Latest News

Congratulations!
==========
The Startup at BiT MakerSpace of BiT-BDU is shortlisted among the Top-16 Nominee of the 2022 Royal Academy of Engineering Award

የዘማች ሚሊሻ ቤተሰብ ሰብል በመሰብሰብ ደጀንነታቸውን አጠናክረው መቀጠላቸውን የባሕር ዳር ዩኒቨርሲቲ የአስተዳደር ሰራተኞች ተናገሩ

በባሕር ዳር ዩኒቨርሲቲ መሬት አስተዳደር ፤ቴክስታይል እና ማዕከላዊ ግቢ የሚገኙ የአስተዳደር ሰራተኞች በጎንጅ ቆለላ ወረዳ ኮሬ ጣንክራ ቀበሌ የዘማች ሚሊሻ ቤተሰብ ሰብል በመሰብሰብ ደጀንነታቸውን ያሳዩ ሲሆን አጠናክረው እንደሚቀጥሉም ተናግረዋል ፡፡    

የባሕር ዳር ዩኒቨርሲቲ ሰራተኞች የአርሶ አደሩን በተለይም የዘማች ቤተሰቦችን ከጎን ሁኖ ለመደገፍ በወቅቱ ሰብል እንዲነሳ በማድረግ በኩል ትልቅ አስተዋፆ እያደረጉ ይገኛል፡፡ በዩኒቨርሲቲው ማህበረሰብ እንዲታጨድ የተለየው አካባቢ በስሩም የዘማች ቤተሰቦች ያሉበት ወደ 4 ሄክታር የሚሆን ሰብል ነው፡፡ ዩኒቨርሲቲው ከመማር ማስተማሩ ባሻገር በዚህ ወቅት ከዝናቡ መምጣት ጋር ተያይዞ ሰብሉ እንዳይበላሽ በመታደግ በኩል እያደረገ ያለውን  ርብርብ የጎንጅ ቆለላ ወረዳ ግብርና ጽ/ቤት ም/ኃላፊ አቶ ዘመኑ አደራው አመስግነዋል፡፡

የኮሬ ጣንክራ ቀበሌ ም/ሊቀመንበር አርሶ አደር ዋሌ ፍላቴ በበኩላቸው  ከግል  ሥራቸው  አስቀድመው ለሀገራቸው እና ለወገናቸው ክብር ሲሉ በግንባር እየተፋለሙ የሚገኙ ዘማቾችን ሰብል  ቅድሚያ በመስጠት በአካባቢው ህብረተሰብ እንደሚሰበሰብ ጠቁመዋል፡፡  በቀጣይም  የተሰበሰበውን  ሰብል ወደ ጎተራ ከማስገባት በተጨማሪ ሌሎች የግብርና ሥራዎችን በማከናወን ዘማቾች በድል እስኪመለሱ ቤተሰቡን የመጠየቅ እና የመደገፍ ተግባራቸውን የቀበሌው ማህበረሰብ በማስተባበር  አጠናክረው  እንደሚቀጥሉ ገልፀውልናል፡፡

 

በክልሉ የደረሰውን ከፍተኛ የሰብል ዝርፊያና ውድመትን ለማካካስ የመስኖ ልማት ንቅናቄ ተጀመረ

*****************************************************************************

የባሕር ዳር ዩኒቨርሲቲ ከአማራ ክልል ግብርና ቢሮ ጋር በመተባበር በክልሉ በትግራይ ወራሪ ኃይል ምክንያት የደረሰውን ከፍተኛ የሰብል ዝርፊያ እና ውድመትን ለማካካስ በምዕራብ ጎጃም ዞን ሰሜን ሜጫ ወረዳ አዲስ ልደት ቀበሌ የመስኖ ስንዴ ልማት ንቅናቄ የማስጀመሪያ መርኃ ግብር ሕዳር 14/2014 ዓ.ም ተካሂዷል፡፡

 

የባሕር ዳር ዩኒቨርስቲ የምርምርና ማኅበረሰብ አገልግሎት ምክትል ፕሬዚዳንት ዶ/ር ተስፋዬ ሽፈራው "ሁላችንም ማድረግ የሚገባን እና ማድረግ የምንችለውን በማድረግ ለወገኖቻችን ልንደርስ ይገባል" ሲሉ ተናግረዋል፡፡ ዶ/ር ተስፋዬ አክለውም ባሕር ዳር ዩኒቨርሲቲ የቆጋ መስኖን በመጠቀም 56 ሄክታር ላይ የሚሰራቸውን የምርምር ሳይቶችን መነሻ በማድረግ በምዕራብ ጎጃም ዞን ሰሜን ሜጫ ወረዳ አዲስ ልደት ቀበሌ የመስኖ ስንዴ ልማት ከክልሉ ግብርና ቢሮ ጋር በመተባበር  አርሷደሩ ዘንድ  ያልተለመዱ የአሰራር ሂደቶችን እና ቴክኖሎጂዎችን በመጠቀም ምርትና ምርታማነትን በማሳደግ  በአሸባሪው የትግራይ ወራሪ ኃይል የወደመውን ምርት ለማካካስ እና ለችግር የተዳረጉ ወገኖችን ለመደገፍ እየተሰራ መሆኑን ተናግረዋል፡፡

 

የአማራ ክልል ግብርና ቢሮ ሀላፊ ዶ/ር ኃይለማሪያም ከፍያለው ሽብርተኛው የትግራይ ወራሪ ኃይል በከፈተው ጦርነት በአማራ ክልል ከ7 ሚሊዮን በላይ ሰዎች ለከፋ ረሀብ  መጋለጣቸውን   ጠቁመው፤  ህብረተሰቡ የቁጠባ ባህልን በማዳበር ካሁን በፊት በዘልማድ የሚደረጉ ድግሶችን በመቀነስ የተሰበሰበውን ምርት በቁጠባ መጠቀም እንደሚገባ ተናግረው  እንደተለመደው በዓመት አንድ ጊዜ ብቻ ማምረት ሳይሆን ሦስት ጊዜ በማምረት ሕዝባችንን ከረሀብ መታደግ እንደሚገባ ዶ/ር ኃይለማሪያም በአፅኖት ተናግረዋል፡፡

 

በዛሬው እለት ስራ የጀመረው ኩታ ገጠም የመስኖ ስንዴ ልማት የባሕር ዳር ዩኒቨርሲቲ ለአርሷሮች የምርጥ ዘር ፣ የማዳበሪያ ፣ የሙያ ድጋፍና የማማከር አገልግሎት እየሰጠ ሲሆን የትራክተርና የኮምባይነር ግዥ ለመፈፀም  በሂደት ላይ  መሆኑ ተገልጿል፡፡ በኩታ ገጠም የሚለማው 502 ሄክታር መሬት የሚሸፍን ሲሆን ከ894 በላይ  አርሶ አደሮችን ተጠቃሚ እንደሚያደርግ ተገልጿል፡፡ በመርሃ ግብሩ  የባሕር ዳር ዩኒቨርሲቲ ፕሬዚዳንት ዶ/ር ፍሬው ተገኘን ጨምሮ ም/ፕሬዚዳንቶችና የቢሮ ኃላፊዎች እንዲሁም የክልሉ ግብርና ቢሮ ኃላፊ እና  ጥሪ የተደረገላቸው እንግዶች ተገኝተዋል፡፡

 

የባሕር ዳር ዩኒቨርሲቲ ሰራተኞች የህልውና ዘማች አርሶ አደሮችን ሰብል ሰበሰቡ፡፡

የባሕር ዳር ዩኒቨርሲቲ መምህራንና የአስተዳደር ሰራተኞች በይልማና ዴንሳ ወረዳ በህልውና ዘመቻው ግንባር ላይ እየተፋለሙ ያሉ አርሶ አደሮች የደረሰ ሰብል በመሰብሰብ ላይ ይገኛሉ፡፡  

የአጨዳ ስራው በይልማና ዴንሳ ወረዳ በተመረጡ 4 ቀበሌዎች ይከናወናል፡፡ አጨዳው የተጀመረው በስፋት ጤፍ የተዘራበት "አብካ" ቀበሌ ላይ ሲሆን በአካባቢው አርሶ አደሮች አስተባባሪነት የዩኒቨርሲቲው ፕሬዘዳንት ዶ/ር ፍሬውን ጨምሮ በርካታ የዩኒቨርሲቲው ማህበረሰብ በአጨዳ ስራው ላይ ተሳትፈዋል፡፡ ማጨድ የማይችሉ የዩኒቨርሲቲው ማህበረሰብ አባላት ብር በማዋጣት የቀን ሰራተኞችን በመቅጠር አብሮነታቸውን አሳይተዋል፡፡

የባሕር ዳር ዩኒቨርሲቲ ፕሬዘዳንት ዶ/ር ፍሬው ተገኘ የአጨዳ ዘመቻውን ዓላማ በተመለከተ እንደገለጹት ወቅቱን ባልጠበቀ ዝናብ የሚባክነውን ሰብል ከመቀነስ ባሻገር አብሮነትን ለመግለፅ መሆኑን ተናግረዋል፡፡ ወቅቱን ባልጠበቀ ዝናብ እና በመሰል ተግዳሮቶች ምክንያት 30 በመቶ የሚሆን ሰብል እንደሚባክን ጥናቶች እንደሚያመላክቱ ፕሬዚዳንቱ ጠቁመዋል፡፡

የዩኒቨርሲቲው የማህበረሰብ አገልግሎትና የቴክኖሎጂ ሽግግር ተቀዳሚ ዳይሬክተር ዶ/ር ተሰማ አይናለም የአጨዳ ዘመቻው ለሁለት ሳምንት እንደሚቀጥል ገልፀው ዩኒቨርሲቲው በርካታ መምህራንና ሰራተኞች ስላሉት በተለያዩ ቀናት ግቢዎችን በመከፋፈል ተራ ወጥቶላቸው የአጨዳ ዘመቻው በተለያዩ የተመረጡ ቦታዎች እንደሚቀጥል ተናግረዋል፡፡

ጤፍ የታጨደላቸውና በአጨዳው ሲሳተፉ ያገኘናቸው የአካባቢው አርሶ አደሮችና የቀበሌው አስተዳዳሪዎች በስራው ደስተኛ እንደሆኑና ዩኒቨርሲቲው ይህን የስራ ስምሪት ስላዘጋጀ ላቅ ያለ ምስጋና አቅርበዋል፡፡

 

 

 

የባሕር ዳር ዪኒቨርሲቲ ኤች.አይ .ቪ/ኤድስ መከላከያ እና መቆጣጠሪያ ዳይሬክቶሬት በኤች.አይ ቪ/ኤድስ ምክንያት ወላጆቻቸውን ላጡ እና አቅም ለሌላቸው ተማሪዎች ድጋፍ አደረገ፡፡

***************************************************************************************************

የባሕር ዳር ዪኒቨርሲቲ ኤች.አይ.ቪ/ኤድስ መከላከያ እና መቆጣጠሪያ ዳይሬክቶሬት ከእድገት በስራ ማህበር ጋር በመተባበር በባሕር ዳር ከተማ በኤች.አይ.ቪ/ኤድስ ምክንያት ወላጆቻቸውን ላጡና አቅም ለሌላቸው ተማሪዎ ሕዳር 9/2014 ዓ.ም በጥበብ የመሰብሰቢያ አዳራሽ የምግብ ድጋፍ አደረገ፡፡

የባሕር ዳር ዪኒቨርሲቲ የኤች.አይ.ቪ ኤድስ መከላከል እና መቆጣጠር ዳይሬክቶሬት ዳይሬክተር የሆኑት ሲስተር ምህረት ጌታቸው በእንኳን ደህና መጣችሁ ንግግር ፕሮግራሙን ከፍተው ማህበሩ በቫይረሱ ምክናያት ወላጆቻቸውን ያጡ እና ረዳት የሌላቸውን ተማሪዎች ከጎናችሁ ሰው አለ ብሎ ለማበረታታት የተቋቋመ ነው ብለዋል፤እንዲሁም ተማሪዎችን ነገ ሌላ ቀን እንደሆነ አስባችሁ እንድትበረታቱ፤ ችግራችሁን እያሰባችሁ ወደኋላ እንዳትቀሩ በማለት ወደ ፊትም እገዛው እንደሚቀጥል ተናግረዋል፡፡

የኢትዮጵያ ቴክስታይል እና ፋሽን ቴክኖሎጅ ኢንስቲትዩት የሴቶች ወጣቶች ህጻናት እና ኤች.አይ ቪ ዳይሬክተር ሲስተር ማርታ አስማረ በበኩላቸው ማህበሩ የተቋቋመበትን አላማ ከገለፁ በኋላ ተማሪዎቹን በትምህርታቸው ጠንካራ እንዲሆኑና ሌሎቹን እንዲያግዙ እና እንዲንከባከቡ የአደራ መልዕክት አስተላልፈዋል፡፡

በመጨረሻም ከአምስት የአንደኛ ደረጃ ትምህርት ቤት ለመጡ 25 ተማሪዎች ለምግብ አገልግሎት የሚውል ለእያንዳንዳቸው 10 ኪሎ ግራም ማካሮኒ ድጋፍ ከተደረገ በኋላ የእድገት በስራ ማህበር ሊቀመንበር የሆኑት አቶ አበባው ንጋቴ ወደፊት በትምህርታቸው ጎበዝ ተማሪዎችንም ማዕቀፍ አድርገው እንደሚሰሩና አሁን በማህበሩ የታቀፉ ተማሪዎች በሚመጡበት ጊዜ ውጤታቸውን በማየት ጥሩ ነጥብ ለሚያስመዘግቡ ተማሪዎች የማበረታቻ ሽልማት የሚሰጥ መሆኑን ገልጸዋል፡፡

A National Validation workshop held
----------------------------------------
National Validation workshop on the baseline assessment report of the contribution of Blue Economy to the sustainable economic development of Ethiopia is held form November 17-18/ 2021 in Bahir Dar, Ethiopia.
Welcoming all, in his opening remarks, Dr. Firew Tegegne, President of Bahir Dar University gave brief overview about Bahir Dar University. In his address, the president highlighted the attention given to Fisheries and aquatic sciences in the University. The president also mentioned the flagship projects the university is currently working on through Inter-University projects in areas of watershed management/Land resilience and aquatic Sciences like PLANE3T and SATREP.
Dr Firew underscored the necessity of diversified economic activities for Africans to achieving the Sustainable Development Goals (SDGs). He mentioned Ethiopia’s effort to using its hydro-electric potential to satisfy its energy demand and to bring regional integration in the horn of Africa.
The president appreciated IGAD for the Blue Economy project which he believed is more right when executed in the context of the horn of Africa, an area with an untapped Blue economic potential. He confirmed the Bahir Dar University’s readiness to support IGAD in areas of Blue Economy Research, innovation and trainings. He finally wished successful discussions and deliberations in the workshop and thanked the organizers of the workshop form IGAD.
Dr. Eshete Dejen, Fisheries and Aquaculture Officer at FAO, and Coordinator of the Blue Economy project, said that the Blue Economy is a concept related to an integration of water related economic activities like Fishery, tourism, hydro-electric power, maritime and the like. Dr. Eshete indicated that Bahir Dar is selected for the workshop because of Bahir Dar University which is center of Excellence in areas of Blue Economy like the maritime, Fisheries and tourism and the Lake Tana, a hub of blue economic activities- fish, Sand and transportation.
Dr Wassie Anteneh, Regional Fisheries Expert from IGAD presented the objectives of the workshop He said the in the workshop it is intended to review the draft baseline report and update the gaps, to validate the baseline reports and to create national Blue Economy platform.
As the Blue Economy is a new concept, awareness creation workshops will be held for the benefit of a range of people from policy level experts to the practitioners and beneficiaries. It is also learned that similar validation workshops are scheduled to be held in all eight IGAD countries.
Experts and officers from more than four ministries, researchers from different institutes, regional experts and teacher-researchers from Bahir Dar University participated in the workshop.

 

 

Tibebe Ghion Specialized Hospital offers First Aid Training to Volunteers
------------------------------------------------------------------------

የባሕር ዳር  ዩኒቨርሲቲ ለፀጥታ ኃይሎች ድጋፍ አደረገ

 

የባሕር ዳር ዩኒቨርሲቲ ጥቅምት 30/2014 ዓ.ም  በምስራቅ ጎጃም ዞን በመርጡለ ማሪያም ከተማ በመገኘት ለአማራ  ክልልና ለፌዴራል ፀጥታ ኃይሎች ድጋፍ አድርጓል።

 

በባሕር ዳር ዩኒቨርሲቲ የአስተዳደር ጉዳዮች ኤክስኪዩቲቭ ዳይሬክተር አቶ ገደፋዉ ሽፈራዉ በርክክቡ እንደገለፁት የተደረገዉ ድጋፍ ሁለት መቶ (200) ኩንታል የዳቦ ዱቄት ሲሆን በጥሬ ገንዘብ ሲተመን  ከ1.1 ሚሊዮን ብር እንደሚያወጣ ጠቁመዋል።

  

የምስራቅ ጎጃም ዞን የግብርና መምሪያ ኃላፊ  አቶ ፈንታሁን ቸኮል እና የመርጡለ ማሪያም ከተማ ከንቲባ አቶ ብርሃኑ ዋለ ድጋፉን  የተረከቡ ሲሆን ለተደረገው ድጋፍ አቶ  ፈንታሁን ቸኮል ምስጋና አቅርበዋል። አክለውም  ጦርነቱ በድል  እስኪቋጭ ድረስ  መሰል ድጋፎች ተጠናክረው እንዲቀጥሉ ጥሪ አቅርበዋል።

 

ድጋፉን ለማስረከብ የሄደውን የባሕር ዳር ዩኒቨርሲቲ ልኡክ የመሩት አቶ ገደፋው ሽፈራው  በበኩላቸው ዩኒቨርሲቲው  የህልውና ትግሉን ለመደገፍ በተለያዩ ግንባሮች በመገኘት ለፀጥታ ኃይሎች እና ለተጎዱ የህብረተሰብ  ክፍሎች  ፈርጀ ብዙ   ድጋፍ  ሲያደርግ መቆየቱን አስታውሰው ፣ በቀጣይም ድጋፉ ተጠናክሮ እንደሚቀጥል አረጋግጠዋል።

 

በባሕር ዳር ዩኒቨርሲቲ  የተማሪዎች ዲን ዶ/ር ምኒይችል ቢተው እና  የጠቅላላ አገልግሎት ዳይሬክቶሬት ዳይሬክተር አቶ ሙላት ጠብቀዉ ዩኒቨርሲቲውን በመወከል ተገኝተዋል።

የባሕርዳር ዩኒቨርሲቲና ቡና ባንክ በጋራ ለመስራት ተፈራረሙ
***************************************
ባሕር ዳር ዩኒቨርሲቲ መምህራንና የአስተዳደር ሰራተኞቹን ተጠቃሚ የሚያደርግ የብድር አገልግሎት ስምምነት በ26/02/2014 ዓ.ም. ከቡና ባንክ ጋር ተፈራረመ፡፡
ስምምነቱን በተመለከተ የባሕር ዳር ዩኒቨርሲቲ የአካዳሚክ ምክትል ፕሬዚዳንት ዶ/ር እሰይ ከበደ እንደተናገሩት የባሕር ዳር ዩኒቨርሲቲና የዩኒቨርሲቲው ማህበረሰብ ሀገራችን ኢትዮጵያን ከገጠማት ችግር ለማውጣትና አጥፊውን የሕወሀት ሽብር ቡድን ለመደምሰስ በሚደረገው ሁለንተናዊ ጥረት የበኩሉን አስተዋጽኦ እያደረገ እንደሆነ ገልጸው ከዚህ ጎን ለጎን የዩኒቨርሲቲው ማህበረሰብ በተሻለ የባለቤትነት ስሜት የተቋሙን ተልዕኮዎች በማሳካት ለበለጠ ውጤት እንዲነሳሳ በማድረግ በኩል ከፍተኛ ፋይዳ ያለው ስምምነት ከቡና ባንክ ጋር ተፈርሟል ያሉ ሲሆን በዚህ ስምምነት የዩኒቨርሲቲው ሰራተኞች ለቤት መስሪያ፣ ለመኪናና የቤት እቃዎች መግዣ የሚሆን የብድር አገልግሎት ማግኘት እንዲችሉ ያደርጋል ብለዋል፡፡ ዩኒቨርሲቲው ሰራተኞቹን ተጠቃሚ ከማድረግ አንጻር በዩኒቨርሲቲው ጥበበ ጊዮን ሰፔሻላይዝድ ሆስፒታል የነጻ ህክምና አገልግሎት የጀመረ መሆኑንም አውስተዋል።
የቡና ባንክ ሰሜን ምዕራብ ዲስትሪክት ስራ አስኪያጅ አቶ ልጅአለም ሙጨ በበኩላቸው ቡና ባንክ የተለያዩ አማራጮችን ለዩኒቨርሲቲው ማህበረሰብ በማቅረብ ተጠቃሚ ለማድረግ በትጋት በመስራት ላይ መሆኑን ተናግረዋል፡፡
ስራ አስኪያጁ አክለውም ባሕር ዳር ዩኒቨርሲቲ ከባንኩ ጋር ውል በመግባት ሰራተኞቹን ተጠቃሚ ለማድረግ እያሳየ ያለው ተነሳሽነት ለሌሎች ዩኒቨርሲቲዎችም ተሞክሮ የሚሆን ነው ብለዋል፡፡
ባንኩ በየትኛውም ሰዓት ለዩኒቨርሲቲው ሰራተኞች ቅድሚያ ሰጥቶ እንደሚያገለግልና በተመጣጣኝ ወለድ የብድር አገልግሎት እንደሚሰጥም ገልጸዋል፡፡
ስምምነቱ ከተፈረመበት ጊዜ ጀምሮ ተግባራዊ እንደሚሆንም በፊርማ ስነ-ስርዓቱ ላይ የተገለጸ ሲሆን ስምምነቱ ከ10ሺህ በላይ የሚሆኑ የዩኒቨርሲቲውን ሰራተኞች የብድር ተጠቃሚ ያደርጋል ተብሎ ይጠበቃል፡፡

የባሕርዳር ዩኒቨርሲቲ ተማሪዎች ደም ለገሱ

****************************

የባሕርዳር ዩኒቨርሲቲ ተማሪዎች ‹‹ደማችን ለአርበኞቻችን፤ ህይወታችን ለሀገራችን” በሚል መሪ ቃል ጥቅምት 24 ቀን 2014 ዓ.ም የደም ልገሳ መርሃ-ግብር አካሄደዋል፡፡

በባሕርዳር ዩኒቨርሲቲ የግሸ አባይ ግቢ ተማሪዎች ለሃገራችን ህልውና እና ለእያንዳንዳችን መኖር እየተዋደቁ ላሉ የሀገር መከላከያ ሠራዊት፣ ልዩ ኃይል፣ ሚኒሻ እና የፋኖ አባላት ደም በመለገስ የበኩላቸውን አስተዋፆ አድርገዋል፡፡

አንዳንድ ያነጋገርናቸው ተማሪዎች እንደገለጹት ገንዘብ ከማዋጣትና ደም ከመለገስ ባሻገር ሀገራችን ኢትዮጵያን ከገጠማት ችግር ለማውጣት ሁሉም ወጣት ወደ ጦር ግንባር በመዝመት አጥፊውን የህወሓት የሽብር ቡድን ለመደምሰስ መዋጋት አለበት ሲሉም አስተያየታቸውን ሰጥተዋል።

በደም ልገሳ መርሃ-ግብሩ 414 ተማሪዎች ደም ለግሰዋል፡፡

Pages