአካባቢው ነዋሪዎችና የግብርና ባለሙያዎች ተናግረዋል፡፡

ይህንን አካባቢ መጠበቅ አለፍ ብሎ ጣናን  ፤ግድባችንን መጠበቅ ነው። አካባቢን መጠበቅ አገራችንን መጠበቅ ነው፤እያንዳንዱ ሀገር የሰለጠነው በግለሰብ ደረጃ ሲታይ አካባቢውን ነው የሚጠብቅ የዚያ ሁሉ ድምር ነው ሀገርን አሰልጥኖ ታላቅ ሀገር የሚያደርግ፡፡ ለውጥ ለማምጣት ራስን መስጠት መቻል አለብን በማለት ዶክተር ዳኛቸው ለአስተባባሪውና በዚህ ስራ ለተሳተፉት ሁሉ ምስጋናቸውን አቅርበዋል፡፡

ፕሮጀክቱ በተጨማሪም ቦምቤ በመባል የሚጠራ የሽንኩርት ዝርያ ለአካባቢው ማህበረሰብ በመስጠት ተጠቃሚ እንዲሆኑ አድርጓል፡፡ከተጠቃሚዎች ውስጥ አቶ ማሬ ሰባት በሰባት ከሆነች መሬት ላይ 7 ኩንታል በማግኘት ከሽንኩርቱ ሽያጭ 19ሺ ብር እንዳገኘ ምስክርነቱን ሰጥቷል፡፡ ሌላው በሁለት አመት ለምግብነት የሚደርስና ቅርንጫፎቹ ሁሉ ወይም ሳይወን  በመሸጥ ለገቢ ምንጭ የሚሆን የአቦካዶ ዝርያ ለማህበረሰቡ በመሰጠቱ ጎብኝው የአቦካዶውን አትክልት ከገበሬው ጓሮ ተመልክቷል፡፡

ፕሮጀክቱ ከዚህ ቀጥሎ ለአካባቢው የጠብታ መስኖ እና የፀሀይ ሀይል ምንጭ ከተጀመረው ስራ ጋር ተቀናጅቶ እንዲቀጥል ይመክራል።

በመጨረሻም የብሉ ናይል ውሃ ተቋም ዳይሬክተር የሆኑት ዶ/ር ዳኛቸው ባዩት ነገር መደሰታቸውን ገልጸው ከህብረተሰቡ የወጡ ተማሩ የሚባሉት ባለሙያዎች ወደ ህብረተሰቡ ተመልሰው የህብረተሰቡን ችግር ለመፍታት ጥረት ሲያደርጉ ማየት፣ ይህ ጥረታቸውም ተሳክቶ የተራቆቱ መሬቶች እና የተሸረሸረው ቦረቦር እየተመለሰ፣ ደርቆ ወይም ቀንሶ የነበረው ምንጭ እንደገና ወደ ድሮው እየተመለሰ ማየት ትልቅ ነገር ነው፤ግን በብዙ ባለሙያዎች ሲነገር እንደነበረው ስራው ተጀመረ እንጅ አላለቀም ብለዋል፡፡

የአፈር እና ውሃ ጥበቃ አካባቢ ልማት ስራ መቼም አያልቅም ያሉት ዳይሬክተሩ እኛ እስካለን ድረስ፣ህብረተሰቡ እስካለ ድረስ አካባቢውን የበለጠ እያለማ እየተንከባከበ መሄድ ይኖርበታል፤ባለሙያዎችም ይህንን ጥረታቸውን የሚቀጥሉ ይሆናል ብለዋል ፡፡

በተጨማሪም የዩኒቨርሲቲው የማህበረሰብ አገልግሎት ኃላፊ ዶክተር ተሰማ የተጀመረው ነገር በጣም ጥሩ ነው ሁላችንም ሀላፊነት ወስደን አስተማሪ የሆነውን መልካሙን ነገር እያስቀጠልን ችግር ያለበትን እያስተካከልን ለመሄድ የተዘጋጀን መሆን አለብን በማለት ምስጋና አቅርበዋል፡፡

 

 

The Ethiopia Debates! 2.0. project ends successfully                                                                           

Ethiopia Debates! 2.0., a project that has been run with the financial support of the US Embassy-Addis Ababa coordinated by a team of scholars from the Faculty of Humanities at Bahir Dar University, has come to a successful end.

 

The project aimed at contributing to the culture of debating and public speaking in Ethiopia through strengthening debate clubs at 14 public universities in the country. Twenty students from each of Addis Ababa, Adama Science and Technology, Arba Minch, Assosa, Bahir Dar, Debre Markos, Gambela, Gondar, Haramaya, Hawassa, Jigjiga, Jimma, Mekelle, and Samara universities have been the target of the project. Through Ethiopia Debates! 2.0., young university students from across the 14 target universities have developed problem-solving skills through logical reasoning, persuasion and negotiation. 

 

The project ends with a warmly held virtual National Grand Debate among 20 debaters from ten of the target Universities. Addis Ababa, Assosa, Bahir Dar, Debre Markos, Gambela, Gondar, Haramaya, Jigjiga, Jimma, and Samara universities were each represented by two debaters. The contest went down from round of 20 to the final in which University of Gondar and Bahir Dar University battled it out represented by Loyd Shumeye, a second year Law student, and Eyuel Kokeb, a second year Architecture student, respectively. Finally, Loyd Shumeye of University of Gondar won the competition while Eyuel Kokeb (Bahir Dar University), Kirubel Misganaw (Jimma University), and Selamawit Abera (Bahir Dar University) took, in their order, the ranks from second to fourth.

The College of Science holds it 9th National Annual Science Conference (asc2021)

The College of Science has conducted the 9th National Annual Conference with theme of "Collaborative Scientific Researches for Solving Current Challenges" on 21-22 May, 2021 at the Peda Campus auditorium.

The Conference begun with the welcome speech and Conference introduction  by  Dr.Tsegaye Kassa, the Vice  Dean for Postgraduate, Research and Community Service of the College  of Science, of Bahir Dar University(BDU). The Vice Dean has welcomed the participants of the Conference,detailing about the development of the College and procedural aspects of the conference organization.

Dr. Essey Kebede , Vice president for Academic Affairs of BDU, has provided  an opening remarks where he underlined the importance of the selected theme. The vice president contended that collaborative efforts should be done in order to tackle the current global and national challenges via scientific approaches. He also emphasized that educators should contribute for the development of Ethiopia by focusing on inter and intra disciplinary collaborative researches. 

The opening remark has been followed by keynote speech by Dr. Tsedeke Abate, founder of Home Grown Vision. Dr. Tsedeke has presented his speech on “Critical Issues in Partnerships for Agricultural Research & Development in Ethiopia”. He highlighted the challenges and achievements of our country in terms of research in general and agricultural matters in particular.   Professor Yihenew G/Selassie, Director of Research and publication has chaired the discussion related to remarks given by the keynote speaker. A warm discussion was done among the participants and the keynote speaker.

The conference has continued in the afternoon and Saturday morning in four parallel sessions. The parallel sessions were Biology (Session I), Chemistry and Industrial Chemistry (Session II), Mathematics and Statistics (Session III), Physics and Materials Science and Engineering (Session IV). A total of 48 scientific works were presented, 12 in each session.  About 52% of the papers were from BDU affiliated staff and PhD students.

Finally, chaired by Dr. Muluken Akililu, Dean of College of Science, the closing ceremony was held.  Dr. Tadesse Aklog, BDU, Internal Relations and Communication Director has made his remarks. 

ሳይንስ ኮሌጅ 9ኛውን አመታዊ አገር አቀፍ ትምህርታዊ አውደ ጥናት አካሄደ

*********************************************************************

በሙሉጌታ ዘለቀ

 

የባሕር ዳር ዩኒቨርሲቲ ሳይንስ ኮሌጅ 9ኛውን አመታዊ አውደ ጥናት “Collaborative scientific Researches for Solving Current Challenges.” በሚል መሪ ቃል በዩኒቨርሲቲው የመሰብሰቢያ አዳራሽ ግንቦት 13 እና 14/2013 ዓ.ም አካሂዷል ፡፡

 

በአውደጥናቱ ላይ ተገኝተው ንግግር ያደረጉት የባሕር ዳር ዩኒቨርሲቲ  የአካዳሚክ ጉዳዮች ም/ፕሬዚዳንት ዶ/ር እሰይ ከበደ ለታዳሚዎች የእንኳን ደህና መጣችሁ እና ለኮንፍረንሱ አዘጋጆች የምስጋና መልእክታቸውን አስተላልፈው; ባሕር ዳር ዩኒቨርሲቲ በሀገር አቀፍ የሳይንስና ከፍተኛ ሚኒስተር ፍላጎትና ድጋፍ አዲስ በሚከፍታቸው Homegrown Collaborative PhD ፕሮግራሞች በያዝነው ዓመት 575 ተማሪዎችን እንደሚቀበል ጠቁመዋል፡፡

በአውደጥናቱ ዓለም አቀፍ የግብርና ባለሙያና የቀድሞ የግብርና ምርምር ኢንስቲትዩት ዋና ዳይሬክተር የነበሩት ዶ/ር ፀደቀ አባተ  በበይነ መረብ “የኢትዮጵያ የግብርና እና ምርምር ልማት ለባለድርሻ አካላት ወሳኝ ጉዳዮች” በሚል ርዕስ ጥናታዊ ፁሁፍ አቅርበዋል፡፡

በ9ኛው የሳይንስ አመታዊ አውደ ጥናት ላይ ከ50 በላይ ጥናታዊ የምርምር ፁሁፎች ቀርበው በተሳታፊዎች ውይይት ተደርጎባቸዋል፡፡   

በመጨረሻም በዘንድሮው የሳይንስ አውደጥናት ላይ ጠንካራ የምርምር ስራዎች መቅረባቸውን ተሳታፊዎች የተናገሩ ሲሆን በቀጣይ አመት በሚሄደው 10ኛው አውደ ጥናት በአቀራረብ ሂደቱ ላይ የታዩ የበይነ-መረብ አጠቃቀም እና የመብራት መቆራረጥ ችግሮችን በመቅረፍ የተሻለ አውደጥናት እንደሚያዘጋጁ የሳይንስ ኮሌጅ ዲን ዶ/ር ሙሉቀን አክሊሉ በመዝጊያ ንግግራቸው ጠቁመዋል፡፡ 

በጉባኤው የዩኒቨርሲቲው ከፍተኛ ኃላፊዎች፣ጥናትና ምርምር አቅራቢዎች፣ጥሪ የተደረገላቸው ባለሙያዎች፣ መምህራንና ተማሪዎች ታድመውበታል፡፡

 

አምስተኛዉ ሀገር አቀፍ የምስለ ችሎት ዉድድር ከግንቦት 13-15፣ 2013 ዓ.ም በድሬዳዋ ከተማ ተካሄደ

አምስተኛዉ ሀገር አቀፍ የምስለ ችሎት ዉድድር ከግንቦት 13-15፣ 2013 ዓ.ም በድሬዳዋ ከተማ ሲካሄድ የባሕር ዳር ዩኒቨርሲቲ ሕግ ት/ቤት ተማሪዎች በዉድድሩ ዩኒቨርሲቲያችን ወክለዉ የተሳተፉ ሲሆን በየዉድደሩ የገጠሟቸዉን ተፎካካሪዎች በማሸነፍ ለፍፃሜ ደርሰዋል፡፡ በፍፃሜዉም እልህ አስጨራሽ ዉድድር ካደረጉ በኋላ በጠባብ ዉጤት ዉድድሩን በሁለተኛነት አጠናቀዋል፡፡ በ2012 ዓ.ም የተካሄደዉን አራተኛዉን ሀገር አቀፍ የምስለ ችሎት ዉድድር የባሕር ዳር ዩኒቨርሲቲ ሕግ ት/ቤት ተወዳዳሪዎች ለዉድድሩ የተዘጋጁትን ሶስቱንም ዋንጫዎች በመዉሰድ ዉድድሩን በፍጹም የበላይነትና አሸናፊነት ያጠናቀቁ መሆኑ ይታዎቃል፡፡

በዚህ አመት ለተገኘዉ ዉጤት በዉድድሩ ለተሳተፉ ተማሪዎችና ለመላዉ የትምህርት ቤቱ ማህበረሰብ እንኳን ደስ አላችሁ በማለት ለዚህ ዉጤት መገኘት የሁላችሁም አስተዋጽኦ ከፍተኛ ነዉና ተማሪዎች፣ አስልጣኞች እና መምህራን ከፍ ያለ ምስጋና ይገባችኋል፡፡ በዚህ አጋጣሚ የፊታችን ግንቦት 20-21፣ 2013 ዓ.ም የባሕር ዳር ዩኒቨርሲቲ ሕግ ት/ቤት ከአለም አቀፍ የቀይ መስቀል ማህበር የኢትዮጵያ ቅርንጫፍ ጋር በጋራ በመተባበር በአለም አቀፍ የሰብአዊነት ህጎች ዙሪያ ሀገር አቀፍ የምስለ ችሎት ዉድድር እንደሚያዘጋጅ ት/ቤቱ ለማስታወስ ይወዳል፡፡

Pages