Latest News

የሲቪል ምህንድስና መሰረታዊ ሶፍትዌር ስልጠና ተሰጠ
=================================
የአማራ ስራ አጥ መሃንዲሶች ማህበር (ዐክስመማ) ከባሕር ዳር ዩኒቨርሲቲ ስልጠና ዳይሬክቶሬት ጋር በመተባበር በIntroduction to Auto CAD 2021, Drafting a Residential floor plan, Analysis and Design of a 2D frame in ETABS, Analysis and Design of a 2D Truss System in ETABS and, Structural Modelling and Design of a G+2 Residential Building in ETABS 2018 በሚሉ ርዕሶች ዙሪያ ለ50 ሰልጣኞች ከነሀሴ10-14 2013 ዓ/ም የቆየ የ40 ሰዓት የመጀመሪያ ዙር ስልጠና መሰጠቱን የባሕር ዳር ዩኒቨርሲቲ ስልጠና ዳይሬክቶሬት ዳይሬክተር አቶ ወርቁ አበበ ገልፀዋል ፡፡
 
እንደ ኃላፊው ገለፃ ባሕር ዳር ዩኒቨርሲቲ በአካባቢው የሚገኙትን ማህበረሰቦች በአቅም ግንባታ በኩል በርካታ ስልጠናዎችን ሲሰጥ የቆየ መሆኑንና በ2014 ዓ/ም ለተለያዩ ክፍሎች የተለያዩ ስልጠናዎችን ለመስጠት የታቀደ መሆኑን ተናግረዋል ፡፡
በአሰልጣኝነት ያገኘናቸው የባሕር ዳር ዩኒቨርሲቲ ቴክኖሎጂ ኢንስቲትዩት መምህር አቶ ተመስገን ወልዴ የስልጠናው ዓላማ ስራ ፈጣሪዎችን ከአዳዲስ ሶፍት ዌር ጋር በማስተዋወቅ ችሎታ እያላቸው ተመርቀው የተቀመጡ ወጣቶችን ወደ ስራ እንዲገቡ ትልቅ ዕገዛ እንደሚኖረው ተናግረዋል፡፡
የአማራ ክልል ስራ አጥ መሃንዲሶች ማህበር ሊቀመንበር አቶ መልካሙ አለማየሁ ማህበሩ በክልሉ ሁሉም ዞኖች ቅርንጫፍ ከፍቶ እየተንቀሳቀሰ ሲሆን የጀመራቸውን ስራዎች ለማስቀጠል ስልጠናው የጎላ ድርሻ ያበረክታል ብለዋል ፡፡ አያይዘውም የአማራ ክልል ስራ አጥ መሃንዲሶች ማህበር የማህበራት መመዝገቢያ መተዳደሪያ አዋጅ ቁጥር 1994/2004 አንቀጽ 63/1 በአብክመ ጠቅላይ ዐቃቢ ህግ የሰነዶች የሲቢክ ማህበራት ድርጅቶችና ጠበቆች ጉዳይ ዳይሬክቶሬት በቀን 07/01/12 ዓ/ም በደብዳቤ ቁጥር 090/12 የተሰጠ ምስክር ወረቀት መሰረት ህጋዊ ዕውቅና ያገኘ ተቋም መሆኑን አውስተዋል ፡፡
 
ሰልጣኞችም ባሕር ዳር ዩኒቨርሲቲ በዚህ አስቸጋሪ ሁኔታ ላይ ሁኖ የስልጠና ሁኔታዎችን ማመቻቸቱ የሚያስመስን ነው ብለዋል ፡፡

የባሕር ዳር ዩኒቨርሲቲ ሕክምና እና ጤና ሳይንስ ኮሌጅ የሕክምና ኦክስጅን ማምረቻ ፋብሪካ አስመረቀ

*********************************************************************************

 

የባሕር ዳር ዩኒቨርሲቲ ሕክምና እና ጤና ሳይንስ ኮሌጅ  በጥበበ  ጊዮን  ስፔሻላይዝድ  ሆስፒታል  ግቢ  ከ450 ሚሊዮን ብር በላይ ያወጣ የሕክምና ኦክስጅን ማምረቻ ፋብሪካ በዛሬው ዕለት የኢ.ፌ.ዲ.ሪ  ጤና ሚኒስቴር ሚንስትር ዶ/ር ሊያ ታደሰ እና የአ.ብ.ክ.መ  ጤና  ቢሮ  ኃላፊ  ዶ/ር  መልካሙ  አብቴ  በተገኙበት አስመርቋል፡፡

 

ፋብሪካው በሰዓት 270 ሚሊ ሜትር ኪዩብ ኦክስጅን የማምረት አቅም እንዳለው እና ከ580 በላይ  ለሚሆኑ የህሙማን አልጋዎች ኦክስጅኑ በቀጥታ እንዲደርስ ተደርጎ ሲስተም መዘርጋቱ ተገልጿል፡፡  

 

በምረቃ ስነስርዓቱ የተኙት የኢ.ፌ.ዲ.ሪ ጤና ሚኒስቴር ሚንስትር ዶ/ር ሊያ ታደሰ የባሕር ዳር ዩኒቨርሲቲ ህክምና እና ጤና ሳይንስ ኮሌጅ በጤናው ዘርፍ እየሰጠ ያለውን አገልግሎት አድንቀው  የህክምና ኦክስጅን ማምረቻ ፋብሪካው ለክልሉ ብቻ ሳይሆን በሀገር አቀፍ ደረጃ በኦክስጅን እጥረት ለሚቸገሩ የጤና ተቋማት ትልቅ አቅም እንደሚፈጥር ተናግረዋል፡፡

 

 

የአማራ ብሄራዊ ክልላዊ መንግስት  ጤና ቢሮ ኃላፊ  ዶ/ር መልካሙ አብቴ  በበኩላቸው በክልሉ  በ24 ሰዓት ውስጥ ከ1190 ሲሊንደር ኦክስጅን እንደሚመረት ተናግረው የባሕር ዳር ዩኒቨርሲቲ የህክምና እና ጤና ሳይንስ ኮሌጅ ያስገነባው ፋብሪካ  ክልሉን በከፍተኛ ደረጃ የኦክስጅን ተጠቃሚ የሚያደርግ በመሆኑ መደሰታቸውን ተናግረዋል፡፡

 

የባሕር ዳር ዩኒቨርሲቲ በትምህርቱና በጤናው ዘርፍ እየሰራቸው ያሉ ግዙፍ የልማት ስራዎች ከክልሉም አልፎ ሌሎች የሀገሪቱ አካባቢዎች የሚመጣን ህብረተሰብ ተጠቃሚ እያደረገ መሆኑን ዶ/ር መልካሙ ጠቅሰው በታላቅ የአመራር ቁርጠኝነት እየሰሩ ያሉ የዩኒቨርሲቲው አመራር እና ባለሙያዎችን አመስግነዋ፡፡ አክለውም በሀገሪቱ ውስጥ ያሉ ከፍተኛ ትምህርት ተቋማት የባሕር ዳር ዩኒቨርሲቲን መልካም ተሞክሮ በመውሰድ የጤናውን ዘርፍ ማዘመን እንደሚገባ ተናግረዋል፡፡

 

በምረቃ ስነስርዓቱ ላይ የባሕር ዳር ዩኒቨርሲቲ ፕሬዚዳንት ዶ/ር ፍሬው ተገኘ ሆስፒታሉን በገንዘብ እና ቁሳቁስ ድጋፍ በማገዝ ከፍተኛ አስተዋፆ እያደረገ ያለውን Human Bridge’  የተሰኘ  ግብረ  ሰናይ  ድርጅት አመስግነው በፌደራል መንግስት የገንዘብ ድጋፍ እና በዩኒቨርሲቲው በጀት የተገነባው  የሕክምና ኦክስጅን ማምረቻ ፋብሪካ የክልሉን የሕክምና ኦክስጅን እጥረት በከፍተኛ  ደረጃ  ለመቅረፍ  አቅም  ያለው  መሆኑን  ጠቁመው  በክልሉ  በሚገኙ  የጤና  ተቋማት  በኦክስጅን  እጥረት  ምክንያት የሚሞቱ ታማሚዎችን ሕይወት ለመታደግ ከፍተኛ እገዛ እንደሚያደርግም ገልፀዋል።

 

በሙሉጌታ ዘለቀ

 

የድንገተኛ አደጋ ፅኑ-ህክምና ማሻሻያ ፕሮግራም ዓመታዊ የስራ ግምገማ ተካሄደ

በሙሉጉጃም አንዱዓለም

የኢፌዲሪ ጤና ሚኒስቴር የዋና ዋና ከተሞች የድንገተኛ አደጋ ፅኑህክምና ማሻሻያ ፕሮግራም ዓመታዊ የስራ ግምገማ በባሕር ዳር ዩኒቨርሲቲ ጥበብ ሕንፃ አዳራሽ የኢፌዲሪ ጤና ሚኒስቴር ሚንስትር ዶ/ር ሊያ ታደሰ እና ሌሎች ከፍተኛ ባለስልጣኖች በተገኙበት ተካሂዷል፡፡

የባሕር ዳር ከተማ ተቀዳሚ ምክትል ከንቲባ ዶ/ር ድረስ ሳህሉ ለታዳሚዎች የእንኳን ደህና መጣችሁ መልዕክት አስተላልፈው ጥበበ ጊዮን ሪፈራል ሆስፒታል ይበል የሚያሰኝ ተግባር እያከናወነ መሆኑን አውስተዋል፡፡

የአብክመ ጤና ቢሮ ኃላፊ ዶ/ር መልካሙ አባተ በበኩላቸው በተመረጡ ከተሞቸ እተተገበረ ያለው የድገተኛ ፅኑ ህክምና አገልግሎት ተጠናክሮ እንዲቀጥልና በሌሎች የዞን ከተሞችና ሆስፒታሎች ስራው እንዲስፋፋ  እየተሰራ መሆኑን አውስተው የህብረተሰብ ጤና ኢንስቲትዩትም የሚጠበቅበትን ስራ በአግባቡ እየተወጣ መሆኑን ተናግረዋል፡፡

የኢፌዲሪ ጤና ሚኒስቴር ሚንስትር ዶ/ር ሊያ ታደሰ እንዳሉት ሚኒስቴር መስሪያ ቤቱ የከተሞችን የጤና ችግር በዘላቂነት ለመፍታት ድንገተኛ አደጋን መቋቋም እና አፋጣኝ ምላሽ በመስጠት ለነዋሪዎቹ ምቹ እና ተስማሚ የሆኑ ከተሞች መፍጠር አስፈላጊ ሁኖ በመገኘቱ  በዋና ዋና ከተሞች እየተሰጠ ያለውን አገልግሎት ማሻሻል የተጀመረ መሆኑን ተናግረዋል፡፡ 

ዶ/ር ሊያ በማስከተል በመጀመሪያ ዙር በተመረጡ ዋና ዋና ከተሞች ባህር ዳር፣ ጅማ፣ ሀዋሳ፣ መቀሌ እና በሃረር ከተማ ላይ ስራው የተጀመረ ቢሆንም በወቅታዊ ሁኔታው አማካኝነት ከመቀሌ ውጭ ባሉት አራቱም ዋና ዋና ከተሞች ስራው ተጠናክሮ በመቀጠሉ አንዱ ከአንዱ ተሞክሮ በመቅሰም ወደ ተሻለ ደረጃ ለማድረስ ታልሞ የተዘጋጀ መድረክ መሆኑን ተናግረዋል፡፡

በተጨማሪም የዋና ዋና ከተሞች የድንገተኛ አደጋ እና ጽኑ ህክምና ማሻሻያ ፕሮግራም እንደ ሀገር ተጠናክሮ እንዲቀጥል በጋራ መስራት እንደሚገባና ውጤታማ የሆነ ግምገማ እንዲሁን ዶ/ር ሊያ ተመኝተዋል፡፡  የባሕር ዳር ዩኒቨርሲቲ ፕሬዘዳንት ዶ/ር ፍሬው ተገኘ በመዝጊያ ንግግራቸው ይህ የህይወት አድን ስራ ተጠናክሮ እንዲቀጥል ሁሉም የባለድርሻ አካላት በቅንጅት መስራት እንዳለበትና ዩኒቨርሲቲዎችም ከተሞች በሚያከናውኗቸው ተግባራት   የአንበሳውን ድርሻ እየወሰዱ መሆኑን ተናግረዋል፡፡

በፕሮግራሙ የአራቱም ከተሞች ተወካዮች ዓመታዊ የስራ ክንውናቸውን ያቀረቡ ሲሆን በስራቸው ጉልህ አስተዋጽኦ ላበረከቱ አካላት ማለትም ዶ/ር ዘበናይ ቢተው ከባሕር ዳር ዩኒቨርሲቲ፣ ዶ/ር ኢብሳ ሙሳ ከሀረር፣ ዶ/ር ገላው ኃ/ሚካኤል ከጅማ እና ዶ/ር እምነት ተስፋ ከሀዋሳ የእውቅና እና የምስክር ወረቀት ሽልማት ተበርክቶላቸዋል፡፡

 

በአንድ ዕቅድ አንድ ሪፖርት ለተቀናጀ አባይ ተፋሰስ ልማት ፕሮጀክት የተግባር ስምምነት ተፈረ

በውሃ፣ መስኖና ኢነርጂ ሚኒስቴር/ ተፋሰሶች ልማት ባለስልጣን/ ፣ በአባይ ተፋሰስ ውስጥ ባሉ የክልል ግብርና ተፈጥሮ ሀብት ልማት ቢሮዎች በ( አማራ፣ ኦሮሚያ፣ ቤኒሻንጉል ) እና በአባይ ተፋሰስ ውስጥ ባሉ የከፍተኛ ትምህርት ተቋማት በ( ባሕር ዳር ዩኒቨርሲቲ፣ ጎንደር ዩኒቨርሲቲ፣ አምቦ ዩኒቨርሲቲ፣ አሶሳ ዩኒቨርሲቲ፣ ደብረ ብርሀን ዩኒቨርሲቲ፣ ደብረ ማርቆስ ዩኒቨርሲቲ፣ ደብረ ታቦር ዩኒቨርሲቲ፣ እንጅባራ ዩኒቨርሲቲ፣ ሰላሌ ዩኒቨርሲቲ፣ እና ወለጋ ዩኒቨርሲቲ) መካከል የአባይ ተፋሰስን በቅንጅት ለማልማት ይቻል ዘንድ የመግባቢያ ስምምነት ተፈራረሙ፡፡

የስምምነቱ አላማ በአባይ ተፋሰስ ውስጥ የተቀናጀ የውሃ ሀብት ልማት፣ እንክብካቤ እና አጠቃቀምን ለማስፈን በተለይም የታላቁ የህዳሴ ግድብ የደለልና የመጤ አረሞችን ስጋት ለመቅረፍ በተፋሰሱ ውስጥ ባሉ ባለድርሻ አካላት እና ከፍተኛ ትምህርት ተቋማት እና የዚህ ስምምነት አስፈፃሚዎች ጋር አብሮ በመቀናጀት እና በመተባበር ለመስራት የስራ ድርሻ እና ኃላፊነት ለመወሰን የተደረገ መሆኑን ከአስተባባሪዎች ተገልጿል ፡፡

አንድ ዕቅድ አንድ ሪፖርት ለተቀናጀ አባይ ተፋሰስ ልማት

በባሕር ዳር ዩኒቨርሲቲ አዘጋጅነት ለሁለት ቀናት  ‹አንድ ዕቅድ አንድ ሪፖርት ለተቀናጀ አባይ ተፋሰስ ልማት›› በሚል መሪ ቃል በተፋሰሱ የሚገኙ ዩኒቨርስቲዎች ሚና ላይ በማተኮር የተካሄደው አገር አቀፍ አውደ  ጥናት ሲጠናቀቅ ከ10 በላይ የጥናት ፅሁፎች በተጋባዥ እና በአዘጋጅ ዩኒቨርሲቲዎች  ቅንጅት ቀርቧል ፡፡

ካቀረቡት ጥናት አቅራቢዎች መካከል ከብሉ ናይል ውሃ ተቋም ዶ/ር ሙላቱ ልየው እንደገለፁልን  ወደ አባይ ግድብ አሁን ባለበት ሁኔታ በዓመት ወደ 344 ሚሊዮን ቶን አፈር የሚገባ ሲሆን የውሃና ተፈጥሮ ሀብት ስራዎችን የማንሰራ ከሆነ  የግድቡን 265 ሚሊዮን ቶን በአንድ አመት የሚሸፍን ሲሆን የአፈር እና ውሃ ስራዎችን ብንጠቀም ግን ወደ 77 ሚሊዮን ቶን መቀነስ ይቻላል ብለዋል፡፡

ዶ/ር ሙላት አያይዘውም የአገራችን ተሞክሮ ብናይ ለ10 እና 20 ዓመት ታስበው የሚገደቡ ግድቦች ከ5 ዓመት በታች በሆነ ጊዜ በደለል ተሞልተው ከአገልግሎት ውጪ መሆናቸው በምሳሌነት ገልፀውልናል፡፡

በመጨረሻም  በሁለት የሚኒስቴር መስሪያ ቤቶች፣  በአባይ ተፋሰስ ውስጥ የሚገኙ የክልል ግብርና ተፈጥሮ ሀብት ልማት ቢሮዎች( አማራ፣ ኦሮሚያ፣ ቤኒሻንጉል ) እና በአባይ ተፋሰስ ውስጥ ባሉ የከፍተኛ ትምህርት ተቋማት ( ባሕር ዳር ፣ ጎንደር ፣ አምቦ ፣ አሶሳ ፣ ደብረ ብርሀን ፣ ደብረ ማርቆስ ፣ ደብረ ታቦር ፣ እንጅባራ ፣ ሰላሌ ፣ እና ወለጋ ዩኒቨርሲቲዎች) ተወካዮች አማካኝነት በባሕር ዳር ዩኒቨርሲቲ ፔዳ ግቢ በተዘጋጀላቸው ቦታ ችግኝ በመትከል አገራዊ አሻራቸውን አሳርፈዋል፡፡  

Bahir Dar University Research Team, UEA UNESCO Chair in Adult Literacy and Learning for Social Transformation, holds a one day validation workshop.

The Workshop was part of the “Health Literacy, Indigenous Practices and Family Learning in the Time of COVID-19” Project. This research project was funded by the UK Research and Innovation (UKRI), through the ODA eligible Global Challenges Research Fund (GCRF) activity. The project has been undertaken in Ethiopia, Nepal, Malawi and the Philippines, led by Professor Anna Robinson-Pant, UNESCO Chair Holder at the University of East Anglia (UK).

The research project looked into disadvantaged/poorer families (pity traders, craftspeople, housemaids, farmers, female-headed households, etc.). Focusing on indigenous practices, this research explored the ways these families and communities were protecting themselves from COVID19, and its impact on them. The study looked at issues of critical health literacy (methods and channels of health communications), and explored family and intergenerational learning practices in these communities at the time of COVID19, said Abiy Menkir, speaking on the event. He added that  the UNESCO Chair in Adult Literacy and Learning for Social Transformation is a framework which was established in 2016 at the University of East Anglia, UK, with member universities in Ethiopia (Bahir Dar University), Nepal (Tribhuvan University), Egypt (Ain Shams University), Malawi (University of Malawi), and the Philippines (University of Santo Tomas).

On the one-day event, the introduction, basic questions and methodology of the research project were presented by Tizita Lemma where as the findings of the research were presented by Turuwark Zalalam. Short video clips from the fieldwork were also displayed on the workshop. In addition, two quick fire presentations were made by Yimer Gobzie and Minyichl Desalew (MA Students). The quick fire presentations were focused on individual case stories, which were the results of the MA in Adult Education and Community Development (AECD) students’ engagement on field work on the same research. Then, a world café and overall discussions and reflections were part of this event, which were facilitated by Yeraswork Megerssa, Ermiyas Tsehay, and Atale Tilahun. Traditional Azmari music in relation to the research theme were also presented by Wagnew Ashenafi on this event. 

 

There were a total of forty workshop participants that were composed of representatives from the study sample areas in Bahir Dar, Awi Zone, and Awramba. Besides, faculty members from Bahir Dar, Gondar and Woldia Universities, postgraduate and graduating class undergraduate students of AECD programme at Bahir Dar University, government officials and experts from Health, and Education bureaus, Bahir Dar City adult literacy programme Head, Traditional Healers, Awramba Community representatives, and a traditional musician (Azmari)  participated in the workshop. On this event, the findings of the study were validated and further policy recommendations were made by the participants.

 

Sudanese and Ethiopian scholars hold a discussion at Bahir Dar University

Bahir Dar University organized a discussion session among Sudanese and Ethiopian Scholars on the topic ‘Ethio-Sudan Relations: Past, Present and Future’.                                                                                                                                                                                                                            

On the session, Dr. Zewdu Emiru, Vice President for Information and Strategic Communication of Bahir Dar University, recounted the longstanding relationships between Ethiopia and the Sudan. He highlighted the importance of holding intellectual discussions among scholars to strengthen the people-to-people ties of the two nations, thereby dealing with rising concerns through peaceful manners. “Bahir Dar University has gone considerable steps in the establishment of partnerships and collaborations with 12 Sudanese higher education institutions through which a wide range of problem-solving projects that are widely benefiting peoples of the two nations are being conducted,” Dr. Zewdu also indicated.

On the event, two papers were presented by Professor Abdu Osman and Dr. Oman Al Elamin, Sudan University of Science and Technology. Prof. Abdu Osman discussed Ethio-Sudanese Arts in which he highlighted the cultural and artistic values shared by the peoples of Ethiopia and the Sudan since the earliest times. Dr. Oman Al Elamin’s presentation focused on the historical relationships between Ethiopia, Sudan and Egypt.

Following the presentations, questions mainly about the Grand Ethiopian Renaissance Dam and the ongoing border issues between the two nations were forwarded by the staff, Sudanese and Ethiopian Students of Bahir Dar University, and invited guests from the Ministry of Foreign Affairs and the presenters provided their scholarly reflections calling for raising the voices, instead of hands, of the people for peaceful negotiations. The session ended after a statement of conclusion was read.

(More pictures to be posted!)

የ40 ሰንጋ ርክክብ

የባሕር ዳር ዩኒቨርሲቲ ግብርናና አካባቢ ሳይንስ ኮሌጅ ለህልውና ዘመቻው ድጋፍ 40 ሰንጋዎችን ለባሕር ዳር ከተማ ድጋፍ አሰባሳቢ ኮሚቴ አስረከበ

የኮሌጁ ዲን ዶ/ር አሳምነው ጣሰው የህልውና ዘመቻ ከተጀመረ ጀምሮ ኮሌጁ ድጋፍ እያደረገ መሆኑን በማስታወስ ከአሁን በፊት በራሱ ተነሳሽነት ለአገር መከላከያ ሰራዊት፣ ለአማራ ልዩ ኃይልና ለሚሊሻ የፍራሽ፣አንሶላ፣ብርድልብስና የምግብ መስሪያ ቁሳቁስ እንዲሁም በቅርቡ ደግሞ 30 ኩንታል ዳቦ ቆሎ መስጠቱን ጠቁመዋል፡፡

ዶ/ር አሳምነው በማስከተል ኮሌጁ ለምርምር ለማዋል 40 ኮርማዎችን ገዝቶ ለ3 ወራት ከአደለበ በኋላ ስጋ የመያዝ መጠንና ጥራት ለይቶ ሳይንሳዊ የሆነ ግላዊ መለያ ለመስጠት የኮርማዎችን እርድ በመፈጸም የምርምሩን ዓላማ ሳይስት ስጋው ጥራቱን ጠብቆ በህልውና ዘመቻው ለሚሳተፉ ዜጎች በቀጥታ እንዲደርስ መደረጉ በአንድ ድንጋይ ሁለት ወፍ እንዲሉ የምርምርና ልማት ስራው ሳይቋረጥ ህልውናችን እንደምናገጋግጥ ማሳያ ነው፡፡ እንደ ዲኑ ድጋፉ በገንዘብ ሲተመን ከ2 ሚሊዮን ብር በላይ እንደሚሆን ተናግረዋል፡፡

ርክክቡን የፈፀሙት በምክትል ከንቲባ ማዕረግ የኢንዱስትሪና የኢንቨስትመንት መምሪያ ኃላፊና የባሕር ዳር ከተማ "የወታደር ትጥቅ ስንቅና መጓጓዣ አቅርቦት (Logistics) "ኮሚቴ ሰብሳቢ አቶ አላዩ መኮነን ዩኒቨርሲቲው አንጋፋ ተቋም እንደመሆኑ መጠን ከጥሬ ገንዘብ ጀምሮ በአይነት ልዩ ልዩ የሆኑ ድጋፎችን እያበረከተ እንደሆነ ገልፀው የላቀ ምስጋና አቅርበዋል፡፡

አቶ አላዩ አክለውም በቅርቡ የዩኒቨርሲቲው ሰራተኛ የወር ደመወዙን በመለገስ ከ33 ሚሊዮን ብር በላይ ልገሳ በተደረገ ማግስት የ40 ሰንጋዎችን ርክክብ መፈፀማችን ይበል የሚያሰኝ ስራ መሆኑን አስገንዝበው ለወደፊት በሀገራችን ላይ የተጋረጠው የህልውና ዘመቻ እልባት እስከሚያገኝ ድጋፉን አጠናክሮ እንዲቀጥል አሳስበዋል፡፡

በሙሉጎጃም አንዱዓለም

 

Manual Development Training was given for Female Academic Staff of the University

==========================================================

Department of Gender and Development Studies facilitated training for 20 Female academic staff of Bahir Dar University on “Manual Development” on August 2, 2021, at Jacaranda Hotel. UN Women Ethiopia in collaboration with the Amhara Bureau of Women, Children and Youth Affairs provided the training. It is also noted that, the Department of Gender and Development Studies has provided a “Consultative workshop on Career Development” for female academic staff on July 3, 2021. The current training was held based on the need assessment conducted during the workshop and aimed at supporting the staff to address one of the challenges in their career development.

የደለበ ከብት አቅራቢዎችን ተጠቃሚ ለማድረግ አውደ ጥናት ተካሄደ

ሳይንሱን ተከትሎ ከብቶችን በማድለብ ስም በመሰየምና ለተጠቃሚ በማስተዋወቅ ብሎም አርሶ አደሩ የሚገባውን ገቢ እንዲያገኝ ማድረግን ዓላማው ያደረገ የግማሽ ቀን አውደ ጥናት ተካሄደ፡፡

በባሕር ዳር ዩኒቨርሲቲ የዕንሰሳት ዕርባታ ክፍል መምህርና ተመራማሪ ዶ/ር መንግስቴ ታዬ በምዕራብ ጎጃም ዞን የተለያዩ አርሶ አደሮች በከብት ማድለብ ከአማራ ክልል ከፍተኛውን ቁጥር በመያዝ እንደሚታወቁ ገልፀው ሆኖም ግን የቱሩፋቱ ተጠቃሚ አልሆኑም ብለዋል፡፡  በዚህ መነሻም የምዕራብ ጎጃም ዞን ግብርና ቢሮ የድልብ ከብቶቹ ስጋ የመሸከም አቅማቸውን፣ ጥራቱን፣ ምን መደረግ እንዳለበት ስም እስከ ማሰጠት ድረስ ጥናት እንዲደረገግላቸው ዩኒቨርሲቲውን መጠየቃቸውን መነሻ በማድረግ ሳይንሱን የተከተለ የጥናት ውጤት ለመገምገም የመጀመሪያ ውይይት እንደተደረገ ገልፀዋል፡፡

በአውደ ጥናቱ Beef cattle fattening potential, opportunities and challenges in Amhara region በዶ/ር ሸግዳፍ መኩሪያ ከአንዳሳ ግብርና ምርምር እንዲሁም ከባሕር ዳር ዩኒቨርስቲ እንስሳት ዕርባት ክፍል በዶ/ር ዳምጤ ከበደ A survey on the beef production systems in Western Gojjam zones Health break እና The overall objectives, activities and performances of Cattle fattening experiment በሚል ርዕስ ደግሞ በዶ/ር መንግስቴ ታዬ ጥናታዊ ፅሁፎች ቀርበው በተሳታፊዎች ውይይት ተደርጓል፡፡   

የውይይቱ ተሳታፊዎች ከፌድራል የእንስሳትና አሳ ሀብት ሚኒስቴር፣ ግብርና ምርምር ኢንስቲትዩት፣ አዳሚ ቱሉ ግብርና ምርምር ኢንስቲትዩት፣ ከስጋና ወተት ኢንዱስትሪ ልማት የመጡ ሲሆን ከክልል ደግሞ የኮሌጁ መምህራን እና ለጉዳዩ ቅርበት ያላቸው የወረዳ ጽ/ቤት ኃላፊዎችና ባለሙያዎች ተገኝተዋል፡፡

በመጨረሻም የተሸለ ውጤት ላሳዩ ሁለት ባለሙያዎች ለዶ/ር ተስፋዬ አለሙ እና ለአቶ አሸብር ወርቁ የምስክር ወረቀት ሽልማት ተበርክቶላቸዋል ፡፡

Pages