Latest News

A book written by Bahir Dar University- School of Law professors and published with a financial support by USAID Justice Activity in Ethiopia is unveiled

It is recalled that Bahir Dar University School of Law funded by USAID Justice Activity in Ethiopia has been conducting a national study on master's degree programs under the title “Nationwide assessment and evaluation of graduate programs in Law (LL.M programs) offred by different Universties in Ethiopia’’.

The results of the study were published by USAID and handed over to Bahir Dar University School of Law in a colorful handover ceremony  attended by various senior government officials and stakeholders on March 25, 2020 at the Inter Luxury Hotel. During the handover program, the law school teacher and study coordinator, Mr Alebachew Berhanu, gave a brief overview of the study process, the findings and the recommendations. It is learned that, before completing the study, the findings and  the study process was presented in the presence of representatives from all universities that teach Law, justice institutions  and the Ministry of Education, and a lot of important inputs were obtained.

The Dean of the Law School, Bahir Dar University, Mr. Tegen Zergaw, who received the book, thanked the researchers who made significant contributions to bringing the study to completion, USAID Justice for financing the project and others who contributed and supported the project in various ways during the course of the study. The dean asserted that the school, in collaboration with stakeholders, has the readiness, desire and capacity to effectively execute similar kinds of professional undertakings.

ፕሮፌሰር ማሞ ሙጨ ህዝበ ገለፃ አደረጉ

በኢትዮጵያ ቴክስታይልና ፋሽን ቴክኖሎጂ ኢንስቲትዩት  አጋጅነት “ ኢትዮጵያዊነትና የፈጠራ ስራዎች ማዘመን ” በሚል ርዕሰ ፕሮፌሰር ማሞ ሙጨ የኢንስቲትዩቱ  ተማሪዎች፣ መምህራን እና ተጋባዥ አንግዶች በተገኙበት ህዝበ ገለፃ አደርገዋል፡፡

የኢንስቲትዩቱ ሣይንቲፊክ ዳይሬክተር ዶ/ር ታምራት ተስፋዬ ለፕሮፌሰር ማሞ ሙጨ እና ለዕለቱ ታዳሚዎች የእንኳን ደህና መጣችሁ ንግግር በማቅረብ ተተኪ ትውልዶችን በዕውቀት ለማፍራት ይህን መሰል ፕሮግራሞች እንደሚቀጥሉ ገልፀዋል፡፡ 

ፕሮፌሰር ማሞ ኢትዮጵያንዝም ፍልስፍና ላሁኗ ኢትዮጵያ ጥቅሙ ምንድን ነው፣ ኢትዮጵያንዝም ምንድን ነው፣ እኛ ኢትዮጵያኖች ስለ ኢትዮጵያንዝም እናውቃለን አናውቅም፣ ኢትዮጵያንዝም በአለም መድረኮች ያመጣቸው ለውጦች ምንድን ናቸው፣ ፍልስፍና ለአዲስ ባህሪያዊ ለውጦች እንዴት መጠቀም እንችላለን የሚሉ ጉዳዮችን አንስተው ውይይት ተደርጎባቸውል፡፡

ያለን ትምህርት እና እውቀት ከማናውቀው ነገር ጋር ሲወዳደር ኢምንት ነው ፤ ተማሪ መሆን ያቆመ ተማሪ ሆኖ አያውቅም የሚሉ ኃይለ ቃላትን በማንሳት እና ሰፊ ፍልስፍናዊ ገለፃን በማድረግ አነቃቂ አስተያየታቸውን አቅርበዋል፡፡

ፕሮፌሰሩ አያይዘውም ወጣቱ ትውልድ በቋንቋ እና በሐይማኖት ሳይከፋፈል የአባቶቻችን ፈለግ ተከትሎ የተሻለች ኢትዮጵያን በመገንባቱ ሂደት ጉልህ አስተዋፅኦ እንዲያደርግ አሳስበዋል፡፡

በዓለም አቀፍ የሒሳብ መዝገብ አያያዝ ላይ ስልጠና ተሰጠ

************************************************

በባሕር ዳር ዩኒቨርስቲ የስልጠና ዳይሬክቶሬት አዘጋጅነት ከሁሉም ግቢ ለተውጣጡ የሒሳብ ኃላፊዎች፣ ባለሙያዎችና ኦዲተሮች በዓለም አቀፍ የሒሳብ መዝገብ አያያዝ (International Financial Reporting System) ዙሪያ ከየካቲት 12 /2014 ዓ.ም ጀምሮ ለ5 ተከታታይ ቀናት ፔዳ ግቢ በሚገኘው የስልጠና ማዕከል ስልጠና ተሰጥቷል፡፡

የዩኒቨርሲቲዉ የስልጠና ዳይሬክቶሬት ዳይሬክተር አቶ ወርቁ አበበ ስልጠናው ከተለመደው የሂሳብ መዝገብ አያያዝ ወጣ ብሎ የአሰራር ስርዓቱን ለማዘመን የሚሰጥ የመጀመሪያ ዙር ስልጠና እንደሆነና ወደፊትም ተደራሽነቱን በማስፋት ለሌሎች ሰልጣኞች በቀጣይ ዙር ስልጠና እንደሚሰጥ ገልፀዋል፡፡

ስልጠናውን የሰጡት የዩኒቨርሲቲው አካውንቲግንና ፋይናንስ ትምህርት ክፍል መምህር ዶ/ር አጉማስ አላምረው የስልጠናውን ዓላማ ሲገልፁ በዩኒቨርሲቲውን የሒሳብ መዝገብ አያያዝ ለማዘመን ታልሞ የተዘጋጀ ስልጠና መሆኑን አስገንዝበዋል፡፡

ዶ/ር አጉማስ አክለውም ስልጠናው ዓለም አቀፋዊ ፋይዳው የጎላ ሲሆን አገራችን ኢትዮጵያ አንድ መቶ ሰልሳ ስድስት አገሮች ወደሚተዳደሩበት የሂሳብ አያያዝና የአሰራር ስርዓት ጎራ እንድትሰለፍ የማንቂያ ደወል ሆኖ እንደሚያገለግል ገልጸዋል፡፡

በተጨማሪም የዩኒቨርሲቲው ሰራተኞች በየጊዜው ከአንዱ የስራ ክፍል ወደ ሌላው የስራ ክፍል ስለሚቀያይሩ ዩኒቨርሲቲው ለሙያዊ ስልጠና ትኩረት በመስጠት ሁሉም ሰራተኛ ስልጠና የሚያገኝበት ሁኔታ እንዲመቻች አሳስበዋል፡፡

ዘጋቢ፡- ሙሉጉጃም አንዱዓለም

ስራ ፈጠራ እና ንግድን ማዕከል ያደረገ አውደ ጥናት ተካሄደ

************************************************

በባሕር ዳር ዩኒቨርሲቲ እና ደብረ ማርቆስ  ዩኒቨርሲቲ አዘጋጅነት ከባሕርዳር እስከ ደብረ ማርቆስ ድረስ ባለው መንገድ መዳረሻ ላይ በስራ ፈጣሪዎች ስነ-ምህዳር ካርታ ክፍተት ትንተና እና ንግድን ማዕከል ያደረገ አውደ ጥናት የተለያዩ ባለድርሻ አካላት በተገኙበት በቡሬ ከተማ ተካሄደ፡፡

መርሃ-ግብሩን በንግግር የከፈቱት የደብረ ማርቆስ ዩኒቨርሲቲ ፕሬዚዳንት ዶ/ር ታፈረ መላኩ እንደገለጹት በየአመቱ ከዩኒቨርሲቲዎች የሚመረቁ ወጣቶች ስራ አጥ እየሆኑ ነው፡፡ የዚህ ፕሮጀክት ዓላማም ወጣቶች ስራ ፈጥረው ራሳቸውን እንዲመሩ ማድረግ ነው ብለዋል፡፡

ፕሮጀክቱ ያለበትን ደረጃና የስራ አፈጻጸም ያቀረቡት የፕሮጀክቱ ኃላፊ ዶ/ር ጌታሁን የማታ ሲሆኑ የፕሮጀክቱ ዓላማ ባለድርሻ አካላትን በማቀናጀት የስራ አጥነትን ችግር መቅረፍ እንዲችሉ ምቹ ሁኔታ መፍጠር ነው፡፡ፕሮጀክቱ ቀጣይነት እንዲኖረውም በሁለቱም ዩኒቨርሲቲዎች የተቋቋሙት ማዕከላት በትኩረት እየሰሩ መሆኑን ገልጸዋል፡፡  

ዶ/ር ጌታሁን አክለዉም ከባሕር ዳር  ዩኒቨርሲቲ እና ከደብረ ማርቆስ ዩኒቨርሲቲ የተመረቁና በመማር ላይ ያሉ የስራ ፈጠራ ሀሳብ ያላቸው በርካታ ወጣቶች አሉ ይህን ወደ ሌሎች ዩኒቨርሲቲዎችም ማስፋፋት ይገባል ብለዋል፡፡

በባሕር ዳር ዩኒቨርስቲ የስራ ፈጠራ ልማትና ማበልጸጊያ ማዕከል ዳይሬክተር አቶ ዘውዱ ላቀ በበኩላቸዉ ከባሕርዳር እስከ ደብረ ማርቆስ ድረስ ባለው መንገድ መዳረሻ ላይ በስራ ፈጣሪዎች ስነ-ምህዳር ካርታ ክፍተት ትንተና እና ንግድ ማዕከል ያለውን መዳረሻና በስራ ፈጠራና ንግድ ዘርፍ ለመሰማራት ያለውን ውጣውረድ በዝርዝር አቅርበዋል፡፡

አቶ ዘውዱ ላቀ የአሰሪና ሰራተኛ ቁጥር ባለመመጣጠኑ በየአመቱ የስራ አጥ ቁጥር በከፍተኛ ደረጃ እየጨመረ መሆኑን ተናግረዋል፡፡ የስራ አጥነትን ችግር መፍታት ለሀገራችን ወሳኝ ነው፡፡ በአለም ላይ ያደጉ ሀገሮችን ስንመለከት ስራ ፈጠራ ላይ ትኩረት አድርገው በመስራታቸው ማደግ ችለዋል፡፡ እኛም ከመማር ማስተማር በተጨማሪ የክልሉ ወጣቶች ስራ እንዲፈጥሩ ማድረግ ይኖርብናል ብለዋል አቶ ዘውዱ ላቀ ፡፡

በደብረ ማርቆስ ዩኒቨርሲቲ የዩኒቨርሲቲና ኢንዱስትሪ ትስስርና ቴክኖሎጅ ዳይሬክተር አቶ ይበልጣል ታረቀኝ እንደገለጹት የንግድ ማበልጸጊያ ማዕከላት በስፋት ሊቋቋሙ ይገባል፡፡ ስራ ፈጥረው ንግድ ከሚጀምሩት መካከል ተግዳሮት ስለሚበዛባቸው ዘጠና በመቶው በአጭር ጊዜ ይዘጋሉ፡፡ ስለዚህ ይህ ስራ ተገቢውን ትኩረት ሊያገኝ ይገባል ብለዋል፡፡

ከውይይቱ ተሳታፊዎች መካከል የWA ዘይት ፋብሪካ ስራ አስኪያጅ አቶ እዮብ ወረታው እንደገለጹት ዩኒቨርሲቲዎች ከቲዎሪ ባለፈ በተግባር የተደገፈ ትምህርት ሊሰጡ ይገባል፡፡ ለዚህም የዩኒቨርሲቲና ኢንዱስትሪ ትስርን በማጠናከር ተማሪዎች የተግባር ልምምድ በፋብሪካዎች በማድረግ ብቁና ተወዳዳሪ እንዲሆኑ መስራት ያስፈልጋል ብለዋል አቶ እዮብ፡፡

የተለያዩ ጥያቄዎችና አስተያየቶች ከተሳታፊዎች የተነሱ ሲሆን ከፕሮጀክቱ ሀላፊዎችና አስተባባሪዎችም ማብራሪያና ምላሽ ተሰጥቷል፡፡

በመርሃ-ግብሩ ላይ ተገኝተው የመዝጊያ ንግግር ያደረጉት የባሕር ዳር  ዩኒቨርስቲ  የምርምርና  ማኅበረሰብ አገልግሎት ምክትል ፕሬዚዳንት ዶ/ር ተስፋዬ ሽፈራው እንደገለጹት የንግድ ውድድር ባህል ቀጣይነት እንዲኖረው ቢደረግ በአገራችን ትልልቅ ሀሳብ ያላቸው ወጣቶች እውቀታቸውን አፍልቀው ለባለሀብቱ እየሸጡ ገንዘብ ያገኛሉ፡፡ ባገኙት ገቢም እራሳቸውንና ሀገርን ይለውጣሉ፡፡ የዩኒቨርሲቲና ኢንዱስትሪ ትስስርን በማጠናከር ተማሪዎች የተማሩትን ትምህርት በተግባር ኢንዱስትሪዎች ውስጥ ልምምድ በማድረግ ነው የአደጉ ሀገራት ተሞክሮ የሚያሳየው፡፡

ዶ/ር ተስፋዬ አክለውም በየጓዳው ያሉ ጸጋዎችን አውጥተን እና አሳድገን የማህበረሰባችን ህይወት ማሻሻልና መለወጥ አለብን ብለዋል፡፡ ሥራ ፈጣሪዎች፣ የኢንዱስትሪ ፓርኮች፤የግል ባለሀብቶች፤ የሁለቱም ዩኒቨርሲቲዎች ማዕከላት ጥሩ ልምዶችን እና ተሞክሮዎችን  በማጎልበት ሊሰሩ እንደሚገባ ዶ/ር ተስፋዬ አሳስበዋል፡፡

የስምምነት ሰነድ ረቂቅ ቀርቦ ውይይት የተደረገበት ሲሆን ከውይይቱ የተገኙ ግብአቶች ተካተውበት በቀጣይ ባለድርሻ አካላት ኃላፊነትና ሚናቸውን ለይተው መስራት እንዲችሉ ይፈራረማሉ ተብሏል፡፡

በአውደ ጥናቱ የልማት ባንክ ተወካይ፤የአማራ ክልል ኢንዱስትሪ ፓርክ ልማት ኮርፖሬሽን፤የባሕርዳር ፖሊ ቴክኒክ ኮሌጅ፤ ከቴክኒክና ሙያ ኮሌጆች፤ ከWA ዘይት ፋብሪካ፤ከባሕርዳር ከተማ አስተዳደር፤ ከምስራቅና ምእራብ ጎጃም ዞንና ወረዳዎች የስራ ፈጠራና ክህሎት ቢሮዎች የተውጣጡ የስራ ኃላፊዎች ተሳትፈዋል፡፡