Services

የጥናትና የምርምር ማዕከል የሚሰጣቸው አገልግሎቶች
v  በክልሉ የሚገኙ መንግሥታዊና አስተዳደራዊ ድርጅቶች እና የከፍተኛ ትምህርት ተቋማት (የጎንደር፣ የደብረማርቆስ፣ የወሎ፣ የደብረ ብርሃንና የኮምቦልቻ ዩኒቨርሲቲዎች)፣ በተለይ ደግሞ ከባሕርዳር ዩኒቨርሲቲ የአንትሮፖሎጂ፣ የታሪክ፣ የሕግ፣የመሬት ጥናት አስተዳደር እና የሥነ ትምህርት እንዲሁም የቋንቋ፣ የሥነ ጽሑፍና የፎክሎር የትምህርት ክፍሎችጋር በቅርበት በመሥራት ተማሪዎች፣ መምህራን እና ምሁራን የጥናትና የምርምር ውጤታቸውን የሚወያዩበት፣ የመስክ ሥራ መረጃዎቻቸውን እና የሚሰበስቧቸውንና ሙናዊ ቁሳቁሶች ለጥናት ማዕከሉ በመስጠት ትምህርታዊ ውይይቶችን፣ ሴሚናሮችን እና ዐውደ ጥናቶችን በቅርበትና በምክክር የሚያካሄዱበት የመማማሪያ መድረክ ይፈጥርላቸዋል።
v  ስለ ክልሉ ጥናትና ምርምር የሚያደርጉ ተማሪዎች፣ መምህራን እና ተመራማሪዎች ከተመሳሳይ አህጉራዊ እና ዓለማቀፍዊ የቅርስ፣ የታሪክና የባሕል ጥናት ማዕከላት እና ድርጅቶች ጋር (ለምሳሌ፣ዩኔስኮ)፣ እንዲሁም ከፌደራል መንግሥትና ከሌሎች ክልሎች የጥናት እና የምርምር ማዕከላት/ተቋማት ጋር የልምድ ልውውጥ በማድረግ በቅርበት እንዲሠሩ ያስችላቸዋል።
v  ከተለያዩ አካባቢዎች በጥንቃቄ በሚሰብሰቡ ባሕላዊ፣ ታሪካዊ፣ ማኅበራዊ፣ ሥነጥበባዊ፣ እደጥበባዊ፣ ፎክሎራዊ እና ሥነ ልሳናዊ መረጃዎች፣ እንዲሁም በዘመናዊ የድምጽ፣ የምስል እና በዲጂታል ሚዲያ ክምችቶች ላይ ተመሥርቶ ተጨማሪ የማስተማሪያ መጻሕፍትን እና የጥናት መርጃ ማቴሪያሎችን በማሳተም፣ ማሰራጨት እና ተጠቃሚ መሆን ይቻላል።
v  ለተማሪዎች፣ ለመምህራን፣ ለተመራማሪዎች፣ ለሕዝቡ፣ ለሌዩ ልዩ መንግሥታዊ ተቋማት እንዲሁም ለቱሪስቶች፣የሚያገለግሉ በራሪ ጽሑፎችን ማዘጋጀት፣  ትምህርታዊ ጆርናሎችን እና ሙያዊ መጻሕፍትን ማተም፣  ማሰራጨት እና መጠቀም ይቻላል።
v  በተለይም ደግሞ በጥናት እና በምርምር ማዕከሉ በመታገዝ ተጨባጭ በሆኑ ተፈጥሯዊ፣ ባሕላዊ፣ ታሪካዊ፣ ሥነ ጥበባዊ እና ፎክሎራዊ መረጃዎች ላይ በመመሥረት የጥናት እና የምርምር ባሕልን ማሳደግ፣ አካዳሚያዊ ትብብርንና ውይይትን ማዳበር ይቻላል፣ እንዱሁም ከሌሎች የትምህርት፣ የሳይንስ እና የባሕል ተቋማት ጋር በጋራ የመሥራት ባሕልን ማዳበር እና ሳይንሳዊ የልምድ ልውውጥን ማሳደግ ይቻላል።
v  በክልሉ በልዩ ልዩ ገዳማት፣ አብያተ ክርስቲያናት መስጊዶች እና ፍርስራሽ ሕንጻዎች የሚገኙ እና ከጊዜ ብዛት እያረጁ፣ እየተበላሹ እና እየጠፉ የሚገኙትን እጅግ ጥንታዊ የብራና ጽሐፎች፣ የድንጋይና የሐውልት ላይ ሥዕልች እና ጽሑፎች፣ የሥነ ሕንጻ ጥበብ ውጤቶች፣ ወዘተ.፣ በዘመናዊ ዘዴ መጠገን (ማደስ)፣ በዲጂታል ጥበብ በመታገዝ መሰብሰብ እና መቀረስ፣ ለጥናት እና ለምርምር ማመቻቸት ወዘተ.
 
v  የጥናትና የምርምር ማዕከሉ ከአካዳሚያዊ መድረክነት ባሻገር በመንግሥት ተቋማት እና በክልሉ ሕዝብ ትብብር ወደፊት ወደ ባሕላዊ እና ታሪካዊ ሙዚየምነት የሚያድግበትን መንገድ ለማመቻቸት ይረዳል። የጥናት ማዕከሉም ሆነ ሙዚየሙ ለበርካታ ያካባቢው ሠራተኞች እና ለባለሙያዎች የሥራ ዕድልን ይፈጥራል፣ ለክልሉ መንግሥትም መጠነኛ የገቢ ማስገኛ ሊሆን ይችላል።

Share