Latest News

በፕ/ር ምንዳርአለው ዘውዴ የተፃፈ “ነገ መቼ ነው? ” መጽሐፍ  ምረቃ ተካሄደ

**************************************************************

(ሀምሌ 15/2014 ዓ.ም፣ ባሕር ዳር ዩኒቨርሲቲ-BDU) በባሕር ዳር ዩኒቨርሲቲ የባህል ማዕከል አዘጋጅነት በአዲስ አበባ ዩኒቨርሲቲ የፍልስፍና መምህር በሆኑት ፕሮፌሰር ምንዳርአለው ዘውዴ “ነገ መቼ ነው?” በሚል ርዕስ የተጻፈው መጽሐፍ ምረቃ እና የፕሮፌሰሩ የህይዎት ልምድ ተሞክሯቸውን ያካፈሉበት መርሃ-ግብር የባሕር ዳር ከተማ ወጣቶች፤ በርካታ መምህራን እና የአስተዳደር ሰራተኞች እንዲሁም ተማሪዎች በተገኙበት በዩኒቨርሲቲው ፔዳ ግቢ የመሰብሰቢያ አዳራሽ ተካሂዷል፡፡

   በመጽሐፍ ምርቃት ፕሮግራሙ ላይ ተገኝተው ንግግር ያደረጉት የባሕር ዳር ዩኒቨርሲቲ የኢንፎርሜሽንና ስትራቴጂክ ኮሙኒኬሽን ም/ፕሬዚዳንት ዶ/ር ዘውዱ እምሩ የባሕር ዳር ዩኒቨርሲቲ የባህል ማዕከል የፅናት፣ የማይናዎጥ አቋም ተምሳሌት የሆኑትን ኩሩ ኢትዮጵያዊ ፕ/ር ምንዳርአለው ዘውዴ በአካል ተገኝተው የህይዎት ልምድና ተሞክሯቸውን እንዲያከፍሉ እና መጽሐፋቸውንም በተቋማችን እንዲመረቅ ከፍተኛ አስተዋፆ ያበረከቱ የማዕከሉ ሰራተኞች እና በዕለቱ የተገኙ ታዳሚዎችን አመስግነዋል፡፡

 ፕ/ር ምንዳርአለው በወቅቱ ምሁር ጠል የሆነው የአስተዳደር ስርአት ያደረሰባቸው እንግልትና ጫና ሳይበግራቸው ባልተለመደ መልኩ ወደ ገጠሪቷ የኢትዩጵያ ክፍል በመሄድ የግብርና ስራቸውን በመከወን ወንድሞቻቸውን አስተምረው ለሀገር የሚጠቅሙ ምሁራን እንዲሆኑ አስተዋፅኦ ከማበርከታቸውም በተጨማሪ በእለቱ ለምረቃ የበቃውን “ነገ መቼ ነው? ”መጽሐፍን ጨምሮ የስናዳር ስንክሳሮች፣ ራስን መሰለል፣ ሰውና ሰው እና አፍን ዘግቶ ፉጨት የተሰኙ የልቦለድ መፅሐፎችን ለአንባቢያን ማበርከታቸውን ተናግረዋል፡፡ እንደ ዶ/ር ዘውዱ ገለፃ የተማረ ሰው መልካም መልካሙን ብቻ ይዞ የሚጓዝ ሳይሆን አስቸጋሪ እና ፈታኝ ሁኔታዎችን ወደ መልካም አጋጣሚ እየቀየረ የሚያድግ መሆኑን በተግባር ያሳዩ ታላቅ ሀገር ወዳድ ምሁር እና የፅናት ተምሳሌት  መሆናቸውን ተናግረዋል፡፡   

   በዕለቱ የተመረቀውን “ነገ መቼ ነው? ” አዲሱ መጽሐፍ አስመልክቶ ሰፋ ያለ የዳሰሳ ጥናት  በባሕር ዳር ዩኒቨርሲቲ የአማርኛ ቋንቋና የስነ-ጹሁፍ መምህር በሆኑት በዶ/ር አንተነህ አወቀ የቀረበ ሲሆን በደራሲው ከተፃፈው ሰውና ሰው መጽሐፍ ላይ የተወሰዱ ቅንጫቢ ምንባቦችን በዶ/ር ሞገስ ሚካኤል፣ በሂሩት አድማሱ እና በሰርፀ ፈቃደ ለታዳሚዎች በንባብ  ቀርቧል፡፡

 ፕሮፌሰሩ በ1983 ዓ.ም የተደረገውን የመንግስት ለውጥ ተከትሎ ከአዲስ አበባ ዩኒቨርሲቲ መምህርነታቸው መባረራቸውን ጨምሮ ለ27 ዓመት ያሳለፉትን የህይወት ውጣውረድ እና ተሞክሯቸውን እንዲሁም ለሀገር ሰላምና ለህዝብ አንድነትና ፍቅር ያላቸውን የማይናወጥ ወጥ አቋማቸውን አጋርተው ከታዳሚው ለቀረበላቸው ሀሳብና ጥያቄ ሰፋ ያለ ማብራሪያ ሰጥተዋል፡፡

   በመጨረሻም በባሕር ዳር ዩኒቨርሲቲ የባሕል ማዕከል እንዲሁም በባሕር ዳር ከተማ አድናቂዎች የተዘጋጀውን ስጦታ ከዶ/ር ዘውዱ እምሩ እና የሀገር ሽማግሌዎችን ወክለው ከተገኙት ከአባ መስፍን አድማሱ እጅ ፕሮፌሰር ምንዳርአለው ዘውዴ ተቀብለዋል፡፡     

ባሕር ዳር ዩኒቨርሲቲ-ባዳዩ-BDU

ከዓባይ ጓዳ ጥበብ ሲቀዳ

Wisdom at the source of Blue Nile

Thank YOU for visiting and inviting our pages, for your likes and shares!

ለተጨማሪ መረጃዎች፡-

Telegram ፡- t.me/BDU_ISC_Official

Facebook: - https://www.facebook.com/bduethiopia

YouTube ፡- www.youtube.com/c/BduEduEt

LinkedIn ፡- www.linkedin.com/school/bahir-dar-university

Twitter: - https://twitter.com/bdueduet

Tiktok:- https://vm.tiktok.com/ZMLgRxdfL

website :- www.bdu.edu.et

የግብርናና አካባቢ ሳይንስ ኮሌጅ የ2014 በጀት ዓመት የእቅድ አፈፃፀም ግምገማ አካሄደ

(ሀምሌ 14/2014 ዓ.ም፣ ባሕር ዳር ዩኒቨርሲቲ BDU) የባሕር ዳር ዩኒቨርሲቲ ግብርናና አካባቢ ሳይንስ ኮሌጅ የአስተዳደር ዘርፉን የ2014 በጀት ዓመት ዕቅድ አፈፃፀም ግምገማ የዩኒቨርሲቲው ከፍተኛ አመራሮች በተገኙበት በኮሌጁ ግቢ አካሄደ፡፡

የግብርናና አካባቢ ሳይንስ ኮሌጅ ዲን ዶ/ር አሳምነው ጣሰው እንደገለጹት ባሳለፍነው በጀት ዓመት ብዙውን ጊዜ አገሪቱ በገጠማት የህልውና ዘመቻ ምክንያት ከመማር ማስተማሩ ውጭ በሆነ የዘመቻ ስራ ተጠምደው መቆየታቸውን ገልፀዋል፡፡

ዶ/ር አሳምነው በማስከተል ከጦርነቱ መልስ ዘርፈ ብዙ ተግባራት መከናዎናቸውንና ኮሌጁ የዩኒቨርሲቲውን ራዕይ ለማሳካት ስራዎችን በጥራትና በፍጥነት እየተገበረ የሚገኝ ጠንካራ ተቋም መሆኑን አስገንዝበዋል፡፡

የዩኒቨርሲቲው አስተዳደር ጉዳዮች ም/ፕሬዚዳንት አቶ ብርሃኑ ገድፍ በበኩላቸው መርሃ ግብሩን ላዘጋጁና ኮሌጁ እዚህ ደረጃ እንዲደርስ ጉልህ አስተዋፅኦ ላበረከቱ አካላት ምስጋና አቅርበው ዩኒቨርሲቲው ከ5,500 በላይ የአስተዳደር ሰራተኞች ያሉትና ከመማር ማስተማሩ ጎን ለጎን በርካታ አኩሪ ተግባራትን የሚያከናውን ግዙፍ ተቋም መሆኑን ተናግረዋል፡፡ 

አቶ ብርሃኑ በማስከተል ሁሉም ሰራተኛ ጠንክሮ መስራት እንዳለበትና ለወደፊት ለሚመጡ የስራ ፉክክርና ውድድር በቅቶ ለመገኘት የትምህርት ወረቀት ወይም እውቀት ብቻ ሳይሆን በስራ ኮከብ ተሸላሚ ለመሆን ታታሪና ምስጉን ሰራተኛ ሆኖ መገኘት እንደሚገባ አስገንዝበዋል፡፡

የበጀት አመቱን የእቅድ አፈፃፀም ዋና ዋና ተግባራት በዝርዝር ያቀረቡት የግቢው ማኔጅንግ ዳይሬክተር አቶ ታደሰ መኳንንት ሲሆኑ በአስተዳደር ዘርፉ ያሉት ተግባራትም ሆነ በመማር ማስተማሩ በኩል ምቹና ሳቢ የመማሪያ ክፍሎችን ማዘጋጀት እንደተቻለ፣ በግዥ በኩልም ከተለያዩ ክፍሎች ለሚጠየቁ ፍላጎቶች የግዥ ስርዓቱን በጠበቀ መልኩ መተግበራቸውን እንዲሁም ግቢው በአረንጓዴ ተሸፍኖ ውብ፣ማራኪና ፅዱ እንዲሆን በርካታ ስራዎች መከናዎናቸውን ከቀረበው ሪፖርት ለመረዳት ተችሏል፡፡ የምድረ ግቢ ውበት ከየት ወዴት እንደተቀየረ የበፊቱንና የአሁኑን በማነጻጸር አርአያነት ያለው ስራ መሰራቱን አቶ ታደሰ በሪፖርታቸው አቅርበዋል፡፡

በሪፖርቱ ላይ ያጋጠሙ ተግዳሮቶችም የተለዩ ሲሆን ጎልተው የወጡት የመጠጥ ውሃ እጥረትና የመብራት መቆራረጥ መሆናቸው ተገልፆ በቀረበው ሪፖርት ላይ ተሳታፊዎች አስተያየት እንዲሰጡ ተደርጎ ለተነሱት ጥያቄዎች ምላሽ ተሰጥቷል፡፡

በመርሃ ግብሩ ላይ ኮሌጁ አሁን ካለበት ደረጃ እንዲደርስ ጉልህ አስተዋፅዖ ላበረከቱ አካላት የቀድሞ የኮሌጁ ዲን የነበሩትን ዶ/ር በላይነህ አየለን ጨምሮ ስራቸውን በትጋት ለተወጡ የክፍል ኃላፊዎች፣የስራ ፈፃሚዎች፣ሹፌሮችና የቀን ሰራተኞች የእውቅናና ሽልማት ስነ ስርዓት ተካሂዷል፡፡

ባሕር ዳር ዩኒቨርሲቲ-ባዳዩ-BDU

ከዓባይ ጓዳ ጥበብ ሲቀዳ

Wisdom at the source of Blue Nile

Thank you for Inviting, like, share & visiting BDU page!

ለተጨማሪ መረጃዎች፡-

Telegram ፡- t.me/BDU_ISC_Official

Facebook: - https://www.facebook.com/bduethiopia

YouTube ፡- www.youtube.com/c/BduEduEt

LinkedIn ፡- www.linkedin.com/school/bahir-dar-university

Twitter: - https://twitter.com/bdueduet

Tiktok:- https://vm.tiktok.com/ZMLgRxdfL

website :- www.bdu.edu.et

#BDU60th_ANNIVERSARY

According to Fantahun Ayele, when the training commenced in September 1963, there were 10 Ethiopian and 14 Russian instructors to teach major area courses. In addition, 12 Ethiopian and 2 Indian teachers were  employed to offer general academic subjects like Amharic, English, Mathematics, Physics and History.