የስርዓተ ትምህርት ክለሳ

የኮሌጁ መምህርና ተመራማሪ ዶ/ር ግርማቸው ስራው በግብርና ኤክስቴንሽን ኢኖቬሺን የሁለተኛ ዲግሪ የስርዓተ ትምህርት ረቂቁን አቅርበው እንዲገመገም ተደርጓል፡፡ ዶ/ር ግርማቸው የትምህርት ፕሮግራሙን መከፈት አስፈላጊነት ሲያስረዱ እንደተናገሩት ት/ክፍሉ በመጀመሪያ ዲግሪ ደረጃ በግብርና ኤክስቴንሽን ኢኖቬሺን ተማሪዎችን እያሰለጠነ ቢሆንም በሀገሪቱ በሙያው ተሰማርተው ያሉት ሙያተኞች ቁጥራቸው አናሳ ከመሆኑም በላይ የክህሎት ውስንነት ስለሚስተዋልና በሌሎች ሙያተኞች ስራው እየተሰራ በመሆኑ እንዲሁም በአገር አቀፍ ደረጃ ፕሮግራሙ የመጀመሪያ መሆኑ መከፈቱ ፋይዳው የጎላ ነው ብለዋል፡፡

በመርሃ ግብሩ ላይ የሁለቱም ካሪኩለም ረቂቅ ቀርቦ በገምጋሚ እንግዶችና ታዳሚዎች አስተያየቶች ቀርበው ከአቅራቢዎችና በፕሮግራሙ ተሳታፊ በሚሆኑ መምህራን ግብረ-መልስ ሰፊ ውይይት ተካሂዷል፡፡